Maatiyu 10:42 - Fulfulde Nigeria

⁴² Koo moye kokkuɗo ɓurɗo famɗuki nder tokkuɓeyam ɓe'e koo ndiyam pewɗam nder jardugel ngam o tokkuɗoyam, e mi wi'a'on goonga, o dullataa heɓuki mbarjaari.”

Maatiyu 10:42 ပူးပေါင်းရင်းမြစ်များ

Ibraaniyanko'en 6:10

Allah naa' o gaɗoowo ko haanaa. O yejjitataa kuugal ngal ngaɗɗon koo yidde nde kolluɗonmo nde mballuɗon yimɓe maako, nyamruɗon yeeso e wallukiɓe haa jooni.

Maatiyu 25:40

Sey Laamiiɗo on nootoo, wi'aɓe, ‘E mi wi'a'on goonga, nde on ngaɗani go'oto nder ɓe'e bandiraaɓe am ɓurɓe famɗuki, min ngaɗanɗon.’

Maatiyu 18:10

“Paamee, to' on njawan koo go'oto nder sukahoy pamaroy ko'oy. Ngam e mi wi'a'on, malaa'ika'en maakoy ton dow koo ndeye e ndaara yeeso Nyaako am Mo Dow.

2 Korintiyanko'en 8:12

Ngam to on ngoodi ɓerɗe hokkuki ballal, Allah jaɓay ko kokkuɗon. Allah e raara ko ngooduɗon, naa' ko on ngalaa.

Luka 6:35

Ammaa ngiɗee ganyooɓe mooɗon, ngaɗaneeɓe boɗɗum, kokkeeɓe nyamaande, to' on kammoo hokkiteeki. To on ngaɗii non, on keɓay barka ɗuɗɗum, on ngartay ɓiɓɓe Allah Joomu Mangu. Ngam Allah e yurminana ɓe ngettataa e kalluɓe.

Luka 17:2

Ɗum ɓuranay neɗɗo on haɓɓanee kaaƴa namol manga e daande o faɗɗee nder ndiyam mbeela, dow o waɗa go'oto nder sukaaɓe pamarɓe ɓe'e kooliiɓeyam waɗa hakke.

Maatiyu 18:14

Non Nyaako mooɗon Mo Dow yiɗaa koo go'oto nder sukaaɓe pamarɓe ɓe'e halka.