Maatiyu 10:20 - Fulfulde Nigeria

²⁰ Ngam naa' ɗum onon metata, ammaa ɗum Ruuhu Nyaako mooɗon Mo Dow metata nder konduɗe mooɗon.

Maatiyu 10:20 ပူးပေါင်းရင်းမြစ်များ

Kuuɗe Lilaaɓe 6:10

Ammaa ɓe ndulli no ɓe njaalortoomo ngam e mo metira faamu e Ruuhu Allah.

Luka 21:15

Ngam mi hokkay'on boliiɗe e andal, haa walaa goɗɗo nder ganyooɓe mooɗon baawayɗo do''uki'on koo yedduki ko mbiiɗon.

Luka 12:12

Ngam Ruuhu Allah ekkitinay'on e carel ngel ko haani mbi'on.”

2 Biiturus 1:21

Ngam walaa annabaaku meeɗuɗum warki daga nyumol neɗɗo. Ammaa Ruuhu Allah holliɓe ɓe mbi'a ko Allah wi'iɓe.

Kuuɗe Lilaaɓe 4:8

Biiturus e heewi Ruuhu Allah, wi'iɓe, “Onon ardiiɓe yimɓe e mawɓe,

Kuuɗe Lilaaɓe 2:4

Sey ɓe fuu ɓe keewi Ruuhu Allah, ɓe puɗɗi metuki nder ɗemɗe feere‑feere no Ruuhu hokkiriɓe bawɗe metuki.

2 Korintiyanko'en 13:3

Nde on ngiɗi yiiki ko tabbitinanta'on Almasiihu e metira laawol am, mi hollay'onɗum. Almasiihu dullaayi sembe nder mooɗon, ammaa e mo huwa nder mooɗon e sembe.

1 Biiturus 1:12

Ɗum wi'iiɓe onon ɓe kuwanta naa' ko'e maɓɓe, nde ɓe meti dow fuu fii ɗum ɗon ɗum nanɗon jooni. On naniiɗum daga to ga'ajinanɓe'on Habaru Belɗum barka Ruuhu Allah liloyaaɗum daga dow. Koo malaa'ika'en e ngiɗi faamukiɗum.

Kuuɗe Lilaaɓe 28:25

Ngam non ɓe ngeddootiri hakkunde maɓɓe, ɓe puɗɗi sankitaaki. Ammaa Bulus wi'iɓe, “Ruuhu Allah wi'ii goonga nde metani maama'en mooɗon daga honduko Annabi Icaaya,

Kuuɗe Lilaaɓe 13:9

Sey Caawulu, bi'eteeɗo Bulus, keewuɗo Ruuhu Allah, sutiimo,

Luka 11:13

To onon kalluɓe, on andi no kokkirton ɓiɓɓe mooɗon fii boɗɗum, hakko Nyaako mooɗon Mo Dow! O ɓuray non hokkuki toriiɓemo Ruuhu Allah.”

Markus 12:36

Ngam Dawda e hoore muuɗum, nder bawɗe Ruuhu Allah o wi'ii, ‘Joomiraawo wi'ii Joomiraawo am, “Jooɗa to jungo am nyaamo, naa mi waɗii a yaaɓii wanywanyɓe maaɗa.” ’

Maatiyu 6:32

Ngam iri ɗum ɗon yimɓe ɓe andaa Allah ɗaɓɓitata. Nyaako mooɗon Mo Dow e andi on ngiɗi fuu fii ɗu'um.

1 Tasaloonikanko'en 2:13

Non maa koo ndeye e min ngetta Allah, ngam carel ngel njaɓuɗon Wolde Allah nde nanɗon to amin, on njaɓaayinde bo wolde neɗɗo, ammaa on njaɓiinde nde Wolde Allah, non no nde wontindiri. E nde huwa nder ɓerɗe mooɗon, onon kooliiɓe Allah.