Maatiyu 16:24 - Fulfulde Nigeria

²⁴ Sey Yeesu wi'i tokkuɓemo, “Fuu giɗɗo warta tokkuɗoyam, doole wanya hoore muuɗum, hocca gaafaangal muuɗum, tokkayam.

Maatiyu 16:24 ပူးပေါင်းရင်းမြစ်များ

Maatiyu 10:38

Nden fuu mo hoccaayi gaafaangal muuɗum tokkiyam, o fotaayi wartuki tokkuɗoyam.

Luka 14:27

Koo moye to hoccaayi gaafaangal muuɗum tokkiyam waawataa wartuki tokkuɗoyam.

Markus 10:21

Yeesu raarimo nder yidde, wi'imo, “A dullii waɗuki fii go'o. Yahu, cooraa ko ngooduɗaa, kokkaa ɓe ngalanaa ceede ɗen, nden a heɓay mbarjaari ton dow. Nden ngaraa, tokkaayam.”

2 Timooti 3:12

Goonga koo moye giɗɗo waɗa jonde iri nde Allah yiɗi nder tokkuki Yeesu Almasiihu, o yaray bone.

Markus 8:34

Sey o noddi yimɓe ɗuɗɓe hawrutuɓe hawti e tokkuɓemo, o wi'iɓe, “Fuu giɗɗo warta tokkuɗoyam, to' waɗa ko hoore muuɗum yiɗi waɗuki tan, ammaa doole hocca gaafaangal muuɗum tokkayam.

Kuuɗe Lilaaɓe 14:22

E ɓe cembiɗina ɓerɗe tokkuɓe Yeesu, e ɓe mbagginaɓe ɓe ndaroo e sembe nder tokkuki Yeesu. Ɓe mbi'iɓe, “Sey e torraaji ɗuɗɗi keɓeten nattuki Laamu Allah.”

Koloosiyanko'en 1:24

Jooni e mi nana belɗum nder torraaji ɗi njaraymi ngam mooɗon. E mi yottina torra ka Yeesu siryaniiyam mi yara nder ɓandu ngam ɓeydaari ɓandu maako, waato tokkuɓemo.

Yahaya 19:17

Sey ɓe ndillidi e Yeesu, e mo wakkii gaafaangal maako e hoore maako. Ɓe mburtii yaasi gariiri yaaki wigeere bi'eteende Wigeere Ƴiƴal Hoore. Nder Ibraaniyankoore wigeere nden e noddiree Golgoota.

1 Tasaloonikanko'en 3:3

ngam to' torra ka njarɗon waɗa goɗɗo mooɗon yewra ala hoolaaki Yeesu. Onon e ko'e mooɗon on andi doole njaren torra iri ka'a.

Maatiyu 27:32

E ɓe njaha sey ɓe kawri e goɗɗo neɗɗo Saayirankeejo bi'eteeɗo Siiman. Ɓe ngaɗimo e sembe o hocca gaafaangal Yeesu.

Markus 15:21

Goɗɗo neɗɗo Saayirankeejo e ƴaɓɓoo bi'eteeɗo Siiman, nyaako Alijanda e Ruufus. O ƴiwoyɗo nder ladde e mo nattoya gariiri ndin. Sey ɓe ngaɗimo e sembe o hocca gaafaangal Yeesu.

Luka 23:26

E ɓe ardini Yeesu, sey ɓe nangi Siiman Saayirankeejo ƴiwoyɗo nder ladde e nattoya gariiri ndin. Ɓe njowanimo gaafaangal, ɓe ngaɗi o tokkiri Yeesu gaɗa.

Yahaya 21:19

Yeesu wi'u ɗu'um ngam holla iri mayde nde Biiturus waɗata ngam mawninki Allah. Sey Yeesu wi'imo, “Tokkam.”

Yahaya 21:22

Yeesu wi'imo, “To e mi yiɗi o jooɗodoo e yonki naa carel ngel ngartoymi, ko wannumaa? An ni, tokkam.”

1 Biiturus 2:21

Dow iri kan ɗon torra Allah noddi'on, ngam Almasiihu maa yarii torra ngam mooɗon. O alanii'on ko tokkoton ngam njooɗorooɗon no o jooɗorii.