Maatiyu 4:23 - Fulfulde Nigeria

²³ Yeesu yahi koo toye nder leydi Galiili, e mo ekkitina nder cuuɗi do'aare maɓɓe, e mo wa'ajina Habaru Belɗum dow Laamu Allah, nden e mo yamɗitina koo iri ɗume nyawu e ciya njamu nder yimɓe.

Maatiyu 4:23 ပူးပေါင်းရင်းမြစ်များ

Maatiyu 9:35

Yeesu yahi gariije mawɗe e ngarihoy pamaroy fuu, e ekkitina nder cuuɗi do'aare ɗi Yahuudanko'en, e wa'ajina Habaru Belɗum dow Laamu Allah, e mo yamɗitina yimɓe gooduɓe koo iri ɗume nyawu, e koo iri ɗume ciya njamu.

Markus 1:39

O yahi koo toye nder leydi Galiili, e mo wa'ajina nder cuuɗi do'aare maɓɓe, e mo wurtinana yimɓe ginni.

Kuuɗe Lilaaɓe 10:38

On andi no Allah suɓiri Yeesu Najarankeejo, e no o hokkirimo bawɗe Ruuhu maako. On andi no Yeesu yiilorii nder gariije fuu e mo huwa kuuɗe boɗɗe, e mo yamɗitina ɓe Ceyɗan torrata fuu ngam Allah e wondi e maako.

Luka 7:22

O wi'i lilaaɓe Yahaya, “Njahee, mbi'on Yahaya ko ngiiɗon e ko nanuɗon: wumɓe e mbumta, jaraaɓe e njaaɓa, gooduɓe nyawu nyaamoojum laral e njamɗitinee, pahuɓe e nana, mayɓe e umminee, ɓe ngalanaa e nga'ajinanee Habaru Belɗum.

Maatiyu 11:5

wumɓe e mbumta, jaraaɓe e njaaɓa, gooduɓe nyawu nyaamoojum laral e njamɗitinee, pahuɓe e nana, mayɓe e umminee, ɓe ngalanaa e nga'ajinanee Habaru Belɗum.

Maatiyu 13:54

O yahi gariiri to o mawni, o fuɗɗi ekkitinki yimɓe nder suudu do'aare maɓɓe haa ɓe kayɗini, ɓe mbi'i, “Toye neɗɗo o'o heɓi faamu ɗu'um e bawɗe waɗuki kuuɗe kayɗiniiɗe ɗe'e?

Markus 1:21

Sey Yeesu e tokkuɓemo njahi gariiri Kafarnahum. Nde Nyalnde Siwtaare wari, o natti suudu do'aare, o fuɗɗi ekkitinki.

Roomanko'en 10:15

Nden no yimɓe nga'ajinirta to ɓe lilaaka? Non no ɗum windiraa, “Ɗum fii boɗɗum yottaaki ɓen ɗon gadduɓe Habaru Belɗum.”

Luka 8:1

Gaɗa ɗon, Yeesu yahi gariije e ngarihoy pamaroy fuu, e wa'ajina Habaru Belɗum dow Laamu Allah. Tokkuɓemo sappo e ɗiɗo e ngondi e maako,

Markus 6:2

Nde Nyalnde Siwtaare wari, o fuɗɗi ekkitinki nder suudu do'aare. Yimɓe ɗuɗɓe nanɓe ko o wi'i, ɓe kayɗini e ekkitinol maako. E ɓe mbi'a, “Toye neɗɗo o'o heɓi fuu fii ɗu'um? Toye o heɓi iri faamu ɗu'um? Toye o heɓi bawɗe waɗuki iri kuuɗe kayɗiniiɗe ɗe'e?

Maatiyu 24:14

Nden ɗum wa'ajinay Habaru Belɗum dow Laamu Allah koo toye nder duuniyaaru, ngam ɗum warta ceyda to leƴƴi fuu, nden re'uki duuniyaaru kin wara.

Maatiyu 12:9

Sey Yeesu ali ɗon dilli, natti suudu do'aare maɓɓe.

Yahaya 18:20

Yeesu wi'imo, “Koo ndeye e mi metana koo moye e njayri. Koo ndeye e mi ekkitina ekkitinol am nder cuuɗi do'aare e nder Wuro Ceniingo to fuu Yahuudanko'en kawrata. Mi meeɗaayi wiiki goɗɗum e suuɗe.

Luka 13:10

Wonde Nyalnde Siwtaare Yeesu e ekkitina nder suudu do'aare.

Luka 9:11

Ammaa nde yimɓe ɗuɗɓe hawrutuɓe ngi'i non, ɓe tokkimo. O jaɓɓiiɓe, o metaniɓe dow Laamu Allah. O yamɗitini giɗɓe yamɗitineeki.

Luka 5:17

Wonde nyalnde Yeesu e nder ekkitinki, Faarisanko'en e moodiɓɓe Attawra e njooɗii ɗon ƴiwoyɓe ngarihoy fuu ngonkoy nder leyɗe Galiili e Yahuudiya e gariiri Urucaliima. Bawɗe Joomiraawo e wondi e maako, e mo yamɗitina nyawɓe.

Markus 6:6

O hayɗini ngam ɓe koolaakimo. Yeesu e yiiloo e ekkitina nder ngarihoy.

Markus 3:10

O waɗu non ngam o yamɗitinii yimɓe ɗuɗɓe haa nyawɓe ɗuɗɓe ngaɗi ka fiiduki ngam ɓe meemamo.

Markus 1:14

Too, gaɗa ɗum surii Yahaya nder suudu cural, Yeesu yahi Galiili e wa'ajina Habaru Belɗum daga to Allah.

Kuuɗe Lilaaɓe 20:25

“Mi yiilake nder mooɗon, e mi wa'ajinana'on habaru Laamu Joomiraawo. Jooni, e mi andi on puɗɗitataa yi'ukiyam.

Kuuɗe Lilaaɓe 18:4

Koo ndeye Nyalnde Siwtaare, Bulus e yeddootira e yimɓe nder suudu do'aare, e mo fooɗa hakkiilo Yahuudanko'en e yimɓe naa' Yahuudanko'en ngam ɓe tokka Yeesu.

Yahaya 6:59

Yeesu wi'i ɗu'um carel ko o ekkitinta nder suudu do'aare to Kafarnahum.

Luka 10:9

Njamɗinee nyawɓe wonɓe nder gariiri ndin, nden mbi'onɓe, ‘Laamu Allah warii haade mooɗon.’

Luka 6:17

Sey Yeesu jippodii e maɓɓe o darii e njayri. Tokkuɓemo ɗuɗɓe e ɗon e yimɓe ɗuɗɓe ƴiwoyɓe daga leydi Yahuudiya fuu, e Urucaliima, e leydi Taaya e Sidon haade mbeela.

Maatiyu 14:14

E jippaaki Yeesu daga nder komiwal ngal o yi'i yimɓe ɗuɗɓe e kawriti, sey o nani jurumɗum maɓɓe, o yamɗitini ɓe njamɗaa nder maɓɓe.

Maatiyu 13:19

Fuu nanuɗo habaru Laamu Allah o heɓtaayiɗum, sey Ceyɗan wara hocca ko ɗum aawi nder ɓernde maako. Ɗum ɗon woni misaalu awdi njanundi dow ɗatal.

Maatiyu 3:2

e mo wi'a, “Tuubee, ngam Laamu Allah ɓadake!”

Yahaya 7:1

Gaɗa ɗu'um Yeesu waɗi ka yiilaaki nder leydi Galiili. O yiɗaa yiilaaki nder leydi Yahuudiya, ngam ardiiɓe Yahuudanko'en wonɓe ton e ɓe ɗaɓɓita laawol no ɓe mbarirtamo.

Luka 20:1

Wonde nyalnde, Yeesu e ekkitina yimɓe nder Wuro Ceniingo, e mo wa'ajina Habaru Belɗum, sey mawɓe ardiiɓe diina e moodiɓɓe Attawra e mawɓe yimɓe ngari to maako,

Luka 4:14

Sey Yeesu so''ii leydi Galiili nder bawɗe Ruuhu Allah. Habaru maako sankitii nder leydi ndin.

Luka 6:6

Wonde Nyalnde Siwtaare o natti nder suudu do'aare, e mo ekkitina. Goɗɗo mo jungo jaraango e nder mayru.

Luka 7:21

E carel ngel Yeesu yamɗitinii yimɓe ɗuɗɓe gooduɓe nyawuuji, o wurtinii ginni, o wumtinii wumɓe ɗuɗɓe.

Luka 9:60

Ammaa Yeesu wi'imo, “Alu mayɓe uwa mayɓe mu''en, ammaa an, yahu, nga'ajinaa Laamu Allah.”

Luka 16:16

“Attawra e Defte Annabo'en ngoni ko ɗum wa'ajinta haa carel Yahaya Gaɗoowo Baptisma. Daga carel ngel, e ɗum andina Habaru Belɗum dow Laamu Allah, koo moye e durwa ngam heɓa nattuki.

Kuuɗe Lilaaɓe 28:31

e mo wa'ajinanaɓe habaru Laamu Allah, e mo ekkitinaɓe habaru Yeesu Almasiihu Joomiraawo e sembe, walaa kaɗuɗomo.