Maatiyu 11:1 - Fulfulde Nigeria

¹ Nde Yeesu yottini ko wi'ata tokkuɓemo sappo e ɗiɗo, sey o ummii daga ɗon, o dilli, e mo ekkitina, e mo wa'ajina nder gariije.

Maatiyu 11:1 ပူးပေါင်းရင်းမြစ်များ

Kuuɗe Lilaaɓe 10:38

On andi no Allah suɓiri Yeesu Najarankeejo, e no o hokkirimo bawɗe Ruuhu maako. On andi no Yeesu yiilorii nder gariije fuu e mo huwa kuuɗe boɗɗe, e mo yamɗitina ɓe Ceyɗan torrata fuu ngam Allah e wondi e maako.

Luka 8:1

Gaɗa ɗon, Yeesu yahi gariije e ngarihoy pamaroy fuu, e wa'ajina Habaru Belɗum dow Laamu Allah. Tokkuɓemo sappo e ɗiɗo e ngondi e maako,

Maatiyu 9:35

Yeesu yahi gariije mawɗe e ngarihoy pamaroy fuu, e ekkitina nder cuuɗi do'aare ɗi Yahuudanko'en, e wa'ajina Habaru Belɗum dow Laamu Allah, e mo yamɗitina yimɓe gooduɓe koo iri ɗume nyawu, e koo iri ɗume ciya njamu.

2 Tasaloonikanko'en 3:10

Ngam koo carel ko min ngondunoo e mooɗon, raa ko min mbi'i'on ngaɗon, “To neɗɗo wanyii huwa, to' on kokkumo nyamndu.”

2 Tasaloonikanko'en 3:6

Bandiraaɓe, e min mbi'a'on nder inde Joomiraawo meeɗen Yeesu Almasiihu, doole ngoɗɗitooɗon koo moye dakkiiɗo tokkuɗo Yeesu mo tokkataa ko min ekkitini'on.

1 Tasaloonikanko'en 4:2

Ngam on andi min mbi'ii'on ko Yeesu Joomiraawo wi'i ngaɗon.

Kuuɗe Lilaaɓe 10:42

O wi'imin min nga'ajinana yimɓe, min tabbitinanaɓe Yeesu woni mo Allah wartiri kiitotooɗo mayɓe e ɓe yonki.

Kuuɗe Lilaaɓe 1:2

haa yaaki nyalnde nde o hoccaa yaaki dow. Ko o hoccee yaaki dow, o ekkitinii lilaaɓe ɓe o suɓi nder bawɗe Ruuhu Allah.

Yahaya 15:14

Onon ngoni higooɓe am to on ngaɗii ko mbiimi ɗum waɗa.

Yahaya 15:10

To on ngaɗii ko mbiimi ɗum waɗa, on njooɗoto nder yidde am, non no ngaɗirmi ko Nyaako am Mo Dow wi'i ɗum waɗa njooɗiimi nder yidde maako.

Maatiyu 28:20

on ekkitinaɓe ɓe tokka koo ɗume ko mbiimi'on ngaɗon. Raɗɗum, e mi wondi e mooɗon koo ndeye haa re'uki duuniyaaru.”

Maatiyu 7:28

Nde Yeesu yottini ko wi'ata, yimɓe hawrutuɓe kayɗini e ekkitinol maako,

Maatiyu 4:23

Yeesu yahi koo toye nder leydi Galiili, e mo ekkitina nder cuuɗi do'aare maɓɓe, e mo wa'ajina Habaru Belɗum dow Laamu Allah, nden e mo yamɗitina koo iri ɗume nyawu e ciya njamu nder yimɓe.

1 Timooti 6:14

e mi wi'umaa, tokku ko Allah wi'i e goonga naa nyalnde nde Joomiraawo meeɗen Yeesu Almasiihu wartoyta.

Markus 6:12

Sey ɓe ndilli e ɓe nga'ajina wi'uki yimɓe tuuba.

Luka 23:5

Ammaa ɓe calii ko o wi'i, ɓe ngaɗi ka metuki dow Yeesu e sembe, e ɓe mbi'a, “Ko o ekkitinta e hawta yimɓe hawre nder leydi Yahuudiya fuu. O fuɗɗii nder leydi Galiili, daga ton haa ɗo'o.”