Maatiyu 22:10 - Fulfulde Nigeria

¹⁰ Sey maccuɓe ɓen njahi dow ɗate ɗen ɓe ɓoptoyi koo moye mo ɓe tawi, fuu kalluɓe e ɓe ngikku boɗɗum, haa wuro humto ngon heewi hoɓɓe.

Maatiyu 22:10 ပူးပေါင်းရင်းမြစ်များ

Wahayu Yahaya 7:9

Gaɗa ɗum ɗon mi raarii sey ngiimi yimɓe ɗuɗɓe ɓe ƴaɓɓake limngal. Ɓe ngaroyii daga koo ndiye leydi, e koo ngole lenyol, e koo ɓeye yimɓe, e koo ngale ɗemngal, e ɓe ndarii yeeso jooɗorgal laamu ngal e Karoori ndin e ɓe ɓornii kolte daneeje tar. E ɓe njogii licoy haako dabiinooje e juuɗe maɓɓe.

1 Yahaya 2:19

Wanywanyɓe Almasiihu ɓen ndenno nder meeɗen ɓe ngonnoo, ammaa ɓe cendirii e meeɗen ngam daga ndenno maa naa' ɗum ɓe meeɗen. Daa ɗum ɓe meeɗen, daa haa jooni e ɓe ngondi e meeɗen. Ammaa ɓe alii'en, ngam ɗum holla nden maa ɓe fuu naa' ɗum ɓe meeɗen.

2 Korintiyanko'en 12:21

E mi hula to mi fuɗɗitii mi so''oyake to mooɗon, Allah am semtinayyam yeeso mooɗon, nden ɓernde am naaway, ngam ɗuɗɓe gaɗunooɓe hakke ɓe tuubaayi ɓe ali kuuɗe ɗe ɓe ngaɗata, waato kuuɗe nefniiɗe, e njeenu, e fuu kuuɗe kalluɗe ɗe ɓerɗe maɓɓe ngiɗi.

Maatiyu 25:10

E ɓe dow laawol soodoykiɗam, sey angoojo on yottii. Ciryiiɓe fitilaaji ɓen nattidi e maako nder wuro to ɗum waɗata humto ngon. Ɗum maɓɓii dammugal wuro ngon.

Wahayu Yahaya 5:9

Ɓe ngimi gimol kesol e ɓe mbi'a, “A hewtii njaɓaa deftere nden takkitaa haatimiije mayre, ngam ndenno a waraama, nden barka ƴiiƴam maaɗa a rimɗinanii Allah yimɓe daga koo ngole lenyol, e koo ngale ɗemngal, e daga koo ɓeye yimɓe, e daga koo ndiye leydi.

Maatiyu 13:38

Ngesa kan woni duuniyaaru. Nden awdi mbondi ndin woni ɓiɓɓe Laamu Allah. Geene ɗen ngoni ɓiɓɓe Ceyɗan.

Maatiyu 9:15

Sey Yeesu nootii wi'iɓe, “E yiiki mooɗon higooɓe angoojo nanay belɗum carel ngel angoojo on wondi e maɓɓe? Ammaa carel e wara ngel ɗum hoccata angoojo on daga nder maɓɓe, e carel ngel ɓe cuumoto.

Maatiyu 22:9

Ngam non njahee dow ɗate mawɗe, kumpiton fuu mo ngiiɗon wara humto ngon.’