Maatiyu 12:15 - Fulfulde Nigeria

¹⁵ Nde Yeesu faami ko ɓe ciryotoo, sey o ummii o ali wigeere nden. Sey yimɓe ɗuɗɓe tokkimo, o yamɗitiniɓe ɓe fuu,

Maatiyu 12:15 ပူးပေါင်းရင်းမြစ်များ

Maatiyu 10:23

To yimɓe torrii'on nder wondi gariiri, ndoggee njahon wondi gariiri. E mi wi'a'on goonga, ko njahidon gariije Israa'iila fuu, Ɓii Neɗɗo wartoyay.

Yahaya 11:54

Ngam non Yeesu ali yiilaaki nder Yahuudanko'en e njayri. Ammaa o ali ɗon o yahi wonde wigeere haade kare o natti wondi gariiri bi'eteendi Ifiraayim, o jooɗii ɗon, kanko e tokkuɓemo.

Yahaya 7:1

Gaɗa ɗu'um Yeesu waɗi ka yiilaaki nder leydi Galiili. O yiɗaa yiilaaki nder leydi Yahuudiya, ngam ardiiɓe Yahuudanko'en wonɓe ton e ɓe ɗaɓɓita laawol no ɓe mbarirtamo.

Maatiyu 19:2

Yimɓe ɗuɗɓe tokkimo, o yamɗitini nyawɓe ton.

Markus 6:56

Koo toye to o yahi, koo nder ngarihoy, koo nder gariije mawɗe, koo nder gure ladde, yimɓe e pukkina nyawɓe nder luumo, ɓe toroomo nyawɓe ɓen meema koo cilmbi toggoore maako. Fuu meemuɓeɗi njamɗiti.

1 Biiturus 2:21

Dow iri kan ɗon torra Allah noddi'on, ngam Almasiihu maa yarii torra ngam mooɗon. O alanii'on ko tokkoton ngam njooɗorooɗon no o jooɗorii.

Galaatiyanko'en 6:9

To' en comu waɗuki ko wooɗi, ngam to carel waɗii en keɓay barka, to en alaayi waɗuki ko wooɗi.

Yahaya 9:4

Doole kuwen kuuɗe on ɗon liloyɗoyam daga naange e ɗon. Jemma ɓadake. E carel ngel walaa baawayɗo huwa.

Luka 6:12

Nder balɗe ɗen, Yeesu yahi dow hocceere ngam waɗa do'aare. O waali waɗuki do'aare.

Luka 5:22

Yeesu faami nyumo maɓɓe, o wi'iɓe, “Ngam ɗume nyumoton iri nyumooji ɗi'i nder ɓerɗe mooɗon?

Luka 9:11

Ammaa nde yimɓe ɗuɗɓe hawrutuɓe ngi'i non, ɓe tokkimo. O jaɓɓiiɓe, o metaniɓe dow Laamu Allah. O yamɗitini giɗɓe yamɗitineeki.