Maatiyu 5:7 - Fulfulde Nigeria

⁷ “Ɓe barkiɗinaaɓe jurminanooɓe yimɓe, ngam kamɓe maa ɗum yurminanayɓe.

Maatiyu 5:7 ပူးပေါင်းရင်းမြစ်များ

Aafisanko'en 4:32

Ngiɗindiree, njurminindiree hakkunde mooɗon, njaafootiree non no Allah yaaforanii'on barka Almasiihu.

Yaakubu 2:13

Ngam e nyalnde kiita, Allah yurminantaa mo walaa yurmeende. Ammaa yurmeende e heɓa jaalorgal dow kiita.

Yaakubu 3:17

Ammaa andal ƴiwoyngal daga dow, arande ngal lamngal, nden ngal waddataa wannaare, e ngal wadda hakkiilo, ngal walaa mangu hoore, e ngal heewi yurmeende e kuuɗe boɗɗe. Ngal hollataa feerootirol, ngal walaa ciya goonga.

Koloosiyanko'en 3:12

Onon on yimɓe ɓe Allah suɓi, on ceniiɓe ɓe o yiɗi naa' seɗɗa. Ngam non, ngartee gooduɓe yurmeende e yidde leynooɓe ko'e, gooduɓe hakkiilo e munyal.

Luka 6:35

Ammaa ngiɗee ganyooɓe mooɗon, ngaɗaneeɓe boɗɗum, kokkeeɓe nyamaande, to' on kammoo hokkiteeki. To on ngaɗii non, on keɓay barka ɗuɗɗum, on ngartay ɓiɓɓe Allah Joomu Mangu. Ngam Allah e yurminana ɓe ngettataa e kalluɓe.

Ibraaniyanko'en 6:10

Allah naa' o gaɗoowo ko haanaa. O yejjitataa kuugal ngal ngaɗɗon koo yidde nde kolluɗonmo nde mballuɗon yimɓe maako, nyamruɗon yeeso e wallukiɓe haa jooni.

Ibraaniyanko'en 4:16

Ngam non, en ngaɗu sembe ɓernde ɓaddooɗen jooɗorgal laamu Allah Joomu Yidde, ngam keɓen yurmeende e yidde ballaynde'en e carel ngel ngiɗɗennde.

1 Biiturus 2:10

Ndenno naa' on yimɓe Allah, ammaa jooni on yimɓe maako. Ndenno on keɓaayi yurmeende maako, ammaa jooni on keɓii.

Markus 11:25

Koo ndeye to on ndarake on ngaɗa do'aare, to e woodi mo njogitiiɗon nder ɓerɗe mooɗon, njaafaneemo, ngam Nyaako mooɗon Mo Dow maa yaafanoo'on hakke mooɗon.”

1 Timooti 1:13

Koo nde ndenno mi metii haalaaji kalluɗi dow maako, mi torrii tokkuɓemo, mi huɗiimo, ammaa Allah yurminaniiyam, ngam e carel ngel, mi andaa ko ngaɗaymi, mi hoolaaki Yeesu Almasiihu.

1 Korintiyanko'en 7:25

Jooni mi noototo ƴamol ngol ƴamɗonyam nder ɗerewol ngol mbindonoyɗonyam dow yimɓe ɓe ngalaa teegal. Joomiraawo wi'aayiyam goɗɗum dow maɓɓe, ammaa mi hokkay caawori. Mi tabbitinii on njaɓay ko mbiimi ngam Joomiraawo wartiriiyam koolaaɗo barka yurmeende maako.

1 Timooti 1:16

Ammaa Allah yurminaniiyam ngam Yeesu Almasiihu holliiyam munyal ngal walaa keerol, min ɓurɗo koo moye hakke, ngam ɗum warta misaalu to koo moye tokkayɗomo yeeso ɗo'o ngam heɓa yonki ki re'ataa.

2 Korintiyanko'en 4:1

Ngam non, nde Allah yurminaniimin hokkiimin kuugal nga'al, min ittataa kammunde.

Roomanko'en 11:30

Ndenno onon yimɓe naa' Yahuudanko'en, on nganyiino Allah, ammaa jooni o yurminanii'on ngam Yahuudanko'en nganyii ngaɗa ko o wi'i.