Maatiyu 5:5 - Fulfulde Nigeria

⁵ “Ɓe barkiɗinaaɓe leynooɓe ko'e, ngam kamɓe ndonata duuniyaaru.

Maatiyu 5:5 ပူးပေါင်းရင်းမြစ်များ

Yaakubu 3:13

Moye woodi andal e faamu nder mooɗon? Sey o hollaɗum nder waɗuki jonde wooɗunde e kuuɗe boɗɗe nder lesnuki hoore e faamu.

Galaatiyanko'en 5:23

e leynuki hoore, e suruki hoore. Walaa dooka ganyuɗum kuuɗe ɗe'e.

Yaakubu 1:21

Ngam maajum, kubinee fuu kuuɗe ɗe mbooɗaa e kuuɗe kalluɗe. Lestinee ko'e mooɗon, njaɓon Wolde Allah nde o aawi nder ɓerɗe mooɗon, baawaynde hisnuki'on.

Koloosiyanko'en 3:12

Onon on yimɓe ɓe Allah suɓi, on ceniiɓe ɓe o yiɗi naa' seɗɗa. Ngam non, ngartee gooduɓe yurmeende e yidde leynooɓe ko'e, gooduɓe hakkiilo e munyal.

Maatiyu 11:29

Tokkee ko mbi'aymi'on. Ekkitee to am, ngam e mi woodi hakkiilo, mi lestinɗo hoore, nden ɓerɗe mooɗon mbaltoto.

Aafisanko'en 4:2

Koo ndeye ngartee gooduɓe hakkiilo, lestinon ko'e mooɗon, ngarton ɓe munyal, munymunytiron nder yidde.

1 Biiturus 3:15

Ammaa mawninee Almasiihu nder ɓerɗe mooɗon ngam kanko woni Joomiraawo. Koo ndeye njooɗee on ciryii nootaaki koo moye ƴamuɗo'on dow waɗuki ɓernde ki ngaɗɗon dow Almasiihu. Ngaɗee non nder lesnuki hoore e mawninki.

Tiitus 3:2

Wi'uɓe to' ɓe meta haala kalluka dow goɗɗo, to' ɓe ngarta ɗaɓɓitooɓe hawre, to' ɓe ngarta ɓe ɓerɗe caɗɗe. Sey ni ɓe kolla koo moye ngikku boɗɗum.

1 Biiturus 3:4

Sey ni mo''itinaaki mooɗon warta mo''inki ɓerɗe mooɗon e waɗuki ko lallataa waato lestinki hoore, e suruki hoore. Iri kin ɗon mo''itinaaki ki lallataa; kanki woni ɓurki wooɗuki yeeso Allah.

1 Timooti 6:11

Ammaa an, nde a hoolake Allah, woɗɗita fuu fii ɗu'um. Waɗu hoore maaɗa dow waɗuki ko wooɗi, e tokkuki Allah, e hoolaakimo, e yidde, e munyal, e hakkiilo.

2 Timooti 2:25

O warta pamtinoowo geddooɓe ekkitinol maako nder hakkiilo. Ɗum gaɗotooɗum Allah waɗa ɓe tuuba, ɓe paama goonga,

Roomanko'en 4:13

Allah waɗanii Ibraahim e ɓiɓɓe ɓiɓɓeeji maako alkawal wiiki kamɓe ndonata duuniyaaru. Allah waɗii alkawal nga'al naa' ngam Ibraahim e tokka ko Attawra wi'i, ammaa ngam aadilaaku keɓeteeɗum barka hoolaaki Allah.

Maatiyu 21:5

“Mbi'ee yimɓe Urucaliima, ‘Raa laamiiɗo mooɗon e wara to mooɗon! O lestinɗo hoore e mo dow mbabba, e dow mbabba mola pamara.’ ”