Maatiyu 20:28 - Fulfulde Nigeria

²⁸ Non maa Ɓii Neɗɗo warii naa' ngam o jagganee, ammaa ngam o jagganoo yimɓe, o hokka yonki maako ngam rimɗinki ɗuɗɓe.”

Maatiyu 20:28 ပူးပေါင်းရင်းမြစ်များ

Ibraaniyanko'en 9:28

non maa Almasiihu sakkaama nde go'o ngam o itta hakke yimɓe ɗuɗɓe. O wartoyay gartol ɗiɗaɓol naa' ngam o itta hakke, ammaa ngam o hisna ɓen ɗon keɗiiɓemo.

Luka 22:27

Moye ɓuri mangu, jooɗiiɗo ngam nyaama koo gaddoowo nyamndu? Ay on ɗon jooɗiiɗo woni mawɗo. Ammaa, e mi ɗon hakkunde mooɗon bo maccuɗo.

Tiitus 2:14

Yeesu hokkii hoore muuɗum ngam meeɗen ngam o rimɗina'en daga koo ndeye halleende, o wartira'en yimɓe maako laɓɓe, giɗɓe waɗuki boɗɗum.

1 Biiturus 3:18

Ngam Almasiihu maayii nde go'o ngam ittuki hakkeeji meeɗen. Kanko o gooduɗo aadilaaku, ammaa o maayii ngam ɓe ngalaa aadilaaku ngam o yaara'en to Allah. Ɗum wariimo, ammaa Ruuhu Allah hokkiimo yonki.

1 Timooti 2:6

kokkuɗo hoore maako ngam o rimɗina yimɓe. Kanjum woni ceyda ɗum um hokki nde carel waɗi.

Wahayu Yahaya 1:5

e Yeesu Almasiihu, ceyduujo Allah mo goonga, barkiɗina'on, hokka'on jam. Yeesu artuɗo ummaaki daga mayde kanko woni laamiiɗo laamiiɓe duuniyaaru. E mo yiɗi'en, o hisnii'en daga hakkeeji meeɗen barka ƴiiƴam mayde maako.

2 Korintiyanko'en 8:9

Ngam on andi ko Joomiraawo meeɗen Yeesu Almasiihu waɗani'on ngam yidde maako. Koo nde o diskuɗo, ngam mooɗon o warti mo walanaa, ngam laawol dullere maako ngarton riskuɓe.

Ibraaniyanko'en 5:8

Koo nde o Ɓiɗɗo Allah o ekkitake waɗuki ko Allah wi'i nder torra ka o yari.

1 Biiturus 2:24

Kanko e hoore maako jaɓi o yowanee hakke ɗum ngaɗuɗen o ɓilee dow gaafaangal. O waɗu non ngam laawol mayde maako alen waɗuki hakke, njooɗooɗen jonde aadilaaku. No aayaare wi'i, “Barka nawnooɗe maako on njamɗitii.”

Aafisanko'en 1:7

Sumpootirki e Yeesu rimɗinii'en barka ƴiiƴam maako o yaafanake'en hakke meeɗen, ngam yidde nde Allah holli'en keerol walaa. Yidde nden nde mawnde.

Markus 14:24

Nden o wi'iɓe, “Ɗa'am kanjam woni ƴiiƴam am tabbitinayɗam alkawal Allah ndufeteeɗam ngam yimɓe ɗuɗɓe.

Maatiyu 26:28

ngam ɗa'am kanjam woni ƴiiƴam am tabbitinayɗam alkawal Allah ndufeteeɗam ngam yimɓe ɗuɗɓe ngam yaafaaki hakke.

Aafisanko'en 5:2

Ngaɗee jonde yidde, non no Almasiihu yiɗiri'en hokki yonki muuɗum ngam meeɗen. O wartii cakkiri ndi Allah nani belɗum mayri bo urde welnde.

Galaatiyanko'en 3:13

Yeesu Almasiihu rimɗinii'en daga laaneeki ki Attawra waddi, nde o warti ko laanaa ngam meeɗen. Ngam aayaare wi'ii, “Koo moye baraaɗo dow lekki o laanaaɗo.”

Roomanko'en 4:25

O waraama ngam hakke meeɗen, nden o umminaama daga mayde ngam ngarten aadili'en yeeso Allah.

1 Yahaya 2:2

Kanko woni mo ɗum sakki ngam yaafaaki hakke meeɗen. Naa' hakke meeɗen tan, ammaa haa e hakke yimɓe duuniyaaru fuu.

Ibraaniyanko'en 2:10

Allah tagi koo ɗume, kanko faamanta koo ɗume. O waɗii ko haani nde o wartiri Yeesu kewɗo laawol torra ka yari, ngam o wadda yimɓe ɗuɗɓe to teddungal maako. Yeesu woni maɓɓutuɗo laawol kisndam tokkinoowoɓe laawol ngol ɓe kisa.

Yahaya 10:15

non no Nyaako am andiriyam, e no andirmoomi. Mi hokkii yonki am ngam baali ɗin.

Maatiyu 8:20

Yeesu wi'imo, “Dilaaji e ngoodi gayɗe, colli e ngoodi caɓɓe, ammaa Ɓii Neɗɗo walaa to fukkotoo.”

Maatiyu 20:27

Kadin fuu giɗɗo warta ardiiɗo mooɗon, doole o warta maccuɗo mooɗon.

Markus 10:45

Ngam Ɓii Neɗɗo warii naa' ngam o jagganee, ammaa ngam o jagganoo yimɓe, o hokka yonki maako ngam rimɗinki ɗuɗɓe.”