Maatiyu 2:12 - Fulfulde Nigeria

¹² Nde Allah haɗiiɓe nder koyɗol to' ɓe co''oo to Hirudus, sey ɓe tokki laawol feere ɓe co''i leydi maɓɓe.

Maatiyu 2:12 ပူးပေါင်းရင်းမြစ်များ

Maatiyu 2:22

Ammaa nde o nani Arkilayus ronii jooɗorgal laamu nyaako muuɗum Hirudus e mo laamo leydi Yahuudiya, sey o huli yaaki ton. Ammaa nde ɗum wagginimo nder koyɗol, sey o so''i o yahi leydi Galiili.

Maatiyu 2:19

Gaɗa Hirudus maayi, sey malaa'ikaajo Joomiraawo wangani Yusufu nder koyɗol e Masar, wi'i,

Maatiyu 2:13

Gaɗa andanɓe koode ɓen ndilli, sey malaa'ikaajo Joomiraawo wangani Yusufu nder koyɗol, wi'imo, “Umma koccaa ɓingel ngel e maduujo maagel ndoggaa njahaa leydi Masar. Njooɗee ton naa mi wi'ii'on ngarton, ngam Hirudus e yiɗi ɗaɓɓita ɓingel ngel ngam o warangel.”

Maatiyu 27:19

Bilaatus e jooɗii dow jooɗorgal kiita, sey debbo maako liloyi ɗum wi'amo, “Taa' meemu on ɗon mo waɗaayi ko wooɗaa, ngam hanki mi hoyɗii dow maako mi wannii naa' seɗɗa dow koyɗol ngol.”

Maatiyu 1:20

Ammaa carel ngel o nyumata dow maajum, malaa'ikaajo Joomiraawo wanganimo nder koyɗol, wi'imo, “Yusufu ɓii Dawda, taa' hulu te'uki Maryaama, ngam ɓingel ngel o saawi daga to Ruuhu Allah ngel ƴiwoyi.

Ibraaniyanko'en 11:7

Ngam Nuhu e hoolii Allah waɗi o jaɓi wagginol Allah dow ko waroyta yeeso ɗum yi'aaka e carel ngel. O waɗii ko Allah wi'i o waɗi komiwal ngam o hisna wuro maako. Non o holli yimɓe duuniyaaru ngaɗii ko wooɗaa, o boo wartii aadiliijo laawol hoolaaki Allah.

Kuuɗe Lilaaɓe 5:29

Biiturus e lilaaɓe nootii, mbi'i, “Doole min tokka ko Allah wi'i, naa' ko yimɓe mbi'i.

Kuuɗe Lilaaɓe 4:19

Ammaa Biiturus e Yahaya mbi'iɓe, “Onon e ko'e mooɗon, cuɓee ɗume ɓuri wooɗuki yeeso Allah, min ngaɗa ko ngiɗɗon koo min ngaɗa ko Allah yiɗi?

1 Korintiyanko'en 3:19

Ngam faamu iri ɗum duuniyaaru ndu'u, yeeso Allah ɗum haaŋoore. Non no ɗum windiraa, “Allah e nanga gooduɓe faamu nder dabare maɓɓe.”

Luka 2:26

holliimo o maayataa naa o yi'ii Almasiihu Joomiraawo.

Kuuɗe Lilaaɓe 10:22

Ɓe mbi'imo, “Koneeliyus mawɗo sooji'en liloyimin. O aadiliijo, kuloowo Allah, mo lenyol Yahuudanko'en fuu manata. Malaa'ikaajo ceniiɗo wanganiimo wi'iimo o noddumaa ngaraa wuro maako, ngam o nana ko mbi'ataamo.”

Ibraaniyanko'en 8:5

Ɓen ɗon ardiiɓe diina e ɓe kuwa kuugal maɓɓe to Wigeere Ɓurnde Senaaki nandunde e wonde ton dow. Ngam ko Muusa fuɗɗa tigguki Lukuru Seniiɗum. Joomiraawo wi'imo, “Tabbitin a waɗii koo ɗume non no ɗum hollirmaaɗum dow hocceere.”