Maatiyu 26:55 - Fulfulde Nigeria

⁵⁵ E ngel ɗon carel Yeesu wi'i garoyɓe ɓen, “On ngardoyi e kaafaaje e cabbi ngam nangoyyam bo mi gujjo calorɗo? Koo ndeye e mi jooɗoo nder Wuro Ceniingo e mi ekkitina, on nangaayiyam.

Maatiyu 26:55 ပူးပေါင်းရင်းမြစ်များ

Yahaya 8:2

Nde fini ilaa subaka o so''ii Wuro Ceniingo. Yimɓe ɗuɗɓe kawriti haade maako, o jooɗii o fuɗɗii ekkitinkiɓe.

Markus 12:35

Yeesu e ekkitina nder njayri Wuro Ceniingo, sey o ƴami, o wi'i, “Ngam ɗume moodiɓɓe Attawra e mbi'a Almasiihu o ɓiɗɗo Dawda?

Yahaya 7:28

Yeesu e nder ekkitinki nder Wuro Ceniingo ngon, sey wi'i e sembe, “Goonga, on andiyam, on andi to ƴiwoymi. Mi waroyaayi ngam hoore am. Ammaa on ɗon liloyɗoyam e mo woodi goonga. Kanko boo on andaamo,

Yahaya 7:14

Nde sendere balɗe humto ngon ƴaɓɓii, Yeesu natti Wuro Ceniingo fuɗɗi ekkitinki.

Maatiyu 21:23

Nde Yeesu natti Wuro Ceniingo e mo nder ekkitinki, sey mawɓe ardiiɓe diina e mawɓe yimɓe ngari to maako mbi'i, “E laamu moye ngaɗataa kuuɗe ɗe'e? Moye hokkumaa laamu ɗum?”

Maatiyu 26:47

Yeesu e meta, sey Yahuuda, go'oto nder tokkuɓemo sappo e ɗiɗo wari. O wardoyi e yimɓe ɗuɗɓe e ɓe njogii kaafaaje e cabbi. Mawɓe ardiiɓe diina, e mawɓe yimɓe liloyiɓe.

Markus 10:1

Sey Yeesu ummii ali ɗon yahi leydi Yahuudiya e fongo Caangol Urdun. Yimɓe ɗuɗɓe fuɗɗiti kawriti to maako, o ekkitiniɓe no o woowi waɗuki.

Luka 4:20

Sey o maɓɓi deftere nden, o hokkitinde ballitoowo o jooɗii. Koo moye gonɗo nder suudu do'aare ndun sutiimo.

Luka 19:47

Koo ndeye e mo ekkitina nder Wuro Ceniingo, ammaa mawɓe ardiiɓe diina e moodiɓɓe Attawra e ardiiɓe yimɓe e ngaɗi ka ɗaɓɓutuki no ɓe mbardatamo.

Luka 20:1

Wonde nyalnde, Yeesu e ekkitina yimɓe nder Wuro Ceniingo, e mo wa'ajina Habaru Belɗum, sey mawɓe ardiiɓe diina e moodiɓɓe Attawra e mawɓe yimɓe ngari to maako,

Yahaya 8:20

Yeesu metii haala ka'a carel ko o ekkitinta nder Wuro Ceniingo haade akwaatiiji to ɗum resata dokke ngam Allah. Ammaa walaa nanguɗomo ngam carel maako waɗaayi taw.