Maatiyu 13:52 - Fulfulde Nigeria

⁵² Sey o wi'iɓe, “Too, fuu moodibbo Attawra ekkitiiɗo dow Laamu Allah e mo nandi e joomu wuro burtinɗo jawdi keyri e kiindi nder ndesa muuɗum.”

Maatiyu 13:52 ပူးပေါင်းရင်းမြစ်များ

Tiitus 1:9

O warta jogiiɗo Wolde Allah tabbutunde e goonga no ɗum ekkitinirimo, ngam o waawa sembiɗinki ɓerɗe woɓɓe o ekkitinaɓe goonga. Ɗonmaa o waawa holluki ganyuɓe Wolde Allah farkuki maɓɓe.

Maatiyu 12:35

Neɗɗo mo ngikku boɗɗum e wurtina fii boɗɗum daga nder ɓernde muuɗum. Non maa neɗɗo kalluɗo e wurtina halleende daga nder ɓernde muuɗum.

Luka 11:49

Kanjum waɗi Allah wi'i nder andal muuɗum, ‘Mi lilanayɓe annabo'en e lilaaɓe, ɓe mbara woɓɓe ɓe torra woɓɓe.’

Maatiyu 23:34

Ngam non, e mi lilonoya'on annabo'en e gooduɓe faamu e moodiɓɓe. On mbara woɓɓe, on mbara woɓɓe dow gaafaangal, on piira woɓɓe looci nder cuuɗi do'aare mooɗon, on tokkaɓe gariiri‑gariiri on torraɓe.

Koloosiyanko'en 3:16

Alee boliiɗe Almasiihu njooɗoo nder ɓerɗe mooɗon naa' seɗɗa. Ekkitindiree, waggindiree nder fuu faamu. Ngimee gimi Jabuura, e gimi mantuki Joomiraawo, e gimi ɗi Allah hokki'on nder ɓerɗe, on ngettamo nder ɓerɗe mooɗon.

Koloosiyanko'en 1:7

On nanii Habaru Belɗum ɗu'um daga to Abaafaras mo min ngiɗi, mo min kuudata. O kuwanoowo Yeesu e goonga nder mooɗon.

Aafisanko'en 3:8

Koo nde mi pamaro nder yimɓe Allah fuu, Allah suɓiiyam mi wa'ajinana yimɓe naa' Yahuudanko'en dow barka ɗum limataako keɓeteeɗum to Almasiihu.

Yahaya 13:34

Jooni raa goɗɗum kesum ɗum ngiɗumi ngaɗon: ngiɗindiree. Non no ngiɗirmi'on, onon maa sey ngiɗindiron.

Aafisanko'en 3:4

To on jangii ko mbindumi, on anday e mi woodi faamu dow sirru Almasiihu.

2 Korintiyanko'en 6:10

E ɗum waɗa min nana ciya belɗum ɓernde, ammaa koo ndeye e min mbelmbelta. Min ngalanaa, ammaa min ngartirii ɗuɗɓe riskuɓe. Min koccaama bo koo ko min ngoodi, ammaa e min ngoodi koo ɗume.

1 Timooti 3:6

Haanaa boo tokkuɗo Yeesu keso warta ardiiɗo, ngam ɗum gaɗotooɗum o mawnina hoore maako, nden ɗum waɗanamo no ɗum waɗani Ceyɗan.

Maatiyu 13:51

“On paamii fuu ɗu'um?” Ɓe nootii ɓe mbi'i, “Ee.”

Maatiyu 13:53

Nde Yeesu heenyi wiikiɓe fuu misaalu ɗu'um, sey o ummii o ali wigeere nden.

Maatiyu 28:19

Ngam non, njahee ngartiron fuu lenyi duuniyaaru tokkuɓeyam, ngaɗanonɓe baptisma nder inde Allah Nyaako Mo Dow, e Ɓiɗɗo, e Ruuhu Allah,