Maatiyu 18:15 - Fulfulde Nigeria

¹⁵ “To bandiraawo maaɗa waɗaniima ko wooɗaa, yahu mbi'aamo ko wooɗaa ɗum o waɗanmaa, an e maako tan. To o jaɓii, a wartirii sumpo hakkunde mooɗon won ɗon.

Maatiyu 18:15 ပူးပေါင်းရင်းမြစ်များ

Koloosiyanko'en 3:13

Munyindiree. To goɗɗo waɗanii goɗɗo ko haanaa, ɓe njaafootira. Non no Joomiraawo yaaforanii'on, onon maa sey njaafootiron.

Galaatiyanko'en 6:1

Onon bandiraaɓe am, to on ngi'ii goɗɗo e waɗa hakke, onon keewuɓe Ruuhu Allah sey co''onmo dow laawol nder hakkiilo. Ammaa paamanee ko'e mooɗon, to' onon maa ngaɗon hakke.

2 Tasaloonikanko'en 3:15

Fuu e non, to' on koccumo bo ganyo mooɗon, ammaa mbaggineemo no mbagginirton tokkuɗo Yeesu.

Maatiyu 18:35

“Non Nyaako am Mo Dow waɗanta koo moye mooɗon mo yaafanaaki bandiraawo muuɗum e ɓernde go'o.”

Roomanko'en 12:21

Taa' alu halleende heɓa jaalorgal dow maaɗa, ammaa heɓu jaalorgal dow halleende laawol waɗuki ko wooɗi.

1 Biiturus 3:1

Non maa onon rewɓe teegal, tokkee ko worɓe mooɗon mbi'i. Ngam to e woodi woɓɓe worɓe ɓe tokkaayi Wolde Allah, ɗum gaɗotooɗum ngikku rewɓe maɓɓe waɗa ɓe tokka Allah, naa' sey to ɓe metanaama,

1 Korintiyanko'en 8:12

Taa waɗii non, a majjinii tokkuɗo Yeesu mo sembiɗaa, a waɗanii Almasiihu hakke.

2 Korintiyanko'en 7:12

Ngam non, koo nde mi windaniino'on ɗerewol, naa' ngam neɗɗo gaɗuɗo ko wooɗaa mbindumingol, koo ngam neɗɗo gaɗanaaɗo ko wooɗaa, ammaa mi windungol ngam ngi'anon gite mooɗon no ngirruɗonmin yeeso Allah.

1 Tasaloonikanko'en 4:6

Dow fii ɗu'um, to' goɗɗo hallana bandiraawo muuɗum koo waɗanamo ko wooɗaa. Min mbi'ii'on ka daga arande, min mbagginii'on wiiki, Joomiraawo waatanay gaɗoowo non e bone.

Maatiyu 18:14

Non Nyaako mooɗon Mo Dow yiɗaa koo go'oto nder sukaaɓe pamarɓe ɓe'e halka.

Maatiyu 18:21

Sey Biiturus ɓaddoyii wi'i Yeesu, “Moodibbo, nde noye bandiraawo am e waɗanayam ko wooɗaa e mi yaafanoomo? Nde joweeɗiɗi?”

Tiitus 3:10

To goɗɗo e wadda feerootirol hakkunde mooɗon, to o wanyii wagginol maaɗa arandewol e ɗiɗaɓol, doggumo.