Maatiyu 5:46 - Fulfulde Nigeria

⁴⁶ To yiɗuɓe'on tan ngiɗɗon, ɗume barka keɓoton? Koo jaɓooɓe ceede leydi maa e ngiɗi yiɗuɓeɓe.

Maatiyu 5:46 ပူးပေါင်းရင်းမြစ်များ

Maatiyu 11:19

Ɓii Neɗɗo boo warii e nyaama e yara, sey ɓe mbi'i, ‘Raa o'o, o beelaaɗo o jaroowo, higo jaɓooɓe ceede leydi e gaɗooɓe hakke.’ Fuu e non, tokkuɓe laawol Allah fuu e ɓe kolla kangol woni goongawol.”

Luka 18:13

Ammaa jaɓoowo ceede leydi on darii to woɗɗi. O raaraayi dow, e mo rondi juuɗe maako dow hoore, e mo wi'a, ‘Yaa Allah, yurminanam, mi waɗii hakke.’

Luka 15:1

Wonde nyalnde jaɓooɓe ceede leydi e gaɗooɓe hakke ngari to Yeesu ngam ɓe nana ko o wi'ata.

Maatiyu 18:17

To boo o wanyii ko ɓe mbi'i kamɓe maa, sey mbi'aaka kawtal tokkuɓeyam. Ɗonmaa to o wanyii nanki kawtal tokkuɓeyam, hoccumo bo mo andaa Allah koo gooduɗo hakke ganyuɗo tuuba.

Maatiyu 6:1

“Paamee to' ngaɗon kuuɗe aadilaaku mooɗon yeeso yimɓe ngam ɓe ngi'a. Ngam to on ngaɗii non, on keɓataa mbarjaari to Nyaako mooɗon Mo Dow.

Luka 19:7

Nde yimɓe ngi'i Yeesu yahi wuro maako, ɓe fuu ɓe ngaɗi ka metitaaki e ɓe mbi'a, “O waalay wuro neɗɗo gaɗoowo hakke.”

Luka 19:2

E woodi goɗɗo neɗɗo ton mawɗo jaɓooɓe ceede leydi, bi'eteeɗo Jakka, o diskuɗo.

Maatiyu 5:47

To bandiraaɓe mooɗon tan kownoton, ɗume ngaɗoton ɓurɗum ɗum woɓɓe ngaɗata? Yimɓe naa' Yahuudanko'en naa' e ngaɗa non?

Markus 2:15

Gaɗa ɗon Yeesu e tokkuɓemo e ɓe njooɗii e ɓe kirtoo to wuro Leewi. Jaɓooɓe ceede leydi ɗuɗɓe e gaɗooɓe hakke e nyamda e maako e tokkuɓemo, ngam e woodi yimɓe ɗuɗɓe iri maɓɓe e tokkimo.

Markus 2:16

Nde moodiɓɓe Attawra Faarisanko'en ngi'i e mo nyamda e gaɗooɓe hakke e jaɓooɓe ceede leydi, ɓe mbi'i tokkuɓemo, “Ngam ɗume o nyamdata e jaɓooɓe ceede leydi e gaɗooɓe hakke?”

Luka 3:12

Jaɓooɓe ceede leydi maa ngari ngam ɓe ngaɗanee baptisma, ɓe mbi'imo, “Moodibbo, ko haani min ngaɗa?”

Luka 5:29

Sey Leewi yaari Yeesu wuro muuɗum defanimo nyamnduuji feere‑feere. Jaɓooɓe ceede leydi ɗuɗɓe e woɓɓe yimɓe e nyamda e maɓɓe.

Luka 5:30

Ammaa, Faarisanko'en e moodiɓɓe Attawra maɓɓe ngaɗi ka metitaaki, e ɓe mbi'a tokkuɓe Yeesu, “Ngam ɗume nyamdoton e jaɓooɓe ceede leydi e gaɗooɓe hakke?”

Luka 7:29

Nde yimɓe fuu e jaɓooɓe ceede leydi nani ko Yeesu wi'i, ɓe njaɓi ɗatal Allah woni goonga. Kamɓe ngoni ɓe Yahaya waɗannoo baptisma.

Luka 7:34

Nden Ɓii Neɗɗo warii e nyaama e yara, on mbi'ii, ‘Raa o'o, o beelaaɗo o jaroowo, higo jaɓooɓe ceede leydi e gaɗooɓe hakke.’