Maatiyu 13:11 - Fulfulde Nigeria

¹¹ O nootii o wi'iɓe, “Onon on kokkaama faamu sirru Laamu Allah, ammaa kamɓe ɓe kokkaaka.

Maatiyu 13:11 ပူးပေါင်းရင်းမြစ်များ

1 Korintiyanko'en 2:14

Neɗɗo mo walaa Ruuhu Allah, o jaɓataa ko ƴiwoyi to Ruuhu Allah, ngam to maako ɗum haaŋoore. O waawataa o faamaɗum ngam o walaa Ruuhu Allah.

Maatiyu 19:11

Ammaa o wi'iɓe, “Naa' koo moye waawata jaɓuki haala ka'a, sey ni ɓe Allah wawni.

Yaakubu 1:5

To goɗɗo nder mooɗon dullii faamu, sey o toroo Allah kokkoowo koo moye ɓernde go'o metitataako, o hokkaymo.

1 Yahaya 2:27

Ammaa onon, Almasiihu hokkii'on Ruuhu Allah, jooɗiiɗum nder ɓerɗe mooɗon. Naa' naa goɗɗo ekkitinoowo feere ekkitinii'on, ngam Ruuhu ɗum e ekkitina'on koo ɗume. Nden ko ɗum ekkitinta ɗum goonga, naa' ɗum fewre. Ngaɗee ka sumpootirki e Yeesu non no Ruuhu Allah ekkitiniri'on.

1 Yahaya 2:20

Ammaa Almasiihu hokkii'on Ruuhu Allah. Kanjum waɗi anduɗon goonga.

Maatiyu 16:17

Yeesu nootii wi'imo, “A barkiɗinaaɗo, Siiman ɓii Inuusa, ngam naa' ɗum neɗɗo wi'imaaka, sey ni Nyaako am Mo Dow.

Aafisanko'en 1:9

Nder faamu maako e andal maako, o hollii'en sirru ko o yiɗi o waɗa barka Almasiihu.

Aafisanko'en 5:32

E woodi sirru lugguɗum mawɗum nder aayaare nde'e. Mi faamii e ɗum meta dow Almasiihu e kawtal tokkuɓemo.

Roomanko'en 16:25

Mangu tabbita to Allah baawayɗo sembiɗina'on barka Habaru Belɗum ɗum nga'ajinaymi dow Yeesu Almasiihu. Habaru Belɗum ɗum ɗum sirru cuuɗaaɗum daga duuɓi ɗuɗɗi ƴaɓɓiiɗi.

Luka 8:10

O wi'i, “Onon on kokkaama faamu sirru Laamu Allah, ammaa woɓɓe sey e misaalu ɗu'um, ngam ‘e ɓe ndaara, ammaa ɓe ngi'ataa; e ɓe nana, ammaa ɓe paamataa.’ ”

1 Korintiyanko'en 15:51

Ndaree mi wi'a'on goɗɗum sirru: Naa' en fuu maayata, ammaa en fuu ɗum waylitanay'en ɓalli

1 Korintiyanko'en 2:7

Ammaa e min meta dow faamu Allah ɗum sirru cuuɗiiɗum ndenno, ɗum Allah siryanii'en ko duuniyaaru tagee ngam teddinki'en.

Yahaya 6:65

Sey o wi'iɓe, “Kanjum waɗi mbiimi'on walaa garayɗo to am sey to Nyaako Mo Dow jaɓii o wara.”

1 Timooti 3:9

Doole ɓe njogoo goonga lugguka dow hoolaaki Yeesu e ɓernde lamnde.

1 Korintiyanko'en 13:2

To e mi waɗa annabaaku, nden to e mi faama sirruuji Allah, to e mi woodi andal kewngal, koo to e mi woodi hoolaare cembinde haa e mi sottina kocceeje, ammaa mi walaa yidde, too, walaa ko nafumi.

Markus 4:11

Sey o wi'iɓe, “Onon on kokkaama faamuki sirru Laamu Allah, ammaa yimɓe ɓe ngalaa nder mooɗon, koo ɗume sey e misaalu,

Koloosiyanko'en 2:2

Mi waɗu non ngam ɗum sembiɗina ɓerɗe maɓɓe, nden ɓe ɓeyda yiɗindirki, ɓe keɓa fuu barka keɓeteeɗum laawol faamu kewɗum, ngam ɓe mbaawa anduki sirru Allah, waato Almasiihu e hoore maako.

Aafisanko'en 6:19

Min maa, ngaɗaneeyam do'aare Allah hokkayam boliiɗe ɗe mbi'aymi, mi andina yimɓe sirru Habaru Belɗum dow Yeesu Almasiihu kulol walaa.

1 Korintiyanko'en 4:7

Moye wartirmaa mawɗo dow horiiɓe? Koo ɗume ɗum ngooduɗaa naa' Allah hokkumaaɗum? To ɗum non, ngam ɗume a fiya gabaare maaɗa bo ko ngooduɗaa naa' caahu keɓuɗaaɗum?

1 Korintiyanko'en 4:1

Kocceemin min maccuɓe Almasiihu ɓe Allah hokki kuugal wa'ajinki sirru maako.

Yahaya 7:17

Koo moye cuɓuɗo waɗa ko Allah yiɗi o anday koo ko ekkitinaymi to Allah ɗum ƴiwoyi, koo ko mbi'aymi ɗum boliiɗe am.

1 Timooti 3:16

Walaa wongo seko, sirru diina meeɗen e mawni, wiiki: Almasiihu warii nder ɓandu neɗɗo, Ruuhu Allah hollii e mo waɗa ko Allah yiɗi, malaa'ika'en ngi'iimo, ɗum hokkii habaru maako nder lenyi, ɗum hoolakemo nder duuniyaaru, ɗum hocciimo yaaki dow nder mangu maako.

Aafisanko'en 1:18

E mi waɗa do'aare kadin Allah maɓɓita ɓerɗe mooɗon ngam andon kammunde nde o noddiri'on e barka mawɗum ɗum o waɗani yimɓe maako alkawal.

Kuuɗe Lilaaɓe 16:14

Nder maɓɓe e woodi goɗɗo debbo bi'eteeɗo Liidiya, ƴiwoyɗo gariiri Tayaatira kuloowo Allah. E mo soora kolte boɗeeje ɗe ceede. Joomiraawo maɓɓiti ɓernde maako o hettindanii ko Bulus wi'ata.

Maatiyu 13:10

Sey tokkuɓemo ngari ƴamimo, mbi'i, “Ngam ɗume metirantaaɓe e misaalu nihi?”

Maatiyu 20:23

Sey Yeesu wi'iɓe, “Ee, on njaray iri jardugel torra ngel njaraymi, ammaa jooɗaaki e jungo am nyaamo e jungo am nano naa' min hokkataɗum. Ɗe'e bigeeje ɗum ɗe ɓen ɗon ɓe Nyaako am Mo Dow siryanii.”

Markus 10:40

Ammaa jooɗaaki e jungo am nyaamo e jungo am nano naa' min hokkataɗum. Ɗe'e bigeeje ɗum ɗe ɓen ɗon ɓe ɗum siryaniiɗe.”

Roomanko'en 11:25

Bandiraaɓe am, mi yiɗaa ndullon anduki sirru ɗu'um, ngam to' ngarton ɓe mangu hoore. Israa'iilanko'en ɗuɗɓe ngaɗay ka wanyuki ko Allah wi'i sey to carel waɗii ngel fuu yimɓe naa' Yahuudanko'en ɓe Allah suɓi kooliimo.