Maatiyu 12:14 - Fulfulde Nigeria

¹⁴ Ammaa Faarisanko'en ɓen mburtii meddi dow no ɓe mbardata Yeesu.

Maatiyu 12:14 ပူးပေါင်းရင်းမြစ်များ

Yahaya 11:53

Daga nden ɗon nyalnde ɓe ndarwi warki Yeesu.

Yahaya 10:39

Ɓe puɗɗiti ɓe ndarwi nangukimo, ammaa o wurtii juuɗe maɓɓe o daɗi.

Yahaya 5:18

Ka'a haala waɗi ardiiɓe Yahuudanko'en ɓeydi ɗaɓɓutuki laawol no mbardatamo. Ngam naa' dooka Nyalnde Siwtaare tan o yewi, ammaa haa maa o wi'ii Allah ɗum Nyaako maako, waato o wartirii hoore maako go'o e Allah won ɗon.

Luka 6:11

Ammaa ɓerɗe maɓɓe metti naa' seɗɗa, ɓe meti hakkunde maɓɓe dow ko ɓe ngaɗanta Yeesu.

Markus 3:6

Sey Faarisanko'en mburtii suudu do'aare ndun, ɓe puɗɗi medduki e yimɓe Hirudus dow no ɓe mbardata Yeesu.

Maatiyu 26:4

Ɓe kaɓɓi ɓe nanga Yeesu e suuɗe ɓe mbaramo.

Yahaya 11:57

Mawɓe ardiiɓe diina e Faarisanko'en ɓe njaadake ɓe mbi'ii fuu anduɗo to Yeesu woni, o andinaɓe ngam ɓe nangamo.

Maatiyu 27:1

Nde weeti, sey fuu mawɓe ardiiɓe diina e mawɓe yimɓe meddi dow no ɓe mbardata Yeesu.

Markus 14:1

Horii balɗe ɗiɗi ɗum waɗa Humto Sakkinki e Humto Buroodi Ɗum Walaa Ƴuufinirɗum. Mawɓe ardiiɓe diina e moodiɓɓe Attawra e ɗaɓɓita laawol no ɓe nangirta Yeesu e suuɗe ɓe mbaramo.

Luka 22:2

Mawɓe ardiiɓe diina e moodiɓɓe Attawra e ɗaɓɓita no ɓe mbardata Yeesu, ngam e ɓe kula yimɓe.

Yahaya 7:30

Woɓɓe ngiɗii nangukimo, ammaa walaa gaɗuɗo jungo dow maako, ngam carel maako waɗaayi taw.

Yahaya 7:32

Faarisanko'en nani yimɓe hawrutuɓe e meta iri haala ka'a dow Yeesu, sey kamɓe e mawɓe ardiiɓe diina ɓe lili taadiiɓe Wuro Ceniingo ngam nangamo.

Yahaya 7:44

Woɓɓe e ngiɗi nangukimo, ammaa walaa gaɗuɗo jungo dow maako.

Yahaya 8:59

Nde o wi'i non, sey ɓe kocci kaaƴe ngam ɓe kuboomo, ammaa Yeesu suuɗi hoore muuɗum, wurtii nder Wuro Ceniingo ngon dilli.

Yahaya 10:31

Sey Yahuudanko'en puɗɗiti kocci kaaƴe ngam kuboomo mbaramo.