Maatiyu 10:41 - Fulfulde Nigeria

⁴¹ Koo moye jaɓuɗo annabiijo ngam o annabiijo, o heɓay mbarjaari annabiijo. Nden koo moye jaɓuɗo aadiliijo ngam o aadiliijo, o heɓay mbarjaari aadiliijo.

Maatiyu 10:41 ပူးပေါင်းရင်းမြစ်များ

Ibraaniyanko'en 6:10

Allah naa' o gaɗoowo ko haanaa. O yejjitataa kuugal ngal ngaɗɗon koo yidde nde kolluɗonmo nde mballuɗon yimɓe maako, nyamruɗon yeeso e wallukiɓe haa jooni.

2 Yahaya 1:8

Ngam non paamanee ko'e mooɗon ngam to' ndullon ko kuwanɗon, ammaa keɓon mbarjaari kewndi mbondi.

1 Korintiyanko'en 9:17

Daa min e hoore am suɓi mi wa'ajina, daa mi heɓay njoɓaari. Ammaa to naa' min suɓi mi wa'ajina, ko ngaɗaymi woni e mi huwa kuugal ngal ɗum tambiniyam.

Maatiyu 16:27

Ngam Ɓii Neɗɗo waray nder teddungal Nyaako muuɗum Mo Dow e malaa'ika'en maako, o waatanay koo moye ko waɗi.

Maatiyu 6:18

Taa waɗii non, walaa andayɗo a suumii, sey ni Nyaako maaɗa Mo Dow mo yi'ataake. Nden kanko gi'oowo ko waɗetee e suuɗe, o hokkete mbarjaari.

Roomanko'en 16:23

Gaayus, jaɓɓiiɗoyam nder wuro muuɗum, mo tokkuɓe Yeesu kawritata nder wuro maako, e mo howna'on. Erastus, paamanoowo ceede gariiri, e bandiraawo meeɗen Kawartus, e ɓe kowna'on.

Maatiyu 6:6

Ammaa taa waɗay do'aare, nattu suudu maaɗa maɓɓaa dammugal, toroɗaa Nyaako maaɗa Mo Dow mo yi'ataake. Nden kanko gi'oowo ko waɗetee e suuɗe o hokkete mbarjaari.

Kuuɗe Lilaaɓe 16:15

Gaɗa kanko e wuro maako fuu ɓe ngaɗanaama baptisma, sey o toriimin, o wi'i, “To on jaɓii mi kooliiɗo Joomiraawo e goonga, ngaree njooɗooɗon to wuro am.” O estimin min njippoo to maako, sey min njippii.

Maatiyu 6:4

Hokku caahu maaɗa e suuɗe, nden Nyaako maaɗa Mo Dow anduɗo koo ɗume gaɗaaɗum e suuɗe, o hokkete mbarjaari.

Maatiyu 6:1

“Paamee to' ngaɗon kuuɗe aadilaaku mooɗon yeeso yimɓe ngam ɓe ngi'a. Ngam to on ngaɗii non, on keɓataa mbarjaari to Nyaako mooɗon Mo Dow.

Maatiyu 7:8

Ngam koo moye toriiɗo ɗum hokkaymo, ɗaɓɓutuɗo boo heɓay, nden koo moye cilminiiɗo ɗum maɓɓitanaymo dammugal.

Maatiyu 25:44

Nden kamɓe maa ɓe nootoo, ɓe mbi'amo, ‘Moodibbo, ndeye min ngiidumaa e weelo, koo e ɗonka, koo e ciya kolte, koo e ciya njamu, ndeye min ngiimaa a koɗo, koo a nder suudu cural, min mballaayima?’

Maatiyu 25:45

Sey o nootoo, o wi'aɓe, ‘E mi wi'a'on goonga, nde on ngaɗanaayi koo go'oto nder ɓe'e ɓurɓe famɗuki, min woni on ngaɗanaayi.’