Maatiyu 24:14 - Fulfulde Nigeria

¹⁴ Nden ɗum wa'ajinay Habaru Belɗum dow Laamu Allah koo toye nder duuniyaaru, ngam ɗum warta ceyda to leƴƴi fuu, nden re'uki duuniyaaru kin wara.

Maatiyu 24:14 ပူးပေါင်းရင်းမြစ်များ

Wahayu Yahaya 14:6

Nden mi yi'ii goɗɗo malaa'ikaajo e fiira ton dow, e mo yaada e Habaru Belɗum tabitayɗum ngam o wa'ajinana yimɓe duuniyaaru ɓe koo ngole lenyol, e koo ɓeye yimɓe, e koo ngale ɗemngal, e koo ndiye leydi.

Roomanko'en 10:18

Ammaa, e mi ƴama, ɗum goonga ɓe nanaayi habaru ɗum? Goonga ɓe naniiɗum, ngam aayaare wi'ii, “Habaru Allah yahii koo toye nder duuniyaaru, boliiɗe maɓɓe nattii koo toye nder duuniyaaru.”

Luka 24:47

Nder inde maako ɗum wa'ajinay tuubuki e yaafaneeki hakke yaaki nder lenyi fuu. Ɗum fuɗɗay daga Urucaliima.

Koloosiyanko'en 1:23

On ngartay non to nii on nyamrii yeeso e hoolaaki Yeesu, on cembiɗii, on darake boɗɗum dow kammunde nde ngaɗɗon carel ngel nanɗon Habaru Belɗum. Habaru Belɗum ɗum wa'ajinanaama koo ɗume ko tagaa gonɗum nder duuniyaaru. Min Bulus, mi wartii maccuɗo ɗu'um Habaru Belɗum.

Maatiyu 10:7

Njahee, nga'ajinanonɓe, mbi'on, ‘Laamu Allah warii haade.’

Maatiyu 9:35

Yeesu yahi gariije mawɗe e ngarihoy pamaroy fuu, e ekkitina nder cuuɗi do'aare ɗi Yahuudanko'en, e wa'ajina Habaru Belɗum dow Laamu Allah, e mo yamɗitina yimɓe gooduɓe koo iri ɗume nyawu, e koo iri ɗume ciya njamu.

Koloosiyanko'en 1:6

ɗum nanɗon. Habaru Belɗum ɗu'um e ɗum barkiɗina yimɓe e ɗum sankitoo nder duuniyaaru fuu, non no ɗum waɗi nder mooɗon, daga nyalnde nde nanɗonɗum nyalnde nde paamuɗon boɗɗum no Allah yiɗiri yimɓe.

Maatiyu 24:6

On nanay habaru konuuji gaɗeteeɗi haade mooɗon, e habaru konuuji gaɗeteeɗi ɓadaaki. To' on kulu, ngam doole ɗu'um waɗa, ammaa re'uki duuniyaaru e horii taw.

Maatiyu 4:23

Yeesu yahi koo toye nder leydi Galiili, e mo ekkitina nder cuuɗi do'aare maɓɓe, e mo wa'ajina Habaru Belɗum dow Laamu Allah, nden e mo yamɗitina koo iri ɗume nyawu e ciya njamu nder yimɓe.

Kuuɗe Lilaaɓe 17:6

Nde ɓe keɓtaayi Bulus e Siila, ɓe ndasoyi Jaason e woɓɓe tokkuɓe Yeesu, ɓe ngaddiɓe yeeso mawɓe gariiri, e ɓe mbi'a e sembe, “Raa yimɓe kaɗooɓe jonde jam koo toye, raa ɓe ngarii haa ɗo'o.

Wahayu Yahaya 3:10

Nde on njogake wolde am nder munyal e sembe ɓernde, mi suranay'on torra garanayka duuniyaaru ngam ɗum foonda yimɓe mayru.

Kuuɗe Lilaaɓe 20:25

“Mi yiilake nder mooɗon, e mi wa'ajinana'on habaru Laamu Joomiraawo. Jooni, e mi andi on puɗɗitataa yi'ukiyam.

Maatiyu 24:3

Yeesu e jooɗii dow Hocceere Nde Leɗɗe Jaytun sey tokkuɓemo ngari to maako kamɓe tan, ɓe mbi'i, “Wi'umin, ndeye fii ɗu'um waɗata? Ɗume woni ko hollata wartoyki maaɗa e re'uki duuniyaaru?”

Wahayu Yahaya 16:14

Kanji ngoni ginni gaɗooji kuuɗe kayɗiniiɗe. Kanji ngoni jahooji to laamiiɓe duuniyaaru fuu ɗi kawritaɓe ngam konu e nden ɗon nyalnde mawnde nde Allah Joomu Bawɗe.

Luka 4:5

Sey Ceyɗan yaarimo wonde wigeere townde, bo maƴƴuki hollimo leyɗe duuniyaaru fuu.

Kuuɗe Lilaaɓe 1:2

haa yaaki nyalnde nde o hoccaa yaaki dow. Ko o hoccee yaaki dow, o ekkitinii lilaaɓe ɓe o suɓi nder bawɗe Ruuhu Allah.

Kuuɗe Lilaaɓe 11:28

Go'oto nder maɓɓe bi'eteeɗo Agabus ummii darii waɗi annabaaku e bawɗe Ruuhu Allah, wi'i weelo kallungo waɗay nder duuniyaaru fuu. Ngo boo waɗi nder carel laamiiɗo mawɗo bi'eteeɗo Kalawdiyus.

Maatiyu 18:19

“Ɗonmaa, e mi wi'a'on, to yimɓe ɗiɗo nder mooɗon kawtii ko'e torake goɗɗum e duuniyaaru, Nyaako am Mo Dow waɗanayɓeɗum.

Luka 2:1

Carel ko Yahaya Gaɗoowo Baptisma danyaa, Mawɗo Laamiiɓe leyɗe Rooma bi'eteeɗo Kaysar Agustus wi'i wonɓe nder laamu Rooma fuu ɗum winda inɗe maɓɓe.

Markus 13:10

Ammaa ko re'irde duuniyaaru wara, doole ɗum arta wa'ajinki Habaru Belɗum nder fuu leƴƴi duuniyaaru.

Kuuɗe Lilaaɓe 17:31

ngam o siryake nyalnde nde o waɗanta duuniyaaru kiita nder goonga. O waɗay cuɓaaɗo maako waɗa kiita kan. O tabbitinaniiɗum yimɓe fuu nde o umminimo daga mayde.”

Kuuɗe Lilaaɓe 19:27

To en aldiimo non, yimɓe mbonnay inde kuugal meeɗen. Naa' kanjum tan, ɗonmaa ɓe mbonnay inde suudu mawninki allah meeɗen Artemis mawɗo. Nden ɓe alay teddinkimo, kanko mo jooɗiiɓe leydi Aasiya e duuniyaaru ndu'u fuu mawninta.”

Ibraaniyanko'en 1:6

Ammaa nde Allah siryii lila Ɓiɗɗo muuɗum afo nder duuniyaaru, o wi'ii, “Fuu malaa'ika'en Allah doole mawninamo.”

Ibraaniyanko'en 2:5

Duuniyaaru garayndu ndu min metata, naa' malaa'ika'en Allah waɗi laamoondu.