Maatiyu 26:28 - Fulfulde Nigeria

²⁸ ngam ɗa'am kanjam woni ƴiiƴam am tabbitinayɗam alkawal Allah ndufeteeɗam ngam yimɓe ɗuɗɓe ngam yaafaaki hakke.

Maatiyu 26:28 ပူးပေါင်းရင်းမြစ်များ

Maatiyu 20:28

Non maa Ɓii Neɗɗo warii naa' ngam o jagganee, ammaa ngam o jagganoo yimɓe, o hokka yonki maako ngam rimɗinki ɗuɗɓe.”

Wahayu Yahaya 7:14

Sey mbiimoomi, “Mi andaa, mawɗo. An a andi.” Sey o wi'iyam, “Ɓe'e yimɓe kamɓe ƴiwoyi daga nder torra kalluka. Ɓe laɓɓiniri kolte maɓɓe e ƴiiƴam Karoori ndin ɗe ndanni tar.

1 Korintiyanko'en 11:25

Non maa, gaɗa ɓe kirtake, o hocci jardugel ndiyam inabojam, o wi'i, “Ɗa'am inabojam ngonɗam nder jardugel nge'el kanjam woni alkawal kesal tabbitayngal e ƴiiƴam am. Ngaɗee non fuu carel ngel njarotonɗam ngam siftorkiyam.”

1 Yahaya 2:2

Kanko woni mo ɗum sakki ngam yaafaaki hakke meeɗen. Naa' hakke meeɗen tan, ammaa haa e hakke yimɓe duuniyaaru fuu.

Ibraaniyanko'en 13:20

Allah Joomu Jam umminii Yeesu Joomiraawo meeɗen daga mayde laawol ƴiiƴam alkawal tabotoongal. Kanjum waɗi Yeesu warti Duroowo Baali Mawɗo,

Ibraaniyanko'en 9:28

non maa Almasiihu sakkaama nde go'o ngam o itta hakke yimɓe ɗuɗɓe. O wartoyay gartol ɗiɗaɓol naa' ngam o itta hakke, ammaa ngam o hisna ɓen ɗon keɗiiɓemo.

Aafisanko'en 1:7

Sumpootirki e Yeesu rimɗinii'en barka ƴiiƴam maako o yaafanake'en hakke meeɗen, ngam yidde nde Allah holli'en keerol walaa. Yidde nden nde mawnde.

Koloosiyanko'en 1:14

Laawol Ɓiɗɗo on o rimɗinii'en o yaafanii'en hakke meeɗen.

Luka 22:19

Nden o hocci buroodi, o yetti Allah, o sendiɗum, o hokki tokkuɓemo, e mo wi'a, “Ɗu'um ɗum ɓandu am, kokkaandu ngam mooɗon. Ngaɗee ka waɗuki non ngam siftorkiyam.”

Koloosiyanko'en 1:20

Barka Ɓiɗɗo on Allah siryootiri hoore muuɗum e koo ɗume gonɗum dow e ley. O siryootira e maajum barka ƴiiƴam Ɓiɗɗo on ndufaaɗam dow gaafaangal.

Roomanko'en 5:19

Non no yimɓe ɗuɗɓe ngarti gaɗooɓe hakke ngam neɗɗo go'oto wanyii ko Allah wi'i, non maa yimɓe ɗuɗɓe ngartay aadili'en ngam neɗɗo go'oto waɗii ko Allah yiɗi.

Markus 14:24

Nden o wi'iɓe, “Ɗa'am kanjam woni ƴiiƴam am tabbitinayɗam alkawal Allah ndufeteeɗam ngam yimɓe ɗuɗɓe.

Wahayu Yahaya 7:9

Gaɗa ɗum ɗon mi raarii sey ngiimi yimɓe ɗuɗɓe ɓe ƴaɓɓake limngal. Ɓe ngaroyii daga koo ndiye leydi, e koo ngole lenyol, e koo ɓeye yimɓe, e koo ngale ɗemngal, e ɓe ndarii yeeso jooɗorgal laamu ngal e Karoori ndin e ɓe ɓornii kolte daneeje tar. E ɓe njogii licoy haako dabiinooje e juuɗe maɓɓe.

Roomanko'en 5:15

Ammaa caahu ɗum Allah hokkata ɗum nandaa e hakke Aadamu. Yimɓe ɗuɗɓe maayii ngam hakke neɗɗo go'oto, ammaa yidde Allah ɓurii mawnuki naa' seɗɗa, non maa caahu ɗum o hokkata yimɓe ɗuɗɓe barka neɗɗo go'oto, waato Yeesu Almasiihu.

Markus 1:4

Non boo Yahaya Gaɗoowo Baptisma jooɗii nder ladde, e wa'ajina, e mo wi'a, “Tuubee, ɗum waɗana'on baptisma, nden Allah yaafanto'on hakkeeji mooɗon.”

Maatiyu 6:12

Yaafanamin hakkeeji amin no min njaaforantoo gaɗanɓemin ko wooɗaa.

Maatiyu 26:27

Ɗonmaa o hocci jardugel ndiyam inabojam, o yetti Allah, o hokkiɓeɗam, o wi'i, “Njaree, on fuu,

Maatiyu 26:29

E mi wi'a'on, mi fuɗɗitataa mi yara ndiyam inabooje naa nyalnde nde njaraymi ngoɗɗam kesam hawti e mooɗon nder Laamu Nyaako am Mo Dow.”

Luka 22:20

Non maa, gaɗa ɓe kirtake, o hocci jardugel ndiyam inabojam, o wi'i, “Ɗa'am woni alkawal kesal tabbitayngal e ƴiiƴam am ndufeteeɗam ngam mooɗon.

Ibraaniyanko'en 10:29

To neɗɗo wanyii Ɓiɗɗo Allah, kadin o wartirii ƴiiƴam alkawal Allah laaɓinɗanmo daga hakke walaa ko nafi, ɗonmaa o huɗi Ruuhu Allah kollayɗum yidde, iri ɗume bone kalluɗum haani o yara? O yaray bone kalluɗum ɓurɗum ɗum gewoowo dooka yarata.