Maatiyu 11:21 - Fulfulde Nigeria

²¹ O wi'i, “Yimɓe gariiri Korasin, on mbonii! Yimɓe gariiri Betasayda, on mbonii! Daa kuuɗe kayɗiniiɗe gaɗaaɗe nder mooɗon ɗe ngaɗanaama yimɓe Taaya e Sidon, daa ɓe ɓornake kolte kollayɗe wannaare ɓe njooɗake nder tooka ngam holluki ɓe tuubii.

Maatiyu 11:21 ပူးပေါင်းရင်းမြစ်များ

Kuuɗe Lilaaɓe 12:20

Hirudus e monnana yimɓe gariije Taaya e Sidon. Sey yimɓe gariije ɗen kawriti njahi to maako. Ɓe arti narruki e mawɗo kuwanooɓe Hirudus bi'eteeɗo Bilastus. Nden ɓe njahi to Hirudus, ɓe torii jonde jam hakkunde maɓɓe, ngam nder leydi maako ɓe keɓata nyamndu.

Yahaya 12:21

Ɓe njahi to Filibus ƴiwoyɗo Betasayda nder leydi Galiili, ɓe mbi'imo, “Moodibbo, e min ngiɗi yiiki Yeesu.”

Luka 9:10

Nde lilaaɓe ngarti, ɓe mbi'i Yeesu ko ɓe ngaɗi. Sey o hocciɓe kamɓe tan yaaki haade gariiri bi'eteendi Betasayda.

Markus 6:45

Ɗon e ɗon Yeesu waɗi tokkuɓemo natta komiwal ɓe artamo huuluki yaaki Betasayda, kanko boo o jaɓɓitoto kawrutuɓe.

Maatiyu 15:21

Yeesu ali ɗon yahi haade gariije Taaya e Sidon.

Yahuuda 1:11

Ɓe mbonii! Ɓe tokkii ngikku Kayinu. Ɓe nattii iri majjere Bala'amu ngam suuno ceede. Non no Koora wanyiri ko Allah wi'i, non kamɓe maa ɓe nganyiri ko Allah wi'i. Ngam non, ɓe kalkay.

Yahaya 1:44

Filibus boo o neɗɗo gariiri Betasayda. Kayri woni gariiri Andiraawus e Biiturus.

Luka 6:17

Sey Yeesu jippodii e maɓɓe o darii e njayri. Tokkuɓemo ɗuɗɓe e ɗon e yimɓe ɗuɗɓe ƴiwoyɓe daga leydi Yahuudiya fuu, e Urucaliima, e leydi Taaya e Sidon haade mbeela.

Markus 8:22

Yeesu e tokkuɓemo njottii gariiri Betasayda, sey woɓɓe yimɓe ngaddi bumɗo, ɓe torii Yeesu meemamo ngam yamɗitinamo.

Markus 7:31

Sey Yeesu ali wigeere gonde haade gariiri Taaya, o tokkiri gariiri Sidon, o regoyii Mbeela Galiili, o natti leydi Dikapolis.

Markus 3:8

Nde yimɓe ɗuɗɓe nani habaru fuu ko o waɗata, ɓe ngari to maako daga Yahuudiya, e Urucaliima, e Iduumiya, e fongo Caangol Urdun, e leydi haade gariije Taaya e Sidon.

Maatiyu 18:7

Duuniyaaru wonii ngam e woodi ko fooɗata yimɓe ngaɗa hakke! Ngam doole ko fooɗata yimɓe ngaɗa hakke wara, fuu e non fooɗuɗo goɗɗo waɗi hakke wonii.

Maatiyu 11:22

Ammaa e mi wi'a'on, Nyalnde Jaango Allah ɓuray yurminanki yimɓe Taaya e Sidon dow mooɗon.

Kuuɗe Lilaaɓe 27:3

Nde fini min njottii gariiri Sidon. Juuliyos nani jurumɗum Bulus; o jaɓi Bulus yaha to higooɓe maako ngam ɓe mballamo.

Luka 4:26

Ammaa Annabi Iliya liloyaaka to koo moye maɓɓe, sey to goɗɗo debbo naa' Yahuudankeejo mo gorko muuɗum maayi, gonɗo gariiri Jarifat nder leydi Sidon.

Markus 7:24

Daga ɗon Yeesu dilli yahi wigeere haade gariije Taaya e Sidon. O natti wongo wuro, o yiɗaa koo moye anda e mo ɗon ɗum. Ammaa fuu e non o waawaayi suuɗaaki yimɓe.

Maatiyu 26:24

Ɓii Neɗɗo maayay no ɗum windiraa dow maako, ammaa kokkitirayɗomo wonii! Ɗum ɓuranaymo daa o danyaaka.”

Wahayu Yahaya 6:12

Nde Karoori ndin takkiti haatimiire joweego'oore, sey ɗum waɗi dimbol leydi mangol. Naange ɓalwi kirim bo ƴulɓe. Lewru wooji coloy bo ƴiiƴam.

Wahayu Yahaya 11:3

Nden mi hokkay ceydu'en am ɗiɗo laamu ɓe nga'ajina wolde am haa balɗe 1,260, e ɓe ɓornii kolte kollayɗe wannaare.”