Maatiyu 13:23 - Fulfulde Nigeria

²³ Ammaa awdi caakaandi dow leydi mbondi woni misaalu nanɗo Wolde Allah, o faaminde boɗɗum, o waɗi ko Allah wi'i, o huutinirinde haa o heɓi ɓeydaari. Goɗɗo heɓi nde 100, goɗɗo boo heɓi nde 60, goɗɗo heɓi nde 30.”

Maatiyu 13:23 ပူးပေါင်းရင်းမြစ်များ

Filibiyanko'en 1:11

ngam ngikku mooɗon heewa aadilaaku keɓeteeɗum to Yeesu Almasiihu, ngam Allah teddinee, mantee.

Yahaya 15:16

Naa' onon cuɓiyam, min suɓi'on hokki'on kuugal njahon ngaɗon goɗɗum ɗum Allah yiɗi tabitayɗum. Nden Nyaako Mo Dow hokkay'on koo ɗume ɗum toriiɗonmo nder inde am.

Maatiyu 12:33

“Lekki boɗki e rima ɓikkoy mboɗkoy, non maa lekki ki wooɗaa e rima ɓikkoy koy mbooɗaa. Koo kiye lekki e andiree ɓikkoy maaki.

Maatiyu 13:8

Ammaa wondi awdi yani dow leydi mbondi ndi fuɗi ndi mawni ndi waɗi cammeeje. Wondi waɗi gabbe 100, wondi waɗi gabbe 60, wondi waɗi 30.”

Koloosiyanko'en 1:6

ɗum nanɗon. Habaru Belɗum ɗu'um e ɗum barkiɗina yimɓe e ɗum sankitoo nder duuniyaaru fuu, non no ɗum waɗi nder mooɗon, daga nyalnde nde nanɗonɗum nyalnde nde paamuɗon boɗɗum no Allah yiɗiri yimɓe.

Maatiyu 3:8

Ngaɗee ko hollata on ali hakkeeji mooɗon.

Luka 13:9

To ki rimii ɓikkoy hitaande garaynde, too, wooɗii, ammaa to ki rimaayi, sey pe''aaki.’ ”

1 Yahaya 5:20

En andi Ɓiɗɗo Allah warii duuniyaaru hokki'en andal, ngam anden Allah mo goonga. Barka Yeesu Almasiihu, jooni Allah mo goonga jeyi'en. Kanko woni Allah mo goonga, kokkoowo yonki ki re'ataa.

2 Biiturus 3:18

Ammaa ɓeydee yidde e yurmeende e anduki Joomiraawo meeɗen Kisnoowo meeɗen Yeesu Almasiihu. Teddungal tabbita to maako jooni e haa abadaa! Aamin.

Koloosiyanko'en 1:10

E min ngaɗana'on nde'e do'aare ngam mbaawon ngaɗon jonde haanunde tokkuɓe Joomiraawo ngaɗa, nden ngarton belnanooɓemo ɓernde koo ndeye, jonde mooɗon wurtina koo iri ɗeye kuuɗe boɗɗe, nden ɓeydon anduki Allah.

Ibraaniyanko'en 8:10

O ɓeydi wiiki, “Raa alkawal ngal ngaadaymi e yimɓe Israa'iila gaɗa balɗe ɗen. Mi waɗay dooka am nder nyumo maɓɓe, nden mi windaɗum nder ɓerɗe maɓɓe. Mi wartay Allah maɓɓe, kamɓe boo ɓe ngartay yimɓe am.

Ibraaniyanko'en 4:2

Ngam en nanii Habaru Belɗum, non no ɓe naniriɗum. Ammaa ko ɓe nani ɗum nafaayiɓe, ngam carel ngel ɓe naniɗum, ɓe njaɓaayiɗum.

2 Tasaloonikanko'en 2:10

e koo iri ɗeye kuuɗe kalluɗe ƴoyrayɗe yimɓe kalkayɓe. Yimɓe ɓen kalkay ngam ɓe nganyii ɓe ngiɗa goonga ɓe kisa.

1 Tasaloonikanko'en 4:1

E re'irde bandiraaɓe, e min toroo'on, ngam Yeesu Joomiraawo, ngaɗee jonde kaanunde nde Allah nanata belɗum mayre, non no ekkitiiɗon to amin, non no njooɗoriiɗon jooni. Ɓeydee jooɗoraaki non.

Filibiyanko'en 4:17

Naa' e mi ɗaɓɓita dokkal to mooɗon, ammaa e mi ɗaɓɓitana'on ɓeydaari dow barka ɗum ngooduɗon.

2 Korintiyanko'en 9:10

Allah woni kokkoowo demoowo awdi, kokkoowo yimɓe ko nyaamata. O hokkay'on ko heƴata'on, o ɗuɗɗinayɗum, ngam ɓeydon ballal ngal kokkoton kaanuɓe mballee.

Kuuɗe Lilaaɓe 17:11

Yimɓe gariiri Biiriya ɓurii yimɓe Tasaloonika ngikku boɗɗum ngam ɓe njaɓii habaru ɗum Bulus waddaniɓe e juuɗe ɗiɗi. E ɓe lincita Deftere Ceniinde koo ndeye nyalnde, ngam ɓe ngi'a koo ko Bulus ekkitintaɓe ɗum goonga.

Kuuɗe Lilaaɓe 16:14

Nder maɓɓe e woodi goɗɗo debbo bi'eteeɗo Liidiya, ƴiwoyɗo gariiri Tayaatira kuloowo Allah. E mo soora kolte boɗeeje ɗe ceede. Joomiraawo maɓɓiti ɓernde maako o hettindanii ko Bulus wi'ata.

Yahaya 8:47

Koo moye mo Allah jeyi e nana ko Allah wi'i. Ko haɗi'on nanki ko mbiimi woni onon naa' ɗum ɓe Allah.”

Luka 8:15

Ammaa awdi janundi dow leydi mbondi woni nanuɓe Wolde Allah, ɓe njogoonde ɓernde go'o, nder munyal ɓe tokkande haa ɓe ngaɗa ko Allah yiɗi.

Markus 10:15

E mi wi'a'on goonga, fuu mo jaɓaayi Laamu Allah bo sukayel pamarel, o nattataa laamu ɗum koo seɗɗa!”

Markus 4:20

Woɓɓe boo e nandi e awdi caakaandi dow leydi mbondi. Ɓe nani Wolde Allah, ɓe njaɓinde, ɓe kuutinirinde haa ɓe keɓi ɓeydaari, woɓɓe keɓi nde 30, woɓɓe keɓi nde 60, woɓɓe haa nde 100.”

Maatiyu 3:10

Koo jooni fe''irde ƴeftaama ngam fe''a leɗɗe daga ɗaɗi maaje. Lekki fuu ki rimataa ɓikkoy mboɗkoy, ɗum fe''ayki ɗum faɗɗaki nder hiite.

Ibraaniyanko'en 6:7

Leydi njarayndi ndiyam toɓoojam koo ndeye, nden e ndi wurtina fuɗe‑fuɗe nafanoojum jeyɓe leydi ndin, Allah e barkiɗinandi.

Luka 8:8

Ammaa wondi awdi yani dow leydi mbondi, ndi mawni, ndi waɗi cammeeje. Gabbel go'o fuu waɗi ngabboy 100.” Nde Yeesu heenyi hokkukiɓe misaalu ɗu'um, o noddi e sembe, o wi'i, “Gooduɗo noppi nanuki fuu nana!”