Maatiyu 25:41 - Fulfulde Nigeria

⁴¹ “Nden o wi'ay wonɓe nano maako, ‘Cendiree e am, onon laanaaɓe! Nattee hiite nge nyifataa haa abadaa nge ɗum siryanii Ceyɗan e malaa'ika'en muuɗum!

Maatiyu 25:41 ပူးပေါင်းရင်းမြစ်များ

2 Biiturus 2:4

Koo malaa'ika'en, Allah alaayiɓe nde ɓe ngaɗi hakke, ammaa o waɗiɓe nder wuro hiite nder gayɗe lugguɗe gooduɗe nyiwre ɓaleere ngam ɗum suraɓe naa Nyalnde Kiita.

2 Tasaloonikanko'en 1:9

Ɓe njaray torra halkere nde haa abadaa, ɗum ittayɓe daga yeeso Joomiraawo e yeeso mangu bawɗe maako.

Maatiyu 13:42

Sey malaa'ika'en ɓen kubooɓe nder hiite kallunge. Ɗon ɓe mboyata ɓe nyerƴindira nyiiƴe.

Maatiyu 13:40

Non no ɗum hawritirta geene ɗum wulaɗe, non ɗum waɗata e re'uki duuniyaaru.

Yahaya 8:44

Onon on ɓiɓɓe nyaako mooɗon Ceyɗan, ko ngiɗɗon woni ngaɗon ko nyaako mooɗon yiɗi. Daga arande o gaɗoowo warhoore. Walaa ko wannimo e goonga, ngam o walaa goonga. To o fewii, ɗum ngikku maako, ngam o pewoowo, nyaako fewre.

Maatiyu 7:23

Ammaa mi wi'ayɓe, ‘Mi andaa'on. Cendiree e am, onon kalluɓe.’

Maatiyu 3:12

E mo jogii besirɗum gawri maako ngam senduki gawri e nyaande. O hawritay gawri ndin, o waɗandi nder resirde gawri maako, ammaa o wula nyaande nden nder hiite nge waatataa.”

Ibraaniyanko'en 6:8

Ammaa to ndi wurtinii gi'e e kooraaje, ndi wartii koo ko ndi nafi, naa' ko neeɓi Allah laanayndi, re'uki mayri boo ɗum wulayndi.

Maatiyu 13:50

ɓe kuboo kalluɓe ɓen nder hiite kallunge. Ɗon ɓe mboyata ɓe nyerƴindira nyiiƴe.

1 Yahaya 3:10

Raa no ɗum feerootirta ɓiɓɓe Allah e ɓiɓɓe Ceyɗan. Fuu mo waɗataa ko wooɗi koo yiɗaa bandiraaɓe muuɗum, kanko naa' o ɓiɗɗo Allah.

Luka 16:24

O noddi Ibraahim e sembe, o wi'i, ‘Yaa Ibraahim, yurminanam, liloy Li'aajaru mbi'aamo o suuwa hoondu maako nder ndiyam o fewna ɗemngal am ngam e mi yara bone kalluɗum nder hiite nge'e.’

Luka 13:27

Ammaa o wi'ay, ‘E mi wi'a'on, mi andaa'on, mi andaa to ƴiwoyɗon. Cendiree e am, onon kalluɓe.’

Maatiyu 25:46

Ɓe'e ngoni nattayɓe bone ɗum re'ataa, aadili'en boo keɓa yonki ki re'ataa.”

Maatiyu 18:8

“To jungo maaɗa koo koyngal maaɗa e waɗumaa ngaɗaa hakke, too, ittungo paɗɗaango, koo ittungal paɗɗaangal. Ɗum ɓuraniima nattaa wuro Allah e jungo wo'oto koo koyngal go'otal dow ɗum hubomaa nder hiite nge nyifataa haa abadaa e juuɗe ɗiɗi koo koyɗe ɗiɗi.

Maatiyu 5:22

Ammaa e mi wi'a'on, koo moye monnani goɗɗo, Allah hiitotomo. Kadin koo moye huɗi goɗɗo, ardiiɓe hiitotomo. Nden koo moye wi'i goɗɗo ‘A meereejo!’ e mo dow laawol nattuki wuro hiite.

Maatiyu 4:10

Sey Yeesu wi'imo, “Umma daga ɗo'o, an Ceyɗan! Aayaare wi'ii, ‘Mawnin Allah Joomiraawo maaɗa, kanko tan mawnintaa.’ ”

Maatiyu 25:42

Ngam mi nanii weelo on kokkaayiyam nyamndu. Mi nanii ɗonka on kokkaayiyam ko njaraymi.

2 Tasaloonikanko'en 1:7

o waltinay ɓerɗe mooɗon onon torreteeɓe. Minon maa o waltinay ɓerɗe amin. O waɗay non nyalnde nde Yeesu Almasiihu wangata daga dow nder hiite hawti e malaa'ika'en maako gooduɓe bawɗe.