10 O wi'i, “Onon on kokkaama faamu sirru Laamu Allah, ammaa woɓɓe sey e misaalu ɗu'um, ngam ‘e ɓe ndaara, ammaa ɓe ngi'ataa; e ɓe nana, ammaa ɓe paamataa.’ ”
Sey o wi'iɓe, “Onon on kokkaama faamuki sirru Laamu Allah, ammaa yimɓe ɓe ngalaa nder mooɗon, koo ɗume sey e misaalu,
E carel ngel Yeesu wi'i, “Mi yettiima, Nyaako am Mo Dow, Joomiraawo dow e ley, ngam a suuɗii fii ɗu'um to gooduɓe faamu e andal, a holliiɗum ɓikkoy pamaroy.
Mi waɗu non ngam ɗum sembiɗina ɓerɗe maɓɓe, nden ɓe ɓeyda yiɗindirki, ɓe keɓa fuu barka keɓeteeɗum laawol faamu kewɗum, ngam ɓe mbaawa anduki sirru Allah, waato Almasiihu e hoore maako.
Mangu tabbita to Allah baawayɗo sembiɗina'on barka Habaru Belɗum ɗum nga'ajinaymi dow Yeesu Almasiihu. Habaru Belɗum ɗum ɗum sirru cuuɗaaɗum daga duuɓi ɗuɗɗi ƴaɓɓiiɗi.
Yeesu nootii wi'imo, “A barkiɗinaaɗo, Siiman ɓii Inuusa, ngam naa' ɗum neɗɗo wi'imaaka, sey ni Nyaako am Mo Dow.
Walaa wongo seko, sirru diina meeɗen e mawni, wiiki: Almasiihu warii nder ɓandu neɗɗo, Ruuhu Allah hollii e mo waɗa ko Allah yiɗi, malaa'ika'en ngi'iimo, ɗum hokkii habaru maako nder lenyi, ɗum hoolakemo nder duuniyaaru, ɗum hocciimo yaaki dow nder mangu maako.
Fuu fii ɗu'um ɗum kuugal Ruuhu go'otum, kanjum hokkata koo moye dokkal non no ɗum suɓiri.
“Mi wumnii gite maɓɓe mi saatinii ɓerɗe maɓɓe, ngam to' ɓe ngi'a e gite maɓɓe, ɓe paama nder ɓerɗe maɓɓe, ɓe co''oo to am, mi yamɗitina ɓerɗe maɓɓe.”
ngam, ‘E ɓe ndaara, ammaa ɓe ngi'ataa. E ɓe nana, ammaa ɓe paamataa. Ngam to naa' non ɗum gaɗotooɗum ɓe nana, ɓe tuuba, ɗum yaafanooɓe.’ ”