Maatiyu 1:1 - Fulfulde Nigeria

¹ Ɗe'e ngoni inɗe maama'en Yeesu Almasiihu lenyol Dawda, Dawda lenyol Ibraahim.

Maatiyu 1:1 ပူးပေါင်းရင်းမြစ်များ

Galaatiyanko'en 3:16

Too, Allah waɗanii Ibraahim alkawal muuɗum e ɓiɓɓe ɓiɓɓeeji maako. Aayaare wi'aayi, “e taaniraaɓe,” waato yimɓe ɗuɗɓe, ammaa nde wi'i, “e taaniraawo maaɗa,” waato neɗɗo go'o tan, kanko woni Almasiihu.

Roomanko'en 1:3

Habaru ɗu'um ɗum dow ɓiɗɗo maako Joomiraawo meeɗen Yeesu Almasiihu. Nder ɓandu kanko daga lenyol Dawda.

Wahayu Yahaya 22:16

“Min Yeesu, mi liloyii malaa'ikaajo am to mooɗon e habaru ɗu'um ngam kawte tokkuɓeyam. Min woni fuɗɗoode Dawda e lenyol maako, min woni Jaabiire, hoodere subaka goodunde jayngol.”

Yahaya 7:42

“Naa' aayaare wi'ii, Almasiihu ƴiwoyay daga nder lenyol Dawda, nden ɗum danyaymo to Baytalaami, gariiri to Dawda jooɗinoo?”

Kuuɗe Lilaaɓe 2:30

O annabiijo, e mo andi Allah waɗaniimo alkawal hunii wi'uki goɗɗo daga nder lenyol maako wartay laamiiɗo, waato Almasiihu.

Maatiyu 1:18

Raa no Yeesu Almasiihu danyiraa. Maduujo maako Maryaama waadi alkawal teegal e Yusufu. Ammaa ko ɓe ngaɗa teegal, sey o tawraa reedu daga to Ruuhu Allah.

Roomanko'en 9:5

Ɓe ƴiwoyi daga maama'en Yahuudanko'en mawɓe andaaɓe, nden daga lenyol maɓɓe Almasiihu waroyi nder ɓandu. Allah laamotooɗo koo ɗume mantee haa abadaa! Aamin.

Roomanko'en 4:13

Allah waɗanii Ibraahim e ɓiɓɓe ɓiɓɓeeji maako alkawal wiiki kamɓe ndonata duuniyaaru. Allah waɗii alkawal nga'al naa' ngam Ibraahim e tokka ko Attawra wi'i, ammaa ngam aadilaaku keɓeteeɗum barka hoolaaki Allah.

Maatiyu 15:22

Sey raa goɗɗo Kan'aaniyankeejo debbo neɗɗo leydi ndin wari noddi sembee, wi'i, “Moodibbo, Ɓii Dawda, yurminanam! Wongol ginnol e torra ɓiɗɗo am surbaajo.”

Maatiyu 9:27

Yeesu e ala wigeere nden, sey woɓɓe wumɓe ɗiɗo tokkimo e nodda sembee, e mbi'a, “Ɓiɗɗo Dawda, yurminanmin!”

Maatiyu 3:16

Nde ɗum waɗani Yeesu baptisma, e mo wurto nder ndiyam ɗam, sey ɗon e ɗon dow maɓɓitii o yi'i Ruuhu Allah e jippoyo dow maako e ɓandu bo foondu.

Maatiyu 1:2

Ibraahim danyi Iciyaaku, nden Iciyaaku danyi Yaakubu, nden Yaakubu danyi Yahuuda e sakiraaɓe maako,

Luka 1:33

O laamoto dow ɓiɓɓe Israa'iila haa abadaa. Laamu maako re'ataa.”

1 Timooti 2:5

Ngam Allah o go'oto, nden ciryootirɗo hakkunde Allah e yimɓe o go'oto. Kanko woni Yeesu Almasiihu,

2 Timooti 2:8

Siftor Yeesu Almasiihu. O ummake daga mayde, o warii daga lenyol Dawda, non no nga'ajinirmi.