Maatiyu 16:13 - Fulfulde Nigeria

¹³ Nde Yeesu wari leydi Kaysaariya Filibi, sey o ƴami tokkuɓemo, o wi'i, “Moye yimɓe mbi'ata Ɓii Neɗɗo woni?”

Maatiyu 16:13 ပူးပေါင်းရင်းမြစ်များ

Yahaya 5:27

Kadin o hokkii Ɓiɗɗo on laamu taƴuki kiita, ngam o Ɓii Neɗɗo.

Maatiyu 9:6

Ammaa e mi yiɗi andon Ɓii Neɗɗo e woodi laamu nder duuniyaaru yaafoo hakke.” Sey o wi'i jaraaɗo on, “Umma koccaa daago maaɗa, kootaa wuro.”

Maatiyu 13:37

O wi'iɓe, “Aawuɗo awdi mbondi ndin woni Ɓii Neɗɗo.

Maatiyu 12:8

Ngam Ɓii Neɗɗo woni Joomu Nyalnde Siwtaare.”

Maatiyu 8:20

Yeesu wi'imo, “Dilaaji e ngoodi gayɗe, colli e ngoodi caɓɓe, ammaa Ɓii Neɗɗo walaa to fukkotoo.”

Kuuɗe Lilaaɓe 10:38

On andi no Allah suɓiri Yeesu Najarankeejo, e no o hokkirimo bawɗe Ruuhu maako. On andi no Yeesu yiilorii nder gariije fuu e mo huwa kuuɗe boɗɗe, e mo yamɗitina ɓe Ceyɗan torrata fuu ngam Allah e wondi e maako.

Kuuɗe Lilaaɓe 7:56

O wi'i, “Raa! E mi yi'a dow e maɓɓitii, Ɓii Neɗɗo e darii e jungo Allah nyaamo.”

Yahaya 12:34

Sey yimɓe hawrutuɓe ɓen nootii mbi'imo, “Attawra Almasiihu jooɗoto haa abadaa. No waɗata mbi'aa doole ɗum ƴefta Ɓii Neɗɗo dow? Ɗum moye maa nee woni o'o Ɓii Neɗɗo?”

Markus 10:45

Ngam Ɓii Neɗɗo warii naa' ngam o jagganee, ammaa ngam o jagganoo yimɓe, o hokka yonki maako ngam rimɗinki ɗuɗɓe.”

Markus 8:38

Koo moye ganyuɗoyam e boliiɗe am nder ɗu'um jaamanu ɗum hakke, ɗum walaa goonga, min Ɓii Neɗɗo mi wanyaymo to mi wartidoyii e malaa'ika'en ceniiɓe nder teddungal Nyaako am Mo Dow.”

Maatiyu 25:31

“To Ɓii Neɗɗo warii nder teddungal muuɗum e malaa'ika'en fuu, o jooɗoto dow jooɗorgal laamu maako ɗum teddungal.

Maatiyu 15:21

Yeesu ali ɗon yahi haade gariije Taaya e Sidon.

Maatiyu 13:41

Ɓii Neɗɗo liloyay malaa'ika'en muuɗum, ɓe mburtina koo ɗume pooɗoojum yimɓe ngaɗa hakke e fuu gaɗooɓe ko halli nder Laamu Allah.

Maatiyu 12:32

Fuu bi'uɗo ko wooɗaa dow Ɓii Neɗɗo, ɗum waaway yaafanaakimo. Ammaa fuu bi'uɗo ko wooɗaa dow Ruuhu Allah, o yaafantaake haa abadaa.

Yahaya 3:14

“Non no Muusa ƴeftiri mboodi gaɗiraandi njamndi mboɗeeri nder ladde, non maa doole Ɓii Neɗɗo ƴeftee,

Yahaya 1:51

Sey Yeesu ɓeydi wiikiɓe, “E mi wi'a'on goonga, on ngi'ay dow maɓɓitake, malaa'ika'en Allah e ƴenta e njippoyoo yeeso Ɓii Neɗɗo.”

Maatiyu 12:40

Ngam non, no Inuusa waɗiri balɗe tati jemma e nyalawma nder wonga linga manga, non maa Ɓii Neɗɗo waɗirta balɗe tati jemma e nyalawma nder yenaande.

Maatiyu 16:27

Ngam Ɓii Neɗɗo waray nder teddungal Nyaako muuɗum Mo Dow e malaa'ika'en maako, o waatanay koo moye ko waɗi.

Maatiyu 16:28

E mi wi'a'on goonga, e woodi woɓɓe dariiɓe ɗo'o ɓe maayataa naa ɓe ngi'ii Ɓii Neɗɗo e waroya nder laamu muuɗum.”