Maatiyu 24:45 - Fulfulde Nigeria

⁴⁵ “Moye woni maccuɗo mo goonga mo faamu, mo joomu wuro muuɗum yowi dow maccuɓe muuɗum, ngam o hokkaɓe nyamndu nder carel?

Maatiyu 24:45 ပူးပေါင်းရင်းမြစ်များ

Maatiyu 25:21

Sey joomu wuro on wi'imo, ‘A huwii boɗɗum, maccuɗo boɗɗo mo goonga. Nde a waɗii goonga dow fii seɗɗa, mi tambinte ɗuɗɗum. Woroy, nanidaa belɗum e am.’

Maatiyu 25:23

Sey joomu wuro on wi'imo, ‘A huwii boɗɗum, maccuɗo boɗɗo mo goonga. Nde a waɗii goonga dow fii seɗɗa. Mi tambinte ɗuɗɗum. Woroy, nanidaa belɗum e am.’

Ibraaniyanko'en 3:5

Muusa o maccuɗo Allah mo goonga nder kuugal walluki yimɓe Allah, o metii dow ko Allah wi'ata ɗo'o yeeso.

2 Timooti 2:2

Ko nanɗaa mi ekkitinii yeeso ceydu'en ɗuɗɓe, ekkitinɗum yimɓe ɓe goonga, baawayɓe ekkitinaɗum woɓɓe.

1 Timooti 1:12

Mi yettii Yeesu Almasiihu Joomiraawo meeɗen kokkuɗoyam sembe kuugal am. Mi yettiimo ngam o yiiriiyam goonga o suɓiiyam mi huwanamo.

Wahayu Yahaya 2:13

E mi andi to njooɗiiɗon; on njooɗoo to Ceyɗan laamotoo. Fuu e non, on ngaɗa ko mbiimi'on, on alaayi hoolaakiyam koo nde ɗum wari Antifas ga'ajinɗo dow am mo goonga.

Kuuɗe Lilaaɓe 20:28

Paamanee ko'e mooɗon, ndeenon ornde nde Ruuhu Allah hokki'on. Ngartee woynaaɓe kawtal yimɓe Allah, ɓe o soodiri e mayde Ɓiɗɗo maako.

Luka 19:17

O wi'imo, ‘A huwii boɗɗum, a maccuɗo boɗɗo. Nde a hollii goonga maaɗa dow fii pamarum, a laamoto gariije sappo.’

Maatiyu 13:52

Sey o wi'iɓe, “Too, fuu moodibbo Attawra ekkitiiɗo dow Laamu Allah e mo nandi e joomu wuro burtinɗo jawdi keyri e kiindi nder ndesa muuɗum.”

Maatiyu 10:16

“Raɗɗum, e mi lila'on bono mbaaloy caka caafaali. Ngam non, paamanee ko'e mooɗon no boole ngaɗata, ɗonmaa ngartee ɓe kallaa bo pooli.

Maatiyu 25:2

Njowo nder maɓɓe e ngoodi faamu, njowo nder maɓɓe boo ngalaa faamu.

Maatiyu 7:24

“Ngam non, neɗɗo fuu nanɗo ɗe'e boliiɗe am waɗi ko mbiimi e nandi e neɗɗo gooduɗo faamu mahuɗo wuro muuɗum dow tafaare.

Maatiyu 24:46

O barkiɗinaaɗo maccuɗo mo joomu wuro muuɗum warti tawi e mo waɗa non.