Maatiyu 16:28 - Fulfulde Nigeria

²⁸ E mi wi'a'on goonga, e woodi woɓɓe dariiɓe ɗo'o ɓe maayataa naa ɓe ngi'ii Ɓii Neɗɗo e waroya nder laamu muuɗum.”

Maatiyu 16:28 ပူးပေါင်းရင်းမြစ်များ

Luka 9:27

E mi wi'a'on goonga, e woodi woɓɓe dariiɓe ɗo'o ɓe maayataa naa ɓe ngi'ii Laamu Allah.”

Markus 9:1

O wi'iɓe, “E mi wi'a'on goonga, e woodi woɓɓe dariiɓe ɗo'o ɓe maayataa naa ɓe ngi'ii Laamu Allah wardi e bawɗe.”

Yahaya 8:52

Yahuudanko'en mbi'imo, “Jooni e min andi a woodi ginnol. Ibraahim maayii, non maa annabo'en, ammaa a wi'ii fuu gaɗoowo ko mbiiɗaa maayataa.

Maatiyu 26:64

Yeesu nootii, wi'i, “Ee, ɗum non no mbiiɗaa. Ammaa e mi wi'a'on, yeeso ɗo'o on ngi'ay Ɓii Neɗɗo e jooɗii to jungo nyaamo ngo Joomu Bawɗe e mo waroya nder duule.”

Maatiyu 10:23

To yimɓe torrii'on nder wondi gariiri, ndoggee njahon wondi gariiri. E mi wi'a'on goonga, ko njahidon gariije Israa'iila fuu, Ɓii Neɗɗo wartoyay.

Luka 2:26

holliimo o maayataa naa o yi'ii Almasiihu Joomiraawo.

Markus 13:26

E carel ngel ɗum yi'ay Ɓii Neɗɗo e wara nder duule. O warday e bawɗe mawɗe e teddungal.

Ibraaniyanko'en 2:9

Carel seɗɗa ɗum hokki Yeesu mangu ɗum hewtaayi ɗum malaa'ika'en. Ammaa jooni en ngi'ii o hokkaama teddungal e mangu ngam torra mayde ka o yari, ngam barka yidde Allah o maaya ngam koo moye.

Maatiyu 24:3

Yeesu e jooɗii dow Hocceere Nde Leɗɗe Jaytun sey tokkuɓemo ngari to maako kamɓe tan, ɓe mbi'i, “Wi'umin, ndeye fii ɗu'um waɗata? Ɗume woni ko hollata wartoyki maaɗa e re'uki duuniyaaru?”

1 Tasaloonikanko'en 1:10

nden keɗooɗon wartoyki Ɓiɗɗo maako daga dow, mo o ummini daga mayde, waato Yeesu kisnayɗo'en daga monnere Allah garaynde.

Maatiyu 24:42

Njooɗee on ciryii, ngam on andaa carel ko Joomiraawo mooɗon warata.

Luka 18:8

E mi wi'a'on, o yaaway waɗankiɓe ko haani. Ammaa to Ɓii Neɗɗo wartoyii, o taway kooliiɓemo nder duuniyaaru boo?”

Maatiyu 8:20

Yeesu wi'imo, “Dilaaji e ngoodi gayɗe, colli e ngoodi caɓɓe, ammaa Ɓii Neɗɗo walaa to fukkotoo.”

Maatiyu 16:13

Nde Yeesu wari leydi Kaysaariya Filibi, sey o ƴami tokkuɓemo, o wi'i, “Moye yimɓe mbi'ata Ɓii Neɗɗo woni?”

Maatiyu 24:34

E mi wi'a'on goonga, jaamanu ɗu'um ɗum re'ataa naa fuu fii ɗu'um waɗii.

Markus 8:38

Koo moye ganyuɗoyam e boliiɗe am nder ɗu'um jaamanu ɗum hakke, ɗum walaa goonga, min Ɓii Neɗɗo mi wanyaymo to mi wartidoyii e malaa'ika'en ceniiɓe nder teddungal Nyaako am Mo Dow.”

Yahaya 8:51

E mi wi'a'on goonga, fuu gaɗoowo ko mbiimi, o maayataa.”

Yahaya 21:22

Yeesu wi'imo, “To e mi yiɗi o jooɗodoo e yonki naa carel ngel ngartoymi, ko wannumaa? An ni, tokkam.”

Kuuɗe Lilaaɓe 1:11

Worɓe ɓen mbi'iɓe, “Onon yimɓe Galiili, ngam ɗume ndariiɗon ɗo'o on ndaara dow? Yeesu on ɗon koccaaɗo nder mooɗon yaaki dow, o so''oyto non no ngiiruɗon o hocciraama dow.”

1 Korintiyanko'en 15:23

Ammaa raa no ummaaki mayɓe wa'ata. Arande Almasiihu umminaama daga mayde, nden nyalnde nde o wartoyi ɗum umminay fuu yimɓe maako daga mayde.

Yaakubu 5:7

Ngam non, bandiraaɓe am, ngaɗee munyal haa yaaki nyalnde nde Joomiraawo wartata. Ndaaree no demoowo munyirta ngam ndiyam seeto e ɗam ƴaawol ɓendina fii boɗɗum ɗum o remi.

2 Biiturus 1:16

Ngam carel ko min kokki'on habaru bawɗe Yeesu Almasiihu Joomiraawo meeɗen e garol maako, naa' habaruuji ɗi ɗum siryii e ƴoyre min tokki. Ammaa min ngi'ii mangu maako e gite amin.

1 Yahaya 2:28

Jooni, onon ɓiɓɓe am, ngaɗee ka sumpootirki e Almasiihu, ngam nyalnde nde o wartata ndarooɗen yeeso maako ɓernde go'o, to' cemten yeeso maako.