Maatiyu 12:25 - Fulfulde Nigeria

²⁵ Ammaa Yeesu e andi ko woni nder ɓerɗe maɓɓe, o wi'iɓe, “Laamu fuu cendiiɗum e wanywanytira, ɗum lallay. Non maa to gariiri koo wuro sendake e wanywanytira, ɗum waawataa ɗum daroo.

Maatiyu 12:25 ပူးပေါင်းရင်းမြစ်များ

Galaatiyanko'en 5:15

Ammaa to on kallindira on torrindira bo marle ladde, paamee to' kalkindiron.

1 Korintiyanko'en 2:11

Moye nder yimɓe andata ko woni nder ɓernde neɗɗo to naa' neɗɗo on? Non maa, walaa anduɗo nyumo Allah sey ni Ruuhu Allah.

Maatiyu 9:4

Ammaa Yeesu faami ko woni nder ɓerɗe maɓɓe, sey o wi'iɓe, “Ngam ɗume nyumoton nyumo kallungo nder ɓerɗe mooɗon?

Wahayu Yahaya 16:19

Gariiri Baabiila ndin ɗon mawndi sendii tati, gariije duuniyaaru maa njani njanini. Sey Allah siftori e gariiri Baabiila mawndi, o waɗindi ndi yari torra monnere maako kallunde.

Ibraaniyanko'en 4:13

Nder fuu ko tagaa, walaa ko suuɗii to Allah. Koo ɗume e njayri ɗum woni, e ɗum maɓɓitii yeeso maako. Nden doole kanko mbi'eten fuu ko ngaɗɗen.

Markus 2:8

Ɗon e ɗon Yeesu faami nder ɓernde muuɗum e ɓe nyuma dow fii ɗu'um nder ɓerɗe maɓɓe, o wi'iɓe, “Ngam ɗume nyumoton iri nyumooji ɗi'i nder ɓerɗe mooɗon?

Wahayu Yahaya 2:23

Mi waray tokkuɓe ekkitinol maako. Sey fuu kawte tokkuɓe Yeesu anda min woni anduɗo nyumooji yimɓe e ko woni nder ɓerɗe maɓɓe. Mi waatanay koo moye mooɗon ko fottidi e kuugal muuɗum.

Yahaya 21:17

Yeesu ƴamimo tataɓum wi'i, “Siiman, ɓii Yahaya, a yiɗiyam?” Biiturus wanni ngam Yeesu ƴamimo tataɓum, “A yiɗiyam?” Ngam non o wi'imo, “Joomiraawo, a andi koo ɗume. A andi e mi yiɗumaa.” Yeesu wi'imo, “Duru baali am.