Maatiyu 25:31 - Fulfulde Nigeria

³¹ “To Ɓii Neɗɗo warii nder teddungal muuɗum e malaa'ika'en fuu, o jooɗoto dow jooɗorgal laamu maako ɗum teddungal.

Maatiyu 25:31 ပူးပေါင်းရင်းမြစ်များ

Wahayu Yahaya 1:7

Raɗɗum e mo wara nder duule, koo moye yi'aymo haa maa e barɓemo. Fuu yimɓe duuniyaaru mboyay ngam gartol maako! Goonga, ɗum waɗay. Aamin.

Maatiyu 19:28

Yeesu wi'iɓe, “E mi wi'a'on goonga, e jaamanu garayɗum, to Ɓii Neɗɗo jooɗake dow jooɗorgal laamu muuɗum ɗum teddungal, onon tokkuɓeyam onon maa on njooɗoto dow jooɗorle laamu sappo e ɗiɗi, on laamoo lenyi Israa'iila sappo e ɗiɗi.

Maatiyu 16:27

Ngam Ɓii Neɗɗo waray nder teddungal Nyaako muuɗum Mo Dow e malaa'ika'en maako, o waatanay koo moye ko waɗi.

Markus 8:38

Koo moye ganyuɗoyam e boliiɗe am nder ɗu'um jaamanu ɗum hakke, ɗum walaa goonga, min Ɓii Neɗɗo mi wanyaymo to mi wartidoyii e malaa'ika'en ceniiɓe nder teddungal Nyaako am Mo Dow.”

Yahuuda 1:14

Enok danyaaɗo jaamanuuji joweeɗiɗi gaɗa Aadamu, o waɗii annabaaku dow maɓɓe, o wi'ii, “Raɗɗum, Joomiraawo warday e malaa'ika'en muuɗum ɓe limataako,

Yahaya 1:51

Sey Yeesu ɓeydi wiikiɓe, “E mi wi'a'on goonga, on ngi'ay dow maɓɓitake, malaa'ika'en Allah e ƴenta e njippoyoo yeeso Ɓii Neɗɗo.”

Luka 9:26

Koo moye ganyuɗoyam, min Ɓii Neɗɗo e boliiɗe am, mi wanyaymo to mi wartoyii nder teddungal am, e nder teddungal Nyaako am Mo Dow, e malaa'ika'en maako ceniiɓe.

Wahayu Yahaya 20:11

Nden mi yi'ii wongal jooɗorgal laamu mangal danewal e jooɗiiɗo dow maagal. Sey dow e ley doggi majjiti daga yeeso maako ɗum ɓeydaayi yi'ukiɗum.

Wahayu Yahaya 3:21

Fuu keɓuɗo jaalorgal o laamodoto e am nder laamu am, non no keɓirmi jaalorgal e mi laamodoo e Nyaako am nder laamu maako.

Markus 14:62

Yeesu nootii, wi'i, “Ee, ɗum min. On ngi'ay Ɓii Neɗɗo e jooɗii to jungo nyaamo ngo Joomu Bawɗe, e mo waroya nder duule.”

Maatiyu 26:64

Yeesu nootii, wi'i, “Ee, ɗum non no mbiiɗaa. Ammaa e mi wi'a'on, yeeso ɗo'o on ngi'ay Ɓii Neɗɗo e jooɗii to jungo nyaamo ngo Joomu Bawɗe e mo waroya nder duule.”

Ibraaniyanko'en 1:8

Ammaa o wi'ii Ɓiɗɗo on, “Yaa Allah, laamu maaɗa tabitay haa abadaa abadin. Aadilaaku woni sawru ndu laamortoɗaa yimɓe maaɗa.

1 Tasaloonikanko'en 4:16

Ngam Joomiraawo e hoore muuɗum jippoyto daga dow e noddol cembingol, e hononde malaa'ikaajo mawɗo, e duudol luwal Allah. Mayɓe e tokki Almasiihu kamɓe artata ummaaki.

Kuuɗe Lilaaɓe 1:11

Worɓe ɓen mbi'iɓe, “Onon yimɓe Galiili, ngam ɗume ndariiɗon ɗo'o on ndaara dow? Yeesu on ɗon koccaaɗo nder mooɗon yaaki dow, o so''oyto non no ngiiruɗon o hocciraama dow.”

Luka 22:69

Ammaa daga jooni, Ɓii Neɗɗo jooɗoto e jungo nyaamo ngo Allah Joomu Bawɗe.”

Maatiyu 25:6

“Ton caka jemma sey ɗum nani noddol sembee, e ɗum wi'a, ‘Raa angoojo on! Mburtoyee, taɓɓeemo!’

1 Tasaloonikanko'en 3:13

O sembiɗina ɓerɗe mooɗon ngam ngarton ɓe ngalaa goɗɗum ko wooɗaa, ngarton ceniiɓe yeeso Allah Nyaako meeɗen nyalnde wartuki Joomiraawo meeɗen Yeesu e fuu ceniiɓe maako.

Ibraaniyanko'en 9:28

non maa Almasiihu sakkaama nde go'o ngam o itta hakke yimɓe ɗuɗɓe. O wartoyay gartol ɗiɗaɓol naa' ngam o itta hakke, ammaa ngam o hisna ɓen ɗon keɗiiɓemo.