Maatiyu 10:18 - Fulfulde Nigeria

¹⁸ ɓe njaara'on yeeso mawɓe leydi e laamiiɓe, ngam on tokkuɓeyam on kokkayɓe habaru am. Non wartay laawol no kokkirtonɓe habaru am kamɓe e yimɓe naa' Yahuudanko'en.

Maatiyu 10:18 ပူးပေါင်းရင်းမြစ်များ

Markus 13:9

“Ammaa paamanee ko'e mooɗon. Ɓe ngaɗay'on nder juuɗe mawɓe cuuɗi do'aare, ɗum piya'on nder cuuɗi do'aare ɗin. Ngam on tokkuɓeyam ɗum yaaray'on yeeso mawɓe leydi e laamiiɓe, non wartay laawol no kokkirtonɓe habaru am.

Maatiyu 8:4

Sey Yeesu wi'imo, “Faamu, taa' wi'uka koo moye, ammaa yahu kollaa hoore maaɗa to ardiiɗo diina, nden kokkaa cakkiri no Muusa wi'i ɗum waɗa ngam laaɓol maaɗa. Waɗu non ngam tabbitinanki yimɓe a yamɗitii.”

Wahayu Yahaya 11:7

Gaɗa ɓe keenyii wa'ajinki maɓɓe sey wondi mardi kallundi burtoytoondi nder ngayka lugguka kan honaɓe. Ndi heɓa jaalorgal dow maɓɓe ndi waraɓe.

Wahayu Yahaya 6:9

Nde Karoori ndin takkiti haatimiire njowaɓre nden, mi yi'ii yonkiiji ɓe ɗum wari ngam ɓe nga'ajinii Wolde Allah e goonga. E ɓe ley to ɗum wulata urde.

Wahayu Yahaya 1:9

Min woni Yahaya bandiraawo mooɗon nder tokkuki Yeesu. En njara torra ngam en yimɓe nder laamu maako, ammaa o hokkii'en ɓerɗe munyal. Ɗum yaariiyam leydi ngondi caka ndiyam bi'eteendi Batamos ngam mi wa'ajinii Wolde Allah mi hokkii habaru Yeesu.

2 Timooti 1:8

Ngam maajum taa' semtu hokkuki yimɓe habaru Joomiraawo meeɗen, taa' boo semtam min maɓɓaaɗo ngam tokkuki Yeesu. Ammaa en njardu torra hokkuki habaru Yeesu nder bawɗe Allah.

Maatiyu 10:17

Paamanee yimɓe, ngam ɓe njaaray'on yeeso mawɓe, ɓe piya'on nder cuuɗi do'aare maɓɓe,

Maatiyu 10:19

Fuu carel ngel ɗum nangi'on ɗum yaari'on yeeso laamu, to' on ngannu dow no metirton, koo ko mbi'oton, ngam nder carel ngel ɗum wi'ay'on ko mbi'oton.