Maatiyu 27:4 - Fulfulde Nigeria

⁴ O wi'i, “Mi waɗii hakke ngam mi hokkitirii neɗɗo mo waɗaayi ko wooɗaa.” Ammaa ɓe mbi'imo, “Ko wannimin? An andi!”

Maatiyu 27:4 ပူးပေါင်းရင်းမြစ်များ

1 Yahaya 3:12

To' en ngartu bo Kayinu gartuɗo mo Ceyɗan, o wari minyiraawo maako. Ngam ɗume o warimo? O waru minyiraawo maako ngam ko minyiraawo maako waɗi e wooɗi, ammaa kanko, ko o waɗi ɗum wooɗaa.

1 Biiturus 1:19

Ɗum rimɗinirii'on ƴiiƴam Almasiihu gooduɗam daraja. Kanko woni bo karoori ndi walaa goɗɗum ko haanaa.

Ibraaniyanko'en 7:26

Iri o'o Mawɗo Mawɓe Ardiiɓe Diina haanani'en. O ceniiɗo, o walaa goɗɗum kalluɗum, o walaa hakke, o wurtinaama nder gaɗooɓe hakke o mawninaa dow koo ɗume ton dow.

Tiitus 1:16

E honduko e ɓe mbi'a e ɓe andi Allah, ammaa ko ɓe ngaɗata e holla ɓe andaamo. Ɓe nefniiɓe, ɓe ngaɗataa ko Allah wi'i, walaa kuugal bongal ngal ɓe mbaawata waɗuki.

1 Timooti 4:2

Ekkitinooɓe ɓen ɓe munaafuki'en, ɓe pewooɓe ɓe nyumo waatungo.

Roomanko'en 3:19

Jooni en andi koo ɗume ko Attawra wi'i, ɗum wi'a ngam ɓen ɗon gonɓe ley Attawra, ngam koo moye maɓɓa honduko muuɗum, kadin fuu yimɓe duuniyaaru anda ley kiita Allah ɓe ngoni.

Kuuɗe Lilaaɓe 13:28

Koo nde ɓe keɓaayi daliila waɗankimo kiita mayde, fuu e non ɓe torake Bilaatus waramo.

Yahaya 19:7

Sey Yahuudanko'en mbi'imo, “E min ngoodi dooka, kadin non no dooka ɗum wi'i doole o waree, ngam e mo wi'a kanko woni Ɓiɗɗo Allah.”

Luka 23:47

Nde mawɗo sooji'en on yi'i ko waɗi, sey o manti Allah, o wi'i, “Goonga, neɗɗo o'o o aadiliijo!”

Luka 23:41

Enen en keɓii ko haani ɗum waɗana'en, ngam ko ngaɗɗen wooɗaa. Ammaa neɗɗo o'o, o waɗaayi goɗɗum ko wooɗaa.”

Luka 23:22

Bilaatus wi'iɓe tataɓum, “Ngam ɗume? Ɗume ko halli o waɗi? Mi yi'aayi ko o waɗi ko haani ɗum waramo. Ngam non, mi fiyaymo, mi yoofamo.”

Maatiyu 27:54

Nde mawɗo sooji'en on e horiiɓe sooji'en reenooɓe Yeesu ngi'i dimbol leydi ngol e fuu ko waɗi, sey ɓe kultori naa' seɗɗa, ɓe mbi'i, “Goonga neɗɗo o'o o Ɓiɗɗo Allah!”

Maatiyu 27:19

Bilaatus e jooɗii dow jooɗorgal kiita, sey debbo maako liloyi ɗum wi'amo, “Taa' meemu on ɗon mo waɗaayi ko wooɗaa, ngam hanki mi hoyɗii dow maako mi wannii naa' seɗɗa dow koyɗol ngol.”

Wahayu Yahaya 11:10

Yimɓe duuniyaaru fuu nanay belɗum ɓe ngaɗa humto ɓe kokkindira dokke ngam annabo'en ɗiɗo ɓen mbaraama. Ɓe ngaɗay non ngam annabo'en ɓen pooɗaniino duuniyaaru fuu torra kalluka.