Maatiyu 14:29 - Fulfulde Nigeria

²⁹ Yeesu wi'imo, “Woroy.” Sey Biiturus wurtii nder komiwal ngal fuɗɗi yaadu dow ndiyam ɗam yaaki to Yeesu.

Maatiyu 14:29 ပူးပေါင်းရင်းမြစ်များ

Filibiyanko'en 4:13

Mi waaway waɗuki koo ɗume barka on ɗon cembiɗinɗoyam.

Markus 9:23

Yeesu wi'imo, “Ngam ɗume mbi'ataayam, ‘taa waaway?’ Koo ɗume ɗum gaɗotooɗum to neɗɗo hoolakeyam.”

Kuuɗe Lilaaɓe 3:16

Ngam daga nder bawɗe gonɗe nder inde Yeesu, neɗɗo jaraaɗo o'o mo ngi'oton mo anduɗon heɓi njamu. Ngam hoolaaki inde Yeesu waɗi o heɓi njamu yeeso mooɗon, on fuu on ceydu'en maajum.

Luka 17:6

Yeesu nootii wi'iɓe, “Daa on ngoodi hoolaaki famɗirki bo gabbel mastat, on mbaaway mbi'on lekki ki'i, ‘Ɗoofa tiggoyoɗaa nder ndiyam,’ sey ki waɗa bo ko mbiiɗon.

Roomanko'en 4:19

O alaayi hoolaaki Allah, koo nde o yi'i ɓandu maako somii ngam o ɓadake duuɓi 100, nden debbo maako Saaratu danyataa.

Maatiyu 21:21

Yeesu nootii, wi'iɓe, “E mi wi'a'on goonga, to on ngoodi hoolaare, on ngalaa seko koo seɗɗa, on mbaaway ngaɗon ko ɓuri ko ngaɗanmi ibbi ki'i, haa maa to on mbi'ii hocceere nde'e, ‘Ɗoofa daga ɗo'o, kuboɗaa hoore maaɗa nder mbeela,’ sey nde waɗa non.

Maatiyu 17:20

Yeesu nootii wi'iɓe, “Ngam hoolaare mooɗon famɗii. E mi wi'a'on goonga, daa on ngoodi hoolaaki famɗirki bo gabbel mastat, on mbaaway mbi'on hocceere nde'e, ‘Itta daga ɗo'o, yahu ɗaa'e,’ sey nde waɗa ko mbiiɗon. Walaa boo ko salorta'on.

Maatiyu 14:28

Sey Biiturus nootii, wi'imo, “Moodibbo, to ɗum an, wi'am mi wara to maaɗa dow ndiyam ɗam.”

Maatiyu 14:30

Ammaa nde o nani hendu cembindu, sey o hultori, ndiyam ɗam fuɗɗi moɗukimo, sey o wulli, o wi'i, “Moodibbo, hisnam!”