Luka 8:13 - Fulfulde Nigeria

¹³ Njanundi dow hayre woni yimɓe jaɓuɓe Wolde Allah nder belɗum ɓernde, ammaa nde walaa ɗaɗi, nde jooɗaaki nder ɓerɗe maɓɓe. Ɓe njaɓunde ngam carel seɗɗa, ammaa nde ɗum foondiɓe, ɓe njoofinde.

Luka 8:13 ပူးပေါင်းရင်းမြစ်များ

Yahaya 5:35

Yahaya e nandi e fitilaaru kuɓɓayndu hokka jayngol, nden ngam carel seɗɗa on cuɓii nanki belɗum jayngol.

Yahuuda 1:12

Yimɓe ɓen ɗon e ɓe cemtina'on carel ngel ɓe nyamdata e mooɗon ammaa kamɓe ɓe semtataa, e ɓe ndura ko'e maɓɓe tan. E ɓe nandi e iyeende nde hendu hocci ndiyam toɓaayi. E ɓe nandi e leɗɗe ɗe ndimataa koo e carel rimuki, ɗoofaaɗe, baatuɗe.

2 Biiturus 2:22

Ko ɓe ngaɗi ɗum yaadii e haala biika, “Kutiiru tuutii so''ake tahi turre muuɗum,” nden e haala biika, “Aladeeru ndu ɗum looti so''ake nder loope nefniiɗe.”

2 Biiturus 2:20

To yimɓe kisii daga kuuɗe kalluɗe ɗe duuniyaaru ngam ɓe andii Yeesu Almasiihu Joomiraawo meeɗen e Kisnoowo meeɗen, nden daga gaɗa ɓe co''ii ɓe natti iri kuuɗe kalluɗe ɗen ɗon, haa ɗe njarii ko'e maɓɓe, re'irde jonde maɓɓe ɓuray fuɗɗoode maɓɓe halluki.

Ibraaniyanko'en 10:39

Ammaa enen naa' en nder yaatirɓe gaɗa kalki. Enen en nder kooliiɓe Allah kisi.

Aafisanko'en 3:17

ngam Almasiihu jooɗoo nder ɓerɗe mooɗon barka hoolaakimo. E mi toroo Allah ngam yidde lugga sembiɗa nder ɓerɗe mooɗon,

Yaakubu 2:26

Too, non no ɓandu ndu walaa foofaango wartii mayndu, non maa hoolaare nde walaa kuuɗe wartii baatunde.

1 Timooti 1:19

a hooloomo e ɓernde lamnde. Woɓɓe yimɓe nde nganyi waɗuki non, ɓe lallinii hoolaare maɓɓe.

1 Tasaloonikanko'en 3:5

Ngam non, nde tampumi munyuki, mi liloyii ngam mi nana habaru hoolaare mooɗon. E mi hula koo Ceyɗan majjinii'on, kuugal amin wartii meere.

Koloosiyanko'en 2:7

No ɗaɗi lekki ngaɗirta lekki kin daroo boɗɗum, cembiɗa, non onon maa, ndaree boɗɗum, ɓeydee sembe nder hoolaakimo, non no ɗum ekkitiniri'on. Ngaɗee ka yettukimo koo ngele carel.

Galaatiyanko'en 3:4

Jooni fuu torraaji ɗi njarɗon ngartii meere won ɗon? Goonga on torraaki e meere.

Galaatiyanko'en 3:1

Onon Galaatiyanko'en haaŋaaɓe! Moye wayliti hakkiilo mooɗon? Ɗum wi'ii'on e njayri no Yeesu Almasiihu wariraa dow gaafaangal.

1 Korintiyanko'en 15:2

Barka maajum on kisii, to on njogake boɗɗum wa'aju ɗum nga'ajinanmi'on. To naa' non, on koolii Yeesu e meere.

Yahaya 15:6

Fuu neɗɗo mo jokkotiraayi e am, e mo nandi e lisal pe''itaangal yoori. Iri ngal ɗon lisal e ngal hoccee ngal hubinee nder hiite ngal wula.

Yahaya 15:2

O ittay koo ngale lisal am ngal rimataa, nden o mo''inay koo ngale lisal dimoowal, ngam ngal ɓeyda rimuki.

Koloosiyanko'en 1:23

On ngartay non to nii on nyamrii yeeso e hoolaaki Yeesu, on cembiɗii, on darake boɗɗum dow kammunde nde ngaɗɗon carel ngel nanɗon Habaru Belɗum. Habaru Belɗum ɗum wa'ajinanaama koo ɗume ko tagaa gonɗum nder duuniyaaru. Min Bulus, mi wartii maccuɗo ɗu'um Habaru Belɗum.

1 Korintiyanko'en 13:2

To e mi waɗa annabaaku, nden to e mi faama sirruuji Allah, to e mi woodi andal kewngal, koo to e mi woodi hoolaare cembinde haa e mi sottina kocceeje, ammaa mi walaa yidde, too, walaa ko nafumi.

Markus 6:20

ngam Hirudus e hula Yahaya e suranamo, nde e mo andi kanko o aadiliijo o ceniiɗo. Fuu carel ngel Hirudus nani haala Yahaya, e mo natta wannaare. Ammaa fuu e non e mo yiɗi hettindanaakimo.

1 Yahaya 2:19

Wanywanyɓe Almasiihu ɓen ndenno nder meeɗen ɓe ngonnoo, ammaa ɓe cendirii e meeɗen ngam daga ndenno maa naa' ɗum ɓe meeɗen. Daa ɗum ɓe meeɗen, daa haa jooni e ɓe ngondi e meeɗen. Ammaa ɓe alii'en, ngam ɗum holla nden maa ɓe fuu naa' ɗum ɓe meeɗen.

Luka 8:12

Njanundi dow ɗatal woni nanuɓe Wolde Allah, nden Ceyɗan wara hoccande daga nder ɓerɗe maɓɓe, ngam to' ɓe mbaawa jaɓukinde ɓe kisa.

Luka 8:14

Awdi njanundi nder gi'e boo woni yimɓe nanuɓe Wolde nden, ammaa wannaare, e risku, e belɗum duuniyaaru ɓiɗɗi ɓerɗe maɓɓe, ngam non ɓe mawnaayi nder ɗatal Allah.