Maatiyu 5:48 - Fulfulde Nigeria

⁴⁸ Ngam non, ngartee keewuɓe no Nyaako mooɗon Mo Dow o kewɗo.

Maatiyu 5:48 ပူးပေါင်းရင်းမြစ်များ

Yaakubu 1:4

Doole ekkitooɗon munyal nder koo ɗume, ngam ngarton keewuɓe, ɓe ndullaayi goɗɗum.

Luka 6:36

Njurminanee yimɓe non no Nyaako mooɗon Mo Dow yurmirta.

Koloosiyanko'en 1:28

E min nga'ajina habaru Almasiihu, e min mbaggina koo moye neɗɗo, e min ekkitina koo moye nder fuu faamu amin, ngam min ngaɗa koo moye warta kewɗo nder tokkuki Yeesu yeeso Allah.

1 Yahaya 3:3

Fuu gaɗuɗo ɓernde dow Almasiihu non, o laaɓina hoore maako no Almasiihu laaɓiri.

2 Korintiyanko'en 7:1

Too, bandiraaɓe am ɓe ngiɗumi, nde en ngaɗanaama alkawal dow fuu ɗu'um, en laaɓin ko'e meeɗen daga koo ɗume gaɗoojum ɓalli meeɗen e ɓerɗe meeɗen ngarta ko laaɓaa yeeso Allah. En ngartu ɓe senaaki keewuki, kulooɓe Allah.

Luka 6:40

Ekkitotooɗo ɓurataa moodibbo muuɗum, ammaa koo moye ekkitinaaɗo boɗɗum wartay bo moodibbo muuɗum.

Maatiyu 5:16

Non onon maa, alee jayngol mooɗon yeynanoo yimɓe, ngam ɓe ngi'a kuuɗe mooɗon boɗɗe, ɓe mawnina Nyaako mooɗon Mo Dow.

Maatiyu 5:45

ngam ngarton ɓiɓɓe Nyaako Mo Dow. Ngam e mo waɗa naange maako yeynoo dow yimɓe kalluɓe e yimɓe gaɗooɓe ko wooɗi, nden e mo waɗa ndiyam toɓa dow aadili'en e ɓe ngalaa aadilaaku.

Koloosiyanko'en 4:12

Abaafaras e howna'on, kanko maa e mo nder kawtal mooɗon, o maccuɗo Yeesu Almasiihu. Koo ndeye e mo toroo Allah sembiɗina'on, ngarton tokkuɓe Yeesu keewuɓe, gaɗooɓe ko Allah yiɗi ɓe ngalaa seko.

2 Korintiyanko'en 13:9

Min nanay belɗum to min ndullii sembe, to ni onon on ngartii cembiɗɓe. E min toroo Allah ngarton keewuɓe nder tokkuki Yeesu.

2 Korintiyanko'en 13:11

Too, bandiraaɓe am, sey nyalnde go'o. Mo''inee jonde mooɗon, ngaɗee ko toriimi'on ngaɗon, ngartee ɓe nyumo go'o, njooɗodee jam. Allah joomu yidde e jam wonda e mooɗon.

Aafisanko'en 3:1

Kanjum waɗi min, Bulus, ɗum maɓɓiyam nder suudu cural ngam e mi wa'ajina habaru Yeesu Almasiihu to onon yimɓe naa' Yahuudanko'en.

Maatiyu 5:47

To bandiraaɓe mooɗon tan kownoton, ɗume ngaɗoton ɓurɗum ɗum woɓɓe ngaɗata? Yimɓe naa' Yahuudanko'en naa' e ngaɗa non?