Luka 9:22 - Fulfulde Nigeria

²² Nden o wi'i, “Doole Ɓii Neɗɗo yara bone ɗuɗɗum. Mawɓe yimɓe e mawɓe ardiiɓe diina e moodiɓɓe Attawra nganyamo, nden o waree. Nder nyalnde tatawre boo ɗum umminaymo.”

Luka 9:22 ပူးပေါင်းရင်းမြစ်များ

Luka 24:7

O wi'ii, ‘Doole Ɓii Neɗɗo hokkitiree nder juuɗe kalluɓe, o waree dow gaafaangal, nden o ummoo nder nyalnde tatawre.’ ”

Luka 9:44

“Paamee boɗɗum nanon ko mbi'aymi'on! Ɗum hokkitiray Ɓii Neɗɗo nder juuɗe yimɓe.”

1 Biiturus 1:11

Ruuhu Allah gonɗum nder ɓerɗe maɓɓe wi'iiɓe no Almasiihu torrortoo, nden gaɗa ɗon o mawninee. Ngam non, ɓe ɗaɓɓitii naa' seɗɗa ngam ɓe anda moye woni Almasiihu, nden ndeye fii ɗu'um waɗata.

Markus 9:31

ngam e mo ekkitina tokkuɓemo, e mo wi'aɓe, “Ɗum hokkitiray Ɓii Neɗɗo nder juuɗe yimɓe ɓe mbaramo. Nden to o waraama, gaɗa balɗe tati o ummoto.”

Markus 8:31

Sey Yeesu fuɗɗi ekkitinkiɓe e wi'a doole Ɓii Neɗɗo torroo naa' seɗɗa. Mawɓe yimɓe, e mawɓe ardiiɓe diina, e moodiɓɓe Attawra nganyamo, nden o waree. Gaɗa balɗe tati boo o ummoto daga mayde.

Maatiyu 17:12

Ammaa e mi wi'a'on, Iliya yaadake warii, ɓe boo keɓtaayi ɗum kanko, ammaa ɓe ngaɗanimo fuu ko ɓe ngiɗi. Non maa Ɓii Neɗɗo yaray bone e juuɗe maɓɓe.”

1 Korintiyanko'en 15:4

o uwaama, o umminaama daga mayde nyalnde tatawre non no goɗɗe aayaaje mbi'i,

Luka 24:26

On andaa doole Almasiihu yara torra nihi nden natta teddungal muuɗum?”

Maatiyu 17:22

Nde Yeesu e tokkuɓemo kawriti e leydi Galiili, sey o wi'iɓe, “Ɗum hokkitiray Ɓii Neɗɗo nder juuɗe yimɓe,

Maatiyu 27:63

Ɓe mbi'i, “Allah reene! Min ciptorii ko on ɗon majjinoowo yimɓe wi'i ko o maaya, o wi'i, ‘Mi ummoto daga mayde gaɗa balɗe tati.’

Luka 17:25

Ammaa arande doole o yara torra kalluka, yimɓe jaamanu ɗu'um nganyamo.

Luka 24:44

Nden o wi'iɓe, “Ɗu'um woni ko mbiinoomi'on carel ko ngondunoomi e mooɗon: Koo ɗume ko windaa nder Attawra, e Defte Annabo'en, e Jabuura dow am doole ɗum heewa.”