Maatiyu 10:28 - Fulfulde Nigeria

²⁸ To' on kulu warooɓe ɓandu neɗɗo, ammaa ɓe mbaawataa warki yonki maako. Sey ni kulon on ɗon baawayɗo halka ɓandu e yonki fuu nder wuro hiite.

Maatiyu 10:28 ပူးပေါင်းရင်းမြစ်များ

Wahayu Yahaya 2:10

To' on kulu torra ka njaroton yeeso ɗo'o. Raɗɗum Ceyɗan siryake maɓɓa woɓɓe mooɗon nder suudu cural ngam ɗum foonda'on. On ngaɗay balɗe sappo on njara torra kalluka. Ammaa njogee ko kooliiɗon koo ɗum waray'on. Min boo mi hokkay'on yonki, kanki woni dokkal heɓuki jaalorgal mooɗon.

Yaakubu 4:12

Allah tan woni kokkoowo dooka e gaɗoowo kiita. Kanko tan woni baawayɗo hisnuki e halkuki. Ammaa an a moye nde njowantaa bandiraawo maaɗa ko wooɗaa?

1 Biiturus 3:14

Ammaa koo to on njarii torra ngam waɗuki ko wooɗi, Allah barkiɗinay'on. Ngam non, to' on kulu torrayɓe'on, to' on ngannu.

Maatiyu 25:46

Ɓe'e ngoni nattayɓe bone ɗum re'ataa, aadili'en boo keɓa yonki ki re'ataa.”

Ibraaniyanko'en 10:31

Ɗum fii kulniiɗum neɗɗo natta jungo Allah mo yonki.

Maatiyu 10:26

“Ngam non, to' on kulu yimɓe, ngam walaa goɗɗum ombaaɗum ɗum omtataake, non maa walaa cuuɗiiɗum ɗum suuritataake.

Ibraaniyanko'en 11:35

Ngam woɓɓe rewɓe maayanaaɓe e koolii Allah waɗi mayɓe ɓen umminaa daga mayde. Woɓɓe yimɓe boo ɓe torraa haa ɓe maayi, ɓe nganyii ɗum yoofaɓe ngam ɓe keɓa ɓe umminee daga mayde nder jonde ɓurnde wooɗuki.

Kuuɗe Lilaaɓe 21:13

Bulus nootii, wi'imin, “Alee bojji, to' on ngewanam ɓernde! E mi siryii naa' mi haɓɓee tan, ammaa haa mi maaya ton Urucaliima ngam inde Yeesu Joomiraawo.”

Maatiyu 5:22

Ammaa e mi wi'a'on, koo moye monnani goɗɗo, Allah hiitotomo. Kadin koo moye huɗi goɗɗo, ardiiɓe hiitotomo. Nden koo moye wi'i goɗɗo ‘A meereejo!’ e mo dow laawol nattuki wuro hiite.

Yahaya 5:29

ɓe mburtoyoo daga nder genaale maɓɓe. Gaɗuɓe ko wooɗi ɓe ummoto ɓe keɓa yonki ki re'ataa, nden gaɗuɓe ko halli boo ɓe ummoto ɓe taƴanee kiita.