Maatiyu 5:29 - Fulfulde Nigeria

²⁹ To hitere maaɗa nde nyaamo e waɗumaa ngaɗaa hakke, ittunde, paɗɗaande. Ɗum ɓuraniima ndullaa jokkoode go'o nder jokkooɗe ɓandu maaɗa e dow ɗum hubina fuu ɓandu maaɗa nder wuro hiite.

Maatiyu 5:29 ပူးပေါင်းရင်းမြစ်များ

Roomanko'en 8:13

Ngam to on ngaɗa jonde no ɓalli mooɗon ngiɗiri, on maayay. Ammaa barka Ruuhu Allah, to on mbarii kuuɗe ɗe ɓalli mooɗon ngiɗi waɗuki, on keɓay yonki ki re'ataa.

Koloosiyanko'en 3:5

Ngam non, cendiree e suunooji duuniyaaru gonɗi nder mooɗon, waato njeenu, e kuuɗe nefniiɗe, e tokkiranki ko ɓandu yiɗi, e suunooji kalluɗi, e yiɗuki ko goɗɗo jeyi. (Ngam yiɗuki ko goɗɗo jeyi ɗum go'o e mawninki gunkiiji).

1 Korintiyanko'en 9:27

Ammaa e mi torra ɓandu am, e mi wartirandu maccuɗo am, ngam to' gaɗa mi wa'ajinanii woɓɓe, min e hoore am mi dulla heɓuki dokkal ngal.

Roomanko'en 6:6

En andi ngikku meeɗen ɗum ndenno ɗum wardaama e Almasiihu dow gaafaangal, ngam ɓandu meeɗen ndu hakke halkee, ngam to' puɗɗiten ngarten maccuɓe hakke.

Galaatiyanko'en 5:24

Yimɓe ɓe Yeesu Almasiihu jeyi, ɓe mbarii kuuɗe kalluɗe ɗe ɓandu e fuu suunooji mayru dow gaafaangal, waato ɓe cendirii e maajum.

Markus 8:36

Ko ɗum nafanta neɗɗo, to o heɓii duuniyaaru fuu, ammaa o dullii yonki maako?

Maatiyu 19:12

Ngam e woodi ɓe ɗum danyi ngorgu maɓɓe e waati. E woodi woɓɓe boo ɓe yimɓe tappi. Nden e woodi woɓɓe ɓe te'ataa ngam ɗaɓɓutuki Laamu Allah. Fuu baawayɗo jaɓuki haala ka'a jaɓaka.”

Maatiyu 10:28

To' on kulu warooɓe ɓandu neɗɗo, ammaa ɓe mbaawataa warki yonki maako. Sey ni kulon on ɗon baawayɗo halka ɓandu e yonki fuu nder wuro hiite.

Maatiyu 23:15

“On mbonii, onon moodiɓɓe Attawra e Faarisanko'en! On munaafuki'en! Ngam on kuula maayo on ngiiloo nder leyɗe feere‑feere ngam heɓuki go'oto tokkayɗo diina mooɗon. To on keɓiimo, on ngartiramo kalluɗo ɓurɗo'on halluki nde ɗiɗi nattayɗo hiite bo mooɗon.

Maatiyu 16:26

Ko ɗum nafanta neɗɗo to o heɓii duuniyaaru fuu, ammaa dullii yonki maako? Koo boo ko neɗɗo waawata hokkuki ngam jaɓtoya yonki muuɗum?

Maatiyu 5:22

Ammaa e mi wi'a'on, koo moye monnani goɗɗo, Allah hiitotomo. Kadin koo moye huɗi goɗɗo, ardiiɓe hiitotomo. Nden koo moye wi'i goɗɗo ‘A meereejo!’ e mo dow laawol nattuki wuro hiite.

Maatiyu 23:33

Onon boole, ɓiɓɓe boole kalluɗe! No ɗum waɗata kison nattuki wuro hiite?

Luka 12:5

Ammaa mi wi'ay'on mo kuloton. Kulee on ɗon baawayɗo warki'on gaɗa ɗon o waɗa'on nder wuro hiite, e mi wi'a'on, kanko kuloton!

Maatiyu 5:30

To jungo maaɗa nyaamo e waɗumaa ngaɗaa hakke, ittungo, paɗɗaango. Ɗum ɓuraniima ndullaa jokkoode go'o nder jokkooɗe ɓandu maaɗa e dow fuu ɓandu maaɗa natta nder wuro hiite.

Maatiyu 11:6

O barkiɗinaaɗo neɗɗo mo alaayi hoolaakiyam.”

Maatiyu 17:27

Fuu e non, ngam to' ɓe nana monnere meeɗen, yahu mbeela ngaɗaa nangirɗum liƴƴi maaɗa. Fuu lingu ngu artuɗaa nanguki, maɓɓutu honduko maagu a taway yamnde ajurfaari nder. Hoccunde, kokkaaɓe njoɓaari Wuro Ceniingo ngam min e maaɗa.”