Maatiyu 14:31 - Fulfulde Nigeria

³¹ Ɗon e ɗon Yeesu forti jungo muuɗum fooɗoyimo, wi'imo, “An gooduɗo hoolaare seɗɗa, ngam ɗume ngaɗuɗaa seko?”

Maatiyu 14:31 ပူးပေါင်းရင်းမြစ်များ

Maatiyu 8:26

Sey o wi'iɓe, “Ngam ɗume kultorɗon, onon kooliiɓeyam seɗɗa?” Sey o ummii, o haɓani hendu ndun e geelooɗi ndiyam ɗin. Sey koo ɗume de''iti.

Maatiyu 17:20

Yeesu nootii wi'iɓe, “Ngam hoolaare mooɗon famɗii. E mi wi'a'on goonga, daa on ngoodi hoolaaki famɗirki bo gabbel mastat, on mbaaway mbi'on hocceere nde'e, ‘Itta daga ɗo'o, yahu ɗaa'e,’ sey nde waɗa ko mbiiɗon. Walaa boo ko salorta'on.

Markus 5:41

Yeesu jogii jungo surbaajo on wi'i, “Taliita, kumi,” waato, “Surbaajo, umma!”

Markus 1:31

Sey Yeesu yahi to maako joganiimo jungo umminimo. Ɗon e ɗon jonte ɗen njoofimo, o ummii o fuɗɗi waddankiɓe nyamndu.

Maatiyu 16:8

Nde Yeesu faami ko ɓe mbi'ata, sey o ƴamiɓe, o wi'ii, “Onon gooduɓe hoolaare seɗɗa, ngam ɗume meddoton dow on ngalaa buroodi?

Kuuɗe Lilaaɓe 4:30

hollu bawɗe maaɗa, yamɗitin nyawɓe, waɗu alaamaaji e kuuɗe kayɗiniiɗe nder inde Yeesu maccuɗo maaɗa ceniiɗo.”

Luka 24:34

Hawrutuɓe ɓen mbi'i ɗiɗo ɓen, “Goonga, Moodibbo ummake. O wanganii Siiman!”

Markus 16:7

Ammaa njahee mbi'on tokkuɓemo, haa e Biiturus, o artay'on yaaki leydi Galiili. Ton ngi'otonmo non no o wi'unoo'on.”

Markus 11:23

E mi wi'a'on goonga, to goɗɗo wi'ii hocceere nde'e, ‘Dillu, kuboɗaa hoore maaɗa nder mbeela,’ to o waɗaayi seko nder ɓernde maako, ammaa o hoolii ko o wi'i ɗum waɗay, ɗum waɗanaymoɗum.

Markus 1:41

Jurumɗum nangi Yeesu, o forti jungo, o meemimo, o wi'imo, “Mi jaɓii. Yamɗutu!”

Maatiyu 6:30

To Allah e mo''itinira pindi ladde nihi, hande e ndi ɗon, jaango ndi wulee, hakko onon, o ɓuray non ɓornuki'on, onon kooliiɓemo seɗɗa!

1 Timooti 2:8

Ngam non e mi yiɗi to tokkuɓe Yeesu kawriti fuu, worɓe ngaɗa do'aare e ɓe ƴefta juuɗe ceniiɗe naa' nder monnere koo geddi.

1 Biiturus 1:5

Onon bawɗe Allah e surana'on barka hoolaaki Yeesu, ngam keɓon kisndam ɗam o siryii wanginki nyalnde re'uki duuniyaaru.

Maatiyu 14:30

Ammaa nde o nani hendu cembindu, sey o hultori, ndiyam ɗam fuɗɗi moɗukimo, sey o wulli, o wi'i, “Moodibbo, hisnam!”

Maatiyu 14:32

E nattuki maɓɓe nder komiwal ngal, hendu ndun darii.

Markus 4:40

O wi'i tokkuɓemo, “Ngam ɗume ngooduɗon kulol? Haa jooni on koolaakiyam?”