Maatiyu 28:18 - Fulfulde Nigeria

¹⁸ Sey Yeesu ɓaddii haade maɓɓe, wi'iɓe, “Ɗum hokkiiyam fuu laamu dow e ley.

Maatiyu 28:18 ပူးပေါင်းရင်းမြစ်များ

Yahaya 3:35

Nyaako Mo Dow e yiɗi Ɓiɗɗo muuɗum, o waɗii koo ɗume nder juuɗe maako.

1 Biiturus 3:22

Yeesu yahi dow, e mo jooɗii to jungo Allah nyaamo, e mo laamoo malaa'ika'en, e gooduɓe laamu, e gooduɓe bawɗe.

Maatiyu 11:27

Sey o wi'i yimɓe, “Nyaako am hokkiiyam koo ɗume. Walaa anduɗo moye woni Ɓiɗɗo on sey ni Nyaako on, non maa walaa anduɗo Nyaako on sey ni Ɓiɗɗo on, e mo Ɓiɗɗo on yiɗi andina Nyaako on.

Ibraaniyanko'en 2:8

a waɗii koo ɗume ley laamu maako.” Nde Allah waɗi koo ɗume ley laamu maako, alaayi goɗɗum ɗum walaa ley laamu maako. Fuu e non, haa jooni en ngi'aayi koo ɗume fuu ley laamu maako.

1 Korintiyanko'en 15:27

Ngam aayaare wi'ii, “Allah wartirii koo ɗume ley laamu Almasiihu.” Ammaa nde ɗum wi'i, “Koo ɗume wartiraama ley laamu Almasiihu,” too, e njayri ɗum woni ɗu'um hawtaayi e on ɗon gartirɗo koo ɗume ley laamu Almasiihu.

Yahaya 17:2

Ngam a hokkiimo laamu dow yimɓe fuu, ngam o hokka fuu ɓe kokkuɗaamo yonki ki re'ataa.

Yahaya 13:3

Yeesu e andi Nyaako Mo Dow waɗii koo ɗume nder juuɗe muuɗum, kadin e mo andi daga to Allah o ƴiwoyi, to Allah kadin o so''otoo.

Ibraaniyanko'en 1:2

Ammaa nder balɗe ɗe'e ɗe re'uki duuniyaaru o metiranii'en Ɓiɗɗo maako, mo o suɓi warta donoowo koo ɗume. Ɗonmaa barka maako Allah tagi duuniyaaru.

Koloosiyanko'en 2:10

Nder sumpootirki e maako, jonde mooɗon wartii kewnde. Kanko woni mawɗo dow koo ngole ginnol, e malaa'ikaajo, e koo ɗume laamu gonɗum dow e ley.

Luka 10:22

Sey o wi'i yimɓe, “Nyaako am hokkiiyam koo ɗume. Walaa anduɗo moye woni Ɓiɗɗo on sey ni Nyaako on, non maa walaa anduɗo moye woni Nyaako on sey ni Ɓiɗɗo on, e mo Ɓiɗɗo on yiɗi andina Nyaako on.”

Wahayu Yahaya 19:16

To toggoore maako e dango maako wonde inde e windii wi'uki, “Laamiiɗo lamlamɓe, Joomiraawo joomiraaɓe.”

Roomanko'en 14:9

Almasiihu maayi nden ummii daga mayde, ngam o warta Joomiraawo mayɓe e ɓe yonki.

Wahayu Yahaya 17:14

Ɓe konay Karoori ndin, ammaa Karoori ndin heɓa jaalorgal dow maɓɓe ngam kanko woni Joomiraawo joomiraaɓe, Laamiiɗo lamlamɓe. Wonduɓe e maako boo ɓe noddaaɓe, ɓe cuɓaaɓe, ɓe tokkuɓe Joomiraawo boɗɗum.”

Wahayu Yahaya 11:15

Sey malaa'ikaajo joweeɗiɗaɓo duudi luwal muuɗum, sey ɗum nani hononɗe cembiɗɗe daga dow e mbi'a, “Laamu duuniyaaru fuu wartii ɗum Joomiraawo meeɗen e Almasiihu maako. O laamoto haa abadaa abadin!”

Maatiyu 26:64

Yeesu nootii, wi'i, “Ee, ɗum non no mbiiɗaa. Ammaa e mi wi'a'on, yeeso ɗo'o on ngi'ay Ɓii Neɗɗo e jooɗii to jungo nyaamo ngo Joomu Bawɗe e mo waroya nder duule.”

Kuuɗe Lilaaɓe 2:36

“Ngam maajum e haani yimɓe Israa'iila fuu tabbitina Allah suɓii Yeesu mo mbarɗon dow gaafaangal warta Almasiihu Jeyɗo Laamu.”

Kuuɗe Lilaaɓe 10:36

On andi habaru ɗum Allah lildoyi Israa'iilanko'en. Kanjum woni ɓe nga'ajina Habaru Belɗum, ɗum jam keɓaaɗum barka Yeesu Almasiihu. Kanko woni Joomiraawo yimɓe fuu.

Maatiyu 16:28

E mi wi'a'on goonga, e woodi woɓɓe dariiɓe ɗo'o ɓe maayataa naa ɓe ngi'ii Ɓii Neɗɗo e waroya nder laamu muuɗum.”

Yahaya 3:31

“On ɗon ƴiwoyɗo daga dow o ɓurii koo moye mangu. On ɗon ƴiwoyɗo duuniyaaru, duuniyaaru jeyimo, nden e mo meta dow fii duuniyaaru. Ƴiwoyɗo daga dow on o ɓurii koo moye.