Maatiyu 25:34 - Fulfulde Nigeria

³⁴ Sey Laamiiɗo on wi'a wonɓe nyaamo muuɗum, ‘Ngaree, onon ɓe Nyaako am barkiɗini, ndonee Laamu ɗum um siryanii'on daga fuɗɗoode duuniyaaru.

Maatiyu 25:34 ပူးပေါင်းရင်းမြစ်များ

Yaakubu 2:5

Bandiraaɓe am ɓe ngiɗumi, nanee ko mbi'aymi. Naa' Allah suɓii ɓe ngalanaa nder duuniyaaru ndu'u ɓe ngarta kooliiɓe Yeesu ɓe ndona barka gonɗum nder laamu Allah ɗum o waɗani yiɗuɓemo alkawal?

Wahayu Yahaya 21:7

Fuu keɓuɗo jaalorgal heɓay fii ɗu'um fuu daga to am, mi wartay Allah maako, kanko o warta ɓiɗɗo am.

Wahayu Yahaya 13:8

Fuu yimɓe jooɗiiɓe e duuniyaaru ɓe mawninayndi, sey ni ɓe ɗum windi inɗe maɓɓe ko duuniyaaru tagee nder deftere yonki nde Karoori baraandi.

Maatiyu 20:23

Sey Yeesu wi'iɓe, “Ee, on njaray iri jardugel torra ngel njaraymi, ammaa jooɗaaki e jungo am nyaamo e jungo am nano naa' min hokkataɗum. Ɗe'e bigeeje ɗum ɗe ɓen ɗon ɓe Nyaako am Mo Dow siryanii.”

Wahayu Yahaya 17:8

Mardi ndi ngiiɗaa, ndenno e ndi woodunoo yonki, jooni ndi walaa yonki, nden ɗo'o yeeso ndi wurtoyto daga nder ngayka kalluka lugguka ndi yaha to ndi halketee. Jooɗiiɓe e duuniyaaru ɓe ɗum windaayi inɗe maɓɓe nder deftere yonki ko duuniyaaru tagee, ɓe kayɗinay e yi'uki mardi ndin ɗon. Ngam ndenno e ndi woodunoo yonki, jooni ndi walaa yonki, nden ndi wartoyay.

Ibraaniyanko'en 4:3

Ngam enen kooliiɓe Allah enen ngoni nattooɓe siwtaare nden ɗon. Non no Allah wi'i, “Mi monnii mi hunake mi wi'i, ‘Ɓe nattataa to ciwtinaymiɓe!’ ” O wi'ii non koo nde o yottini siryaaki koo ɗume daga carel ko o tagata duuniyaaru.

Luka 12:32

“Onon ornde am pamarde, to' on kulu, ngam Nyaako mooɗon Mo Dow e nana belɗum hokkuki'on laamu muuɗum.

Ibraaniyanko'en 11:16

Ammaa ɓe ngaɗii ɓerɗe maɓɓe dow leydi ɓurndi wooɗuki, waato ndi ton dow. Ngam non, naa' ɗum cemtiniiɗum to Allah ɗum noddamo Allah maɓɓe, ngam o siryanakeɓe gariiri.

1 Korintiyanko'en 15:50

Bandiraaɓe, e mi wi'a'on, ɓandu goodundu kusel e ƴiiƴam nattataa nder wuro Allah ton dow. Ɓandu nyolayndu nattataa wuro Allah tabitayngo.

Maatiyu 25:41

“Nden o wi'ay wonɓe nano maako, ‘Cendiree e am, onon laanaaɓe! Nattee hiite nge nyifataa haa abadaa nge ɗum siryanii Ceyɗan e malaa'ika'en muuɗum!

Wahayu Yahaya 19:16

To toggoore maako e dango maako wonde inde e windii wi'uki, “Laamiiɗo lamlamɓe, Joomiraawo joomiraaɓe.”

1 Korintiyanko'en 2:9

Ammaa non no ɗum windiraa, “Ko hitere meeɗaayi yiiki, ko nowru meeɗaayi nanki, ko neɗɗo meeɗaayi nyumuki, kanjum Allah siryanii yiɗuɓemo.”

Maatiyu 25:21

Sey joomu wuro on wi'imo, ‘A huwii boɗɗum, maccuɗo boɗɗo mo goonga. Nde a waɗii goonga dow fii seɗɗa, mi tambinte ɗuɗɗum. Woroy, nanidaa belɗum e am.’

Maatiyu 19:29

Ɗonmaa koo moye aluɗo gureeje, koo sakiraaɓe muuɗum worɓe koo rewɓe, koo nyaako, koo maduujo, koo ɓiɓɓe, koo gese ngam am, o heɓay ko ɓuri non nde 100, nden o heɓay yonki ki re'ataa.

Maatiyu 13:35

O waɗii non ngam o hebbina ko Allah wi'i daga honduko annabiijo wiiki, “Mi metiranay yimɓe e misaalu. Ko suuɗii daga taguki duuniyaaru, mi wurtinayɗum e njayri.”

1 Biiturus 3:9

To' on ngaato halleende e halleende, koo huɗuki e huɗuki, ammaa ngaatoree barkiɗinki, ngam Allah noddii'on ngaɗon non ngam o barkiɗina'on.

2 Timooti 2:12

To en munyii, en laamodoto e maako. To en nganyiimo, kanko maa o wanyay'en.

Galaatiyanko'en 5:21

e lawliiru, e yiltaaki, e yarki njaru yiltoo haa waɗa ko halli, e waɗuki goɗɗe kuuɗe iri ɗe'e. E mi wi'a'on non no mbiimi'on ndenno, kuwooɓe iri kuuɗe ɗe'e ɓe keɓataa nattuki Laamu Allah.

1 Korintiyanko'en 6:9

On andaa gaɗooɓe ko wooɗaa nattataa Laamu Allah? To' on njaɓu ɗum majjina'on. Gaɗooɓe njeenu, koo e ɓe ngoodi teegal koo ɓe ngalaa teegal, e mawninooɓe gunkiiji, e gaɗooɓe luuɗu,

Luka 19:38

E ɓe mbi'a, “O barkiɗinaaɗo Laamiiɗo garoyɗo nder inde Joomiraawo! Jam e ton dow, en mawnin Allah!”

Maatiyu 5:19

Ngam non, koo moye yewi go'o nder koo ko ɓuri famɗuki nder ko Allah wi'i ɗum waɗa, nden o ekkitini woɓɓe ngaɗa non, ɗum noddaymo ɓurɗo famɗuki nder Laamu Allah. Ammaa koo moye waɗi ko Allah wi'i ɗum waɗa, nden o ekkitini woɓɓe ngaɗa non, ɗum noddaymo mawɗo nder Laamu Allah.

Maatiyu 3:2

e mo wi'a, “Tuubee, ngam Laamu Allah ɓadake!”

Wahayu Yahaya 5:10

A wartiriiɓe yimɓe maaɗa ardiiɓe diina ngam ɓe kuwana Allah meeɗen, ɓe laamoto e duuniyaaru.”

1 Biiturus 1:9

Ngam on koolake Yeesu Almasiihu waɗi on keɓa kisndam.

Ibraaniyanko'en 9:26

Daa ɗum non, daa Almasiihu yarii torra nde ɗuɗɗum daga carel ngel duuniyaaru tagaa. Ammaa raɗɗum jooni e re'irde duuniyaaru o warii nde go'o tan ngam o itta hakke barka sakkuki hoore maako.

2 Timooti 4:8

Jooni giifol e ton heɗiiyam, ngol ɗum hokkata gaɗuɓe jonde bonde, ngol Joomiraawo gaɗoowo kiita goonga hokkatayam Nyalnde Jaango. Naa' min tan, ammaa fuu giɗɓe yiiki gartol maako.

1 Tasaloonikanko'en 2:12

Min mbagginii'on, min cembiɗinii'on, min mbi'ii'on doole ngaɗon jonde belnanaynde Allah ɓernde nodduɗo'on nder Laamu maako e teddungal maako.

Roomanko'en 8:17

Jooni nde en ɓiɓɓe, en ngartii donooɓe. En ndonay fii boɗɗum ɗum Allah resani yimɓe maako, kadin en donidooɓe e Almasiihu, to ni en njardii torra e maako ngam keɓen teddungal hawti e maako.

Kuuɗe Lilaaɓe 15:18

Non Joomiraawo wi'i, andinɗo fii ɗu'um ko neeɓi.” ’

Kuuɗe Lilaaɓe 3:26

Nde Allah suɓi Yeesu maccuɗo maako, o artii liloykimo to mooɗon ngam o barkiɗina'on, o waylita koo moye mooɗon ala kuugal muuɗum kallungal.”

Yahaya 19:15

Ɓe mbi'i Bilaatus e sembe, “Warumo! Warumo dow gaafaangal!” Bilaatus wi'iɓe, “On ngiɗi mi wara laamiiɗo mooɗon dow gaafaangal?” Sey mawɓe ardiiɓe diina nootii mbi'i, “Min ngalaa goɗɗo laamiiɗo sey Kaysar!”

Yahaya 12:13

Ngam non ɓe kocci lice dabiinooje ɓe mburtii ngam taɓɓoyaakimo, e ɓe mbi'a e sembe, “Hosaana! O barkiɗinaaɗo on ɗon garoyɗo nder inde Joomiraawo. O barkiɗinaaɗo Laamiiɗo Israa'iila!”

Yahaya 1:49

Nataaniyal wi'imo, “Moodibbo, an woni Ɓiɗɗo Allah! An woni laamiiɗo Israa'iila.”

Luka 11:28

Ammaa Yeesu wi'imo, “Non, ammaa ɓurɓe barkiɗineeki ngoni nanooɓe Wolde Allah e tokkande.”

Markus 10:40

Ammaa jooɗaaki e jungo am nyaamo e jungo am nano naa' min hokkataɗum. Ɗe'e bigeeje ɗum ɗe ɓen ɗon ɓe ɗum siryaniiɗe.”

Maatiyu 27:37

Dow hoore gaafaangal ngal ɗum takki allowal. Ɗum windi dow maagal ko ɗum wulloriimo wi'uki, “O'o woni Yeesu Laamiiɗo Yahuudanko'en.”

Maatiyu 25:23

Sey joomu wuro on wi'imo, ‘A huwii boɗɗum, maccuɗo boɗɗo mo goonga. Nde a waɗii goonga dow fii seɗɗa. Mi tambinte ɗuɗɗum. Woroy, nanidaa belɗum e am.’

Maatiyu 21:5

“Mbi'ee yimɓe Urucaliima, ‘Raa laamiiɗo mooɗon e wara to mooɗon! O lestinɗo hoore e mo dow mbabba, e dow mbabba mola pamara.’ ”

Aafisanko'en 5:5

Tabbitinee ɗu'um, gaɗoowo kuuɗe kalluɗe bo njeenu, koo gooduɗo suuno fii ɗum o jeyaayi walaa geɗal nder laamu Almasiihu e Laamu Allah. Gooduɗo suuno o mawninoowo fii duuniyaaru.

Maatiyu 25:40

Sey Laamiiɗo on nootoo, wi'aɓe, ‘E mi wi'a'on goonga, nde on ngaɗani go'oto nder ɓe'e bandiraaɓe am ɓurɓe famɗuki, min ngaɗanɗon.’

Markus 10:17

Yeesu nangi laawol won ɗon, sey goɗɗo neɗɗo doggi yahi diccii yeeso maako. Neɗɗo on ƴamimo, wi'i, “Moodibbo geeto, ko haani mi waɗa mi heɓa yonki ki re'ataa?”

Luka 11:50

Ngam non ƴiiƴam annabo'en ndufaaɗam daga fuɗɗoode duuniyaaru, ɗum ɗaɓɓitayɗam to juuɗe yimɓe jaamanu ɗu'um,

Yahaya 17:24

“Yaa Nyaako am Mo Dow, e mi yiɗi ɓen ɗon ɓe kokkuɗaayam ɓe ngonda e am to ngonmi, ɓe ngi'a teddungal am, teddungal ngal kokkuɗaayam ngam a yiɗiyam ko duuniyaaru tagee.

Ibraaniyanko'en 1:14

Malaa'ika'en ɗum ɓeye? Ɓe ruuhuuji kuwanooji Allah ɓe o lilata ngam mballa keɓayɓe kisndam.