Maatiyu 5:22 - Fulfulde Nigeria

²² Ammaa e mi wi'a'on, koo moye monnani goɗɗo, Allah hiitotomo. Kadin koo moye huɗi goɗɗo, ardiiɓe hiitotomo. Nden koo moye wi'i goɗɗo ‘A meereejo!’ e mo dow laawol nattuki wuro hiite.

Maatiyu 5:22 ပူးပေါင်းရင်းမြစ်များ

1 Yahaya 2:9

Fuu biiɗo nder jayngol woni, ammaa e mo wanya bandiraawo maako, too, haa jooni nder nyiwre o woni.

Yaakubu 3:6

Ɗemngal ɗum hiite, e ngal heewi halleende, e ngal wonna koo ɗume neɗɗo. E ngal nanginana fuu jonde neɗɗo hiite ƴiwoynge daga wuro hiite.

Tiitus 3:2

Wi'uɓe to' ɓe meta haala kalluka dow goɗɗo, to' ɓe ngarta ɗaɓɓitooɓe hawre, to' ɓe ngarta ɓe ɓerɗe caɗɗe. Sey ni ɓe kolla koo moye ngikku boɗɗum.

Maatiyu 10:28

To' on kulu warooɓe ɓandu neɗɗo, ammaa ɓe mbaawataa warki yonki maako. Sey ni kulon on ɗon baawayɗo halka ɓandu e yonki fuu nder wuro hiite.

Maatiyu 18:35

“Non Nyaako am Mo Dow waɗanta koo moye mooɗon mo yaafanaaki bandiraawo muuɗum e ɓernde go'o.”

1 Biiturus 3:9

To' on ngaato halleende e halleende, koo huɗuki e huɗuki, ammaa ngaatoree barkiɗinki, ngam Allah noddii'on ngaɗon non ngam o barkiɗina'on.

Roomanko'en 12:10

Njogootiree, ngiɗindiree bo bandiraaɓe, kokkee yimɓe mangu bo ɓe ɓurii'on.

1 Biiturus 2:23

Nde o huɗaa, o waataaki. Nde o yari torra, o wi'aayi o waatoto, ammaa o alanii Allah gaɗoowo kiita goonga.

Maatiyu 18:21

Sey Biiturus ɓaddoyii wi'i Yeesu, “Moodibbo, nde noye bandiraawo am e waɗanayam ko wooɗaa e mi yaafanoomo? Nde joweeɗiɗi?”

Yahuuda 1:9

Koo Miikaa'ilu ardiiɗo malaa'ika'en waɗaayi non. E carel ko o yeddootirta e Ceyɗan dow ɓandu Muusa ko maayi, o mawninaayi hoore maako o haɓana Ceyɗan nder haala ɓaleha. Ko o wi'i tan woni, “Joomiraawo haɓanmaa!”

1 Yahaya 3:10

Raa no ɗum feerootirta ɓiɓɓe Allah e ɓiɓɓe Ceyɗan. Fuu mo waɗataa ko wooɗi koo yiɗaa bandiraaɓe muuɗum, kanko naa' o ɓiɗɗo Allah.

Kuuɗe Lilaaɓe 17:18

Sey woɓɓe gooduɓe andal bi'eteeɓe Abikuuri'en e Sitooki'en meddi e maako. Woɓɓe maɓɓe e mbi'a, “Ɗume o'o mawninoowo hoore mo andaa koo ɗume yiɗi wi'uki?” Woɓɓe mbi'i, “E min ngi'a bo o ga'ajinoowo habaru allaaji goɗɗe leyɗe.” Ɓe mbi'u non ngam e mo wa'ajina habaru Yeesu e ummaaki mayɓe.

1 Tasaloonikanko'en 4:6

Dow fii ɗu'um, to' goɗɗo hallana bandiraawo muuɗum koo waɗanamo ko wooɗaa. Min mbi'ii'on ka daga arande, min mbagginii'on wiiki, Joomiraawo waatanay gaɗoowo non e bone.

Markus 14:55

Mawɓe ardiiɓe diina e fuu Kawtal Mawɓe e ɓe ɗaɓɓita ceyda ko ɓe nangirta Yeesu, ngam ɓe keɓa ɓe mbaramo, ammaa ɓe keɓaayi goɗɗum.

Maatiyu 26:59

Mawɓe ardiiɓe diina e fuu Kawtal Mawɓe e ɓe ɗaɓɓita ceyda fewre ɗum ɓe nangirta Yeesu, ngam ɓe keɓa ɓe mbaramo.

Yahaya 11:47

Ngam non, mawɓe ardiiɓe diina e Faarisanko'en ɓe noddi kawtal mawɓe, ɓe mbi'i, “Ɗume ngaɗeten? Neɗɗo o'o e waɗa kuuɗe kayɗiniiɗe ɗuɗɗe.

Wahayu Yahaya 20:14

Sey ɗum hubini Mayde e Laahira nder mbeela hiite ngan. Ngan ɗon mbeela hiite kanga woni mayde ɗiɗawre.

Kuuɗe Lilaaɓe 7:37

Muusa on kanko woni biiɗo ɓiɓɓe Israa'iila, ‘Allah lildoyay'on annabiijo bo am, daga nder bandiraaɓe mooɗon.’

Luka 12:5

Ammaa mi wi'ay'on mo kuloton. Kulee on ɗon baawayɗo warki'on gaɗa ɗon o waɗa'on nder wuro hiite, e mi wi'a'on, kanko kuloton!

Maatiyu 5:44

Ammaa e mi wi'a'on, ngiɗee ganyooɓe mooɗon, ngaɗanee torrooɓe'on do'aare,

Maatiyu 5:34

Ammaa e mi wi'a'on, to' on kuno koo seɗɗa. To' on kunoro dow, ngam ton woni to Allah jooɗoto.

Maatiyu 3:17

Sey hononde ƴiwoyi daga dow wi'i, “O'o woni Ɓiɗɗo am mo ngiɗumi, e mi nana belɗum maako.”

1 Yahaya 5:16

To on ngi'ii tokkuɗo Yeesu e waɗa hakke ɗum yaarataamo mayde, sey ngaɗanonmo do'aare, nden Allah hokkaymo yonki. Ammaa e woodi hakke jaarayɗum neɗɗo mayde, waato sendukimo e Allah haa abadaa. Mi wi'aayi ɗum waɗa do'aare dow maajum.

Yaakubu 2:20

An kaaŋaaɗo! A yiɗi ɗum hollumaa hoolaare nde walaa kuuɗe nde meere?

Ibraaniyanko'en 12:25

Paamee, to' nganyon on ɗon metuɗo. Yimɓe ganyuɓe nana ko wagginɗoɓe nder duuniyaaru wi'iɓe ɓe ndaɗaayi. Too, no waɗata enen ndaɗen, to en nganyii on ɗon bagginɗo'en daga dow?

Ibraaniyanko'en 5:9

Nde o wartiraa kewɗo, o wartii kokkoowo fuu gaɗooɓe ko o wi'i kisndam tabitayɗam.

1 Korintiyanko'en 6:10

e wuyɓe, e gooduɓe suuno ceede, e jarooɓe, e metooɓe kalluka dow woɓɓe, e wuyɓe teetooɓe, ɓe fuu ɓe nattataa Laamu Allah.

1 Korintiyanko'en 6:6

Ammaa kooliiɗo Yeesu wulloyoo kooliiɗo Yeesu, haa yeeso ɓe koolaaki Yeesu!

Kuuɗe Lilaaɓe 5:27

Nde ɓe ngaddiɓe, ɓe ndarniɓe yeeso Kawtal Mawɓe. Mawɗo Mawɓe Ardiiɓe Diina ƴamtiɓe,

Yahaya 15:25

Ɗu'um ɗum waɗu ngam ɗum hebbina ko windaa nder Attawra maɓɓe, ‘Ɓe nganyiiyam walaa daliila.’

Yahaya 8:48

Mawɓe Yahuudanko'en nootii mbi'imo, “Naa' ɗum goonga min mbi'i nde min mbi'i a Samaariyankeejo nden a woodi ginnol?”

Yahaya 7:20

Yimɓe ɓen mbi'imo, “A ginnaaɗo! Moye yiɗi warkima?”

Markus 15:1

Ilaa subaka mawɓe ardiiɓe diina, e mawɓe yimɓe, e moodiɓɓe Attawra, e fuu Kawtal Mawɓe ɓe meddi dow ko ɓe ngaɗata. Sey ɓe kaɓɓi Yeesu ɓe ndillidi e maako, ɓe tambinimo Bilaatus gomnaajo.

Maatiyu 25:41

“Nden o wi'ay wonɓe nano maako, ‘Cendiree e am, onon laanaaɓe! Nattee hiite nge nyifataa haa abadaa nge ɗum siryanii Ceyɗan e malaa'ika'en muuɗum!

Maatiyu 23:33

Onon boole, ɓiɓɓe boole kalluɗe! No ɗum waɗata kison nattuki wuro hiite?

Maatiyu 23:15

“On mbonii, onon moodiɓɓe Attawra e Faarisanko'en! On munaafuki'en! Ngam on kuula maayo on ngiiloo nder leyɗe feere‑feere ngam heɓuki go'oto tokkayɗo diina mooɗon. To on keɓiimo, on ngartiramo kalluɗo ɓurɗo'on halluki nde ɗiɗi nattayɗo hiite bo mooɗon.

Maatiyu 17:5

E mo nder metuki, sey raa wonga nduula ɗelkitotoonga wari suddiɓe. Ɓe nani hononde Allah daga nder maaga, wi'i, “O'o woni Ɓiɗɗo am mo ngiɗumi. E mi nana belɗum maako naa' seɗɗa. Nanee ko o wi'ata'on!”

Maatiyu 12:24

Ammaa nde Faarisanko'en nani non, ɓe mbi'i, “E bawɗe Ba'aljabul laamiiɗo ginni o wurtinirta ginni.”

Maatiyu 10:17

Paamanee yimɓe, ngam ɓe njaaray'on yeeso mawɓe, ɓe piya'on nder cuuɗi do'aare maɓɓe,

Luka 22:66

Nde weeti, Kawtal Mawɓe kawriti e mawɓe ardiiɓe diina e moodiɓɓe Attawra. Yeesu waddaa yeeso maɓɓe.

Kuuɗe Lilaaɓe 4:15

Ɓe mbi'i Biiturus e Yahaya mburtoo yaasi. Ɓe ngaɗi caawori.

Kuuɗe Lilaaɓe 5:21

Nde ɓe nani non, ɓe nattoyi nder Wuro Ceniingo subaka, ɗon e ɗon ɓe puɗɗi ekkitinki. Mawɗo Mawɓe Ardiiɓe Diina e wonduɓe e maako noddi Kawtal Mawɓe e ardiiɓe Yahuudanko'en fuu. Ɓe mbi'i ɗum wurtinoya lilaaɓe ɓen daga nder suudu cural, ɓe ngaddee.

Kuuɗe Lilaaɓe 6:12

Non ɓe umminiri ɓerɗe yimɓe e mawɓe e moodiɓɓe Attawra. Sey ɓe nangi Istifaanus, ɓe njaarimo yeeso Kawtal Mawɓe,

Kuuɗe Lilaaɓe 6:15

Sey fuu jooɗiiɓe nder kawtal ngal cutii Istifaanus, ɓe ngi'i yeeso maako wartii bo yeeso malaa'ikaajo.

Kuuɗe Lilaaɓe 22:30

Too, mawɗo sooji'en on e yiɗi anduki ko waɗi Yahuudanko'en ngulloyii Bulus. Ngam non, nde weeti o waɗi ɗum fitti Bulus o noddi mawɓe ardiiɓe diina e Kawtal Mawɓe fuu ɓe kawrita. O waddi Bulus yeeso maɓɓe.

Kuuɗe Lilaaɓe 23:1

Bulus sutii Kawtal Mawɓe, wi'iɓe, “Bandiraaɓe am, e ɓernde laaɓunde tokkirmi Allah daga arande haa warki hande.”

Kuuɗe Lilaaɓe 24:20

Koo boo ɓe'e wonɓe ɗo'o sey ɓe mbi'a fii kalluɗum ɗum ɓe tawriyam carel ko ndariimi yeeso Kawtal Mawɓe,