Maatiyu 18:9 - Fulfulde Nigeria

⁹ To boo hitere maaɗa e waɗumaa ngaɗaa hakke, ittunde paɗɗaande. Ɗum ɓuraniima nattaa wuro Allah e hitere go'o dow ɗum hubomaa nder wuro hiite e gite ɗiɗi.

Maatiyu 18:9 ပူးပေါင်းရင်းမြစ်များ

Kuuɗe Lilaaɓe 14:22

E ɓe cembiɗina ɓerɗe tokkuɓe Yeesu, e ɓe mbagginaɓe ɓe ndaroo e sembe nder tokkuki Yeesu. Ɓe mbi'iɓe, “Sey e torraaji ɗuɗɗi keɓeten nattuki Laamu Allah.”

Maatiyu 18:8

“To jungo maaɗa koo koyngal maaɗa e waɗumaa ngaɗaa hakke, too, ittungo paɗɗaango, koo ittungal paɗɗaangal. Ɗum ɓuraniima nattaa wuro Allah e jungo wo'oto koo koyngal go'otal dow ɗum hubomaa nder hiite nge nyifataa haa abadaa e juuɗe ɗiɗi koo koyɗe ɗiɗi.

Maatiyu 5:29

To hitere maaɗa nde nyaamo e waɗumaa ngaɗaa hakke, ittunde, paɗɗaande. Ɗum ɓuraniima ndullaa jokkoode go'o nder jokkooɗe ɓandu maaɗa e dow ɗum hubina fuu ɓandu maaɗa nder wuro hiite.

Maatiyu 5:22

Ammaa e mi wi'a'on, koo moye monnani goɗɗo, Allah hiitotomo. Kadin koo moye huɗi goɗɗo, ardiiɓe hiitotomo. Nden koo moye wi'i goɗɗo ‘A meereejo!’ e mo dow laawol nattuki wuro hiite.

Wahayu Yahaya 21:27

Walaa goɗɗum ko senaaki nattayɗum gariiri ndin, koo boo gaɗoowo kuuɗe nefniiɗe, koo pewoowo. Sey ni ɓe ɗum windi inɗe mu''en nder deftere yonki nde Karoori ndin, kamɓe tan nattata gariiri ndin.

Ibraaniyanko'en 4:11

Ngam non en ngaɗu ko mbaaweten waɗuki ngam natten siwtaare nden ɗon. To' goɗɗo meeɗen waɗa no ɓen ton, wanya ko Allah wi'i dulla siwtaare nden.

Maatiyu 19:17

Sey Yeesu wi'imo, “Ngam ɗume ƴamataayam dow geetum? E woodi geeto go'oto tan. Taa yiɗi keɓaa yonki ki re'ataa, tokku ko Attawra wi'i.”

Maatiyu 16:26

Ko ɗum nafanta neɗɗo to o heɓii duuniyaaru fuu, ammaa dullii yonki maako? Koo boo ko neɗɗo waawata hokkuki ngam jaɓtoya yonki muuɗum?