Maatiyu 26:39 - Fulfulde Nigeria

³⁹ Nde o yahi yeeso seɗɗa, sey o yani e leydi e mo hippii, o waɗi do'aare, o wi'i, “Nyaako am Mo Dow, to ɗum waɗoto, ittanam jardugel torra ka'a. Fuu e non naa' ko ngiɗumi waɗetee, ammaa ko ngiɗɗaa waɗee.”

Maatiyu 26:39 ပူးပေါင်းရင်းမြစ်များ

Yahaya 6:38

Ngam mi waroyii daga dow naa' ngam mi waɗa ko ngiɗumi, ammaa mi waɗa ko liloyɗoyam yiɗi.

Filibiyanko'en 2:8

Gaɗa o danyaama nder nandi neɗɗo, o lestini hoore maako o waɗi ko ɗum wi'imo haa o maayi mayde dow gaafaangal.

Maatiyu 26:42

O fuɗɗiti o dilli ɗiɗaɓum, o waɗi do'aare, o wi'i, “Nyaako am Mo Dow, to ɗum waɗataako ɗum ittanayam torra ka'a, sey to mi yariika, al ko ngiɗɗaa waɗee.”

Ibraaniyanko'en 5:7

Carel ko Yeesu woni nder duuniyaaru, o waɗii do'aaje e hononde cembinde e gonɗi o torake Allah baawayɗo hisnukimo daga mayde. Ɗum boo jaɓii do'aare maako ngam o waɗii ko Allah wi'i nder kulol Allah.

Yahaya 5:30

“Mi waawataa mi waɗa goɗɗum e hoore am, e mi waɗa kiita no Allah wi'iyam mi waɗa tan. E mi waɗa kiita goonga, ngam naa' ko welnantayam ɓernde ngaɗaymi, ammaa ko welnata ɓernde on ɗon lilɗoyam ngaɗaymi.

Yahaya 14:31

Ammaa doole yimɓe duuniyaaru ndu'u anda e mi yiɗi Nyaako Mo Dow, kadin e mi waɗa koo ɗume ko o wi'iyam mi waɗa. Ummee ndillen, alen wigeere nde'e.”

Yahaya 18:11

Sey Yeesu wi'i Biiturus, “Wattu kaafahi maaɗa nder holgo maaki. A nyuma mi yarataa jardugel torra ka Nyaako am hokkatayam?”

Yahaya 11:41

Sey ɓe itti kaaƴa ngan daga dammugal yenaande nden. Sey Yeesu raari dow wi'i, “Nyaako Mo Dow, mi yettiima ngam a nanii do'aare am.

Maatiyu 20:22

Ammaa Yeesu nootii, wi'i, “On andaa ko torotooɗon. On mbaaway njaron iri jardugel torra ngel njaraymi yeeso ɗo'o?” Ɓe mbi'imo, “Ee, min mbaaway.”

Maatiyu 24:24

Ngam Almasiihu'en fewre e annabo'en fewre mburtoyto, ɓe ngaɗa alaamaaji mawɗi e kuuɗe kayɗiniiɗe ngam ɓe majjina yimɓe, haa e cuɓaaɓe ɓen to ɗum waɗoto.

Wahayu Yahaya 19:10

Sey ndicciimi yeeso maako ngam mi mawninamo, ammaa o wi'iyam, “Taa' waɗu non! Min maa, mi maccuɗo Allah bo maaɗa, an e bandiraaɓe maaɗa jogiiɓe goonga boɗɗum ka Yeesu wangini. Mawnin Allah! Ngam goonga ka Yeesu wangini kanka waɗi yimɓe mbaawi waɗuki annabaaku.”

Kuuɗe Lilaaɓe 10:25

E nattuki Biiturus wuro ngon, Koneeliyus jaɓɓiimo, diccii yeeso maako mawninimo.

Luka 17:16

O diccii yeeso Yeesu, o yettimo. Kanko boo o Samaariyankeejo.

Markus 13:22

Ngam Almasiihu'en fewre e annabo'en fewre ɓe mburtoyto ɓe ngaɗa alaamaaji e kuuɗe kayɗiniiɗe ngam ɓe majjina yimɓe, haa e cuɓaaɓe ɓen to ɗum waɗoto.

Yahaya 5:19

Yeesu nootii wi'iɓe, “E mi wi'a'on goonga, Ɓiɗɗo on waɗataa koo ɗume kanum tan, ko o yi'i Nyaako maako e waɗa tan o waɗata, ngam koo ɗume ko Nyaako on waɗata, kanjum ɓiɗɗo on waɗata.