Maatiyu 5:16 - Fulfulde Nigeria

¹⁶ Non onon maa, alee jayngol mooɗon yeynanoo yimɓe, ngam ɓe ngi'a kuuɗe mooɗon boɗɗe, ɓe mawnina Nyaako mooɗon Mo Dow.

Maatiyu 5:16 ပူးပေါင်းရင်းမြစ်များ

1 Biiturus 2:12

Kollee ngikku boɗɗum nder yimɓe ɓe andaa Allah, ngam to ɓe mbi'ay on kalluɓe, sey ɓe ngi'a kuuɗe mooɗon ɗe boɗɗe, ɓe mawnina Allah nyalnde wartuki maako.

Tiitus 2:7

Ammaa an wartu ko ɓe ekkitotoo nder ko ngaɗataa fuu. Waɗu hakkiilo e goonga nder ekkitinki maaɗa.

Yahaya 15:8

Ko teddinta Nyaako am woni ngaɗon ko o yiɗi nde ɗuɗɗum. Kanjum hollata on tokkuɓeyam.

Aafisanko'en 5:8

Ngam ndenno nder nyiwre ngonɗon, ammaa jooni nde on ngartii yimɓe Joomiraawo, on nder jayngol. Ngam maajum sey ngaɗon jonde iri nde yimɓe gonɓe nder jayngol.

1 Biiturus 3:16

Koo ndeye ɗum tawra'on e ɓernde lamnde, ngam to ɗum huɗii'on, ɓen ɗon kuɗooɓe ngikku mooɗon boɗɗum ngam on tokkuɓe Yeesu ɓe cemta.

1 Biiturus 4:14

On barkiɗinaaɓe, to e ɗum huɗa'on ngam inde Almasiihu, ngam Ruuhu Allah gooduɗum teddungal e wondi e mooɗon.

1 Biiturus 2:9

Ammaa onon ɗum lenyol ngol Allah suɓi, on kawtal ardiiɓe diina kuwanooɓe laamiiɗo mawɗo, yimɓe ceniiɓe, ɓe Allah jeyi. O suɓu'on ngam nga'ajinon habaru kuuɗe maako kayɗiniiɗe. O wurtinoy'on nder nyiwre ngam natton jayngol maako kayɗiniingol.

Tiitus 3:14

Doole yimɓe meeɗen ekkitoo waɗuki kuuɗe boɗɗe, ngam ɓe mbaawa walluki haanuɓe walleeki nden ngam to' ɓe njooɗoo jonde meere.

1 Timooti 6:18

Wi'uɓe ɓe ngaɗa ko wooɗi, ɓe ngarta gaɗooɓe kuuɗe boɗɗe, ɓe ngarta kokkooɓe caahu ɓernde go'o, giɗɓe senduduki ko ɓe ngoodi e woɓɓe.

2 Korintiyanko'en 9:13

Kuugal nga'al ngal ngaɗoton hollii on koolaaɓe. Ɗuɗɓe teddinay Allah ngam on ngaɗa ko Habaru Belɗum ɗum Almasiihu wi'i ɗum njaɓuɗon yeeso koo moye, nden on cenda ko ngooduɗon e tokkuɓe Yeesu gonɓe Urucaliima e fuu horiiɓe.

Aafisanko'en 2:10

Allah wartirii'en ko ngonɗen jooni, barka Yeesu Almasiihu o tagitake'en ngam kuwen kuuɗe boɗɗe ɗe o yiɗi ngaɗen daga arande.

Ibraaniyanko'en 10:24

En ngaɗu hakkiilo meeɗen dow no mballindirten ngam kollen yidde e waɗuki kuuɗe boɗɗe.

1 Biiturus 4:11

Fuu ga'ajinoowo, sey wa'ajina Wolde Allah. Fuu balloowo sey wallira sembe ɗum Allah hokkimo, ngam nder koo ɗume ɗum mawnina Allah barka Yeesu Almasiihu. Mangu e laamu tabbita to maako haa abadaa abadin. Aamin.

1 Tasaloonikanko'en 2:12

Min mbagginii'on, min cembiɗinii'on, min mbi'ii'on doole ngaɗon jonde belnanaynde Allah ɓernde nodduɗo'on nder Laamu maako e teddungal maako.

1 Biiturus 3:1

Non maa onon rewɓe teegal, tokkee ko worɓe mooɗon mbi'i. Ngam to e woodi woɓɓe worɓe ɓe tokkaayi Wolde Allah, ɗum gaɗotooɗum ngikku rewɓe maɓɓe waɗa ɓe tokka Allah, naa' sey to ɓe metanaama,

Kuuɗe Lilaaɓe 9:36

Nder gariiri Joffa boo e woodi goɗɗo debbo tokkuɗo Yeesu bi'eteeɗo Tabiita. (Ma'ana Tabiita nder Helenankoore woni Dookas, waato lelwa.) E mo huwa kuuɗe boɗɗe, e mo walla ɓe ngalanaa.

1 Timooti 5:25

Non maa kuuɗe boɗɗe e njayri ɗe ngoni, koo maa e ɗe cuuɗii ɗe mburtoyto.

Maatiyu 5:45

ngam ngarton ɓiɓɓe Nyaako Mo Dow. Ngam e mo waɗa naange maako yeynoo dow yimɓe kalluɓe e yimɓe gaɗooɓe ko wooɗi, nden e mo waɗa ndiyam toɓa dow aadili'en e ɓe ngalaa aadilaaku.

Tiitus 2:14

Yeesu hokkii hoore muuɗum ngam meeɗen ngam o rimɗina'en daga koo ndeye halleende, o wartira'en yimɓe maako laɓɓe, giɗɓe waɗuki boɗɗum.

1 Timooti 5:10

Doole o warta mo ɗum andiri waɗuki kuuɗe boɗɗe, ekkitinɗo ɓiɓɓe maako boɗɗum, jaɓɓotooɗo hoɓɓe, gaɗanoowo tokkuɓe Yeesu fii boɗɗum nder lesnuki hoore, balloowo yimɓe nattuɓe torra, gaɗuɗo hoore muuɗum dow waɗuki boɗɗum nder koo ɗume.

1 Timooti 2:10

sey ni ɓe kuwa kuuɗe boɗɗe no rewɓe kulooɓe Allah haani ngaɗa.

Galaatiyanko'en 1:24

Ɓe manti Allah ngam ko o waɗaniyam.

Tiitus 3:4

Ammaa nde Allah Kisnoowo'en wangini yurmeende e yidde muuɗum,

1 Korintiyanko'en 14:25

Ko woni nder ɓernde maako cuuɗiiɗum ɗum wurtoto e njayri, o diccoto, o mawnina Allah, e mo wi'a, “Goonga, Allah e ɗon nder mooɗon.”

Luka 11:2

Yeesu wi'iɓe, “To on ngaɗay do'aare, mbi'ee, ‘Yaa Allah Nyaako amin Mo Dow, inde maaɗa ceniinde mawninee, laamu maaɗa wara.

Maatiyu 9:8

Nde kawrutuɓe ɗon ngi'i non, ɓe kuli, ɓe manti Allah, kokkuɗo yimɓe iri ɗe'e bawɗe.

Maatiyu 23:5

Fuu ko ɓe ngaɗata e ɓe ngaɗaɗum ngam yimɓe ngi'aɓe. E ɓe kaɓɓa laayaho mawko ko aayaaje Deftere Ceniinde to tiiɗe maɓɓe e juuɗe maɓɓe, e ɓe njuutina cilmbi toggooje maɓɓe.

Maatiyu 6:16

“To on cuumii, to' on mbonnu geece mooɗon no munaafuki'en ngaɗata, ngam kamɓe e ɓe mbonna geece maɓɓe ngam ɓe kolla yimɓe e ɓe cuumii. E mi wi'a'on goonga, ɓe njaadake ɓe keɓii mbarjaari maɓɓe.

Maatiyu 23:9

To' on noddu koo moye ‘Nyaako’ e duuniyaaru, ngam on ngoodi Nyaako go'oto, gonɗo ton dow.

Maatiyu 6:9

Raa no ngaɗirton do'aare, ‘Yaa Allah Nyaako amin Mo Dow, inde maaɗa ceniinde mawninee.