Maatiyu 23:34 - Fulfulde Nigeria

³⁴ Ngam non, e mi lilonoya'on annabo'en e gooduɓe faamu e moodiɓɓe. On mbara woɓɓe, on mbara woɓɓe dow gaafaangal, on piira woɓɓe looci nder cuuɗi do'aare mooɗon, on tokkaɓe gariiri‑gariiri on torraɓe.

Maatiyu 23:34 ပူးပေါင်းရင်းမြစ်များ

Maatiyu 13:52

Sey o wi'iɓe, “Too, fuu moodibbo Attawra ekkitiiɗo dow Laamu Allah e mo nandi e joomu wuro burtinɗo jawdi keyri e kiindi nder ndesa muuɗum.”

Koloosiyanko'en 1:28

E min nga'ajina habaru Almasiihu, e min mbaggina koo moye neɗɗo, e min ekkitina koo moye nder fuu faamu amin, ngam min ngaɗa koo moye warta kewɗo nder tokkuki Yeesu yeeso Allah.

Kuuɗe Lilaaɓe 13:1

Nder kawtal tokkuɓe Yeesu wonɓe gariiri Antaakiya e woodi annabo'en e ekkitinooɓe, kamɓe ngoni Barnaba e Saaminu bi'eteeɗo Ɓaleejo, e Luusiyus Saayirankeejo, e Manayen mawnuduɗo e Hirudus laamiiɗo, e Caawulu.

Maatiyu 10:23

To yimɓe torrii'on nder wondi gariiri, ndoggee njahon wondi gariiri. E mi wi'a'on goonga, ko njahidon gariije Israa'iila fuu, Ɓii Neɗɗo wartoyay.

Wahayu Yahaya 11:10

Yimɓe duuniyaaru fuu nanay belɗum ɓe ngaɗa humto ɓe kokkindira dokke ngam annabo'en ɗiɗo ɓen mbaraama. Ɓe ngaɗay non ngam annabo'en ɓen pooɗaniino duuniyaaru fuu torra kalluka.

Ibraaniyanko'en 11:37

Woɓɓe mbariraa kaaƴe, woɓɓe taƴaa cendaa ɗiɗi, woɓɓe mbariraa kaafaaje. Woɓɓe e ngiiloo e ɓornii lare baali e ɗe be'i, koo ko ɓe ngoodi, ɓe torraama, ɓe ngaɗanaama ko halli.

1 Korintiyanko'en 3:10

Barka dokkal ngal Allah hokkiyam, mi fuɗɗii maadi bo mahoowo bawɗo maadi naa' seɗɗa. Mi fuɗɗi maadii, nden goɗɗo e maha dow fuɗɗoode nden. Ammaa koo moye mahoowo dow fuɗɗoode nden o faama iri mahuki ki o mahata.

1 Korintiyanko'en 2:6

Fuu e non, to e min metana keewuɓe nder hoolaaki Yeesu, e min metira faamu, ammaa naa' iri faamu ɗum jaamanu ɗu'um, koo faamu laamotooɓe jaamanu ɗu'um ɓe laamu de'oojum.

Kuuɗe Lilaaɓe 15:32

Nde Yahuuda e Siila ɓe annabo'en, ɓe cembiɗini ɓerɗe tokkuɓe Yeesu, ɓe mbagginiɓe dow fii ɗuɗɗum.

Kuuɗe Lilaaɓe 14:19

Gaɗa maajum Yahuudanko'en ngari daga Antaakiya e Ikooniya. Ɓe pooɗi hakkiilo yimɓe, haa ɓe kuborii Bulus e kaaƴe. Sey ɓe ndasimo ɓe njaarimo gaɗa gariiri, ngam e ɓe kammii o maayii.

Kuuɗe Lilaaɓe 12:2

O nangi Yaakubu minyiraawo Yahaya, o waɗi ɗum wardimo kaafahi.

Kuuɗe Lilaaɓe 11:27

Nder balɗe ɗen, woɓɓe annabo'en ƴiwoyi Urucaliima ngari Antaakiya.

Kuuɗe Lilaaɓe 5:40

Mawɓe ɓen njaɓi ko o wi'i. Ɓe nodditi lilaaɓe ɓen, ɓe piyiɓe, ɓe mbi'iɓe to' ɓe ɓeyda metuki dow inde Yeesu. Nden ɓe njoofiɓe.

Kuuɗe Lilaaɓe 1:8

Ammaa to Ruuhu Allah jippoyake dow mooɗon, on keɓay bawɗe, on ngartay kokkayɓe woɓɓe habaru am nder Urucaliima, e leydi Yahuudiya fuu, e leydi Samaariya, haa keerol duuniyaaru.”

Yahaya 20:21

Yeesu fuɗɗiti wi'i, “Jam wonda e mooɗon! Non no Nyaako Mo Dow liliriyam, non min maa e mi lila'on.”

Yahaya 16:2

Ɗum riiway'on daga nder lenyol. Goonga, carel e wara ngel koo moye barɗo'on nyumay Allah huwanta.

Luka 24:47

Nder inde maako ɗum wa'ajinay tuubuki e yaafaneeki hakke yaaki nder lenyi fuu. Ɗum fuɗɗay daga Urucaliima.

1 Tasaloonikanko'en 2:16

E ɓe kaɗamin wa'ajinanki yimɓe naa' Yahuudanko'en ngam to' yimɓe ɓen keɓa kisndam. Non e waɗa koo ndeye e ɓe kebbina poondirɗum hakke maɓɓe. Ammaa monnere Allah yaadake jipponoyakeɓe.

Maatiyu 23:31

Non kollirɗon on ɓiɓɓe barɓe annabo'en.