Luka 6:48 - Fulfulde Nigeria

⁴⁸ E mo nandi e neɗɗo mahoowo wuro gasuɗo leydi lugguɗum haa o hewti tafaare, o mahi wuro dow mayre. Caangol heewi falƴi fiyi wuro ngon, ammaa ngo dimbaaki, ngam ngo mahaama dow tafaare.

Luka 6:48 ပူးပေါင်းရင်းမြစ်များ

Yahuuda 1:24

Yettoore tabbita to baawayɗo suruki'on to' njanon, o wadda'on yeeso teddungal maako on ngalaa goɗɗum ko wooɗaa, on nanay belɗum naa' seɗɗa.

Aafisanko'en 2:20

On mahaama dow fuɗɗoode maadi ndi lilaaɓe e annabo'en mahi, nden Yeesu Almasiihu e hoore muuɗum woni hayre darnunde maadi ndin.

1 Yahaya 2:28

Jooni, onon ɓiɓɓe am, ngaɗee ka sumpootirki e Almasiihu, ngam nyalnde nde o wartata ndarooɗen yeeso maako ɓernde go'o, to' cemten yeeso maako.

2 Timooti 2:19

Fuu e non, ko Allah tiggi e ɗum darii boɗɗum. Dow maajum ɗum windi wiiki, “Joomiraawo meeɗen e andi ɓe muuɗum,” nden, “Koo moye bi'oowo e tokka Joomiraawo meeɗen doole o ala waɗuki ko wooɗaa.”

2 Biiturus 1:10

Ngam non, bandiraaɓe, ngaɗee ko mbaawoton waɗuki tabbitinon noddol e cuɓol ngol Allah waɗani'on. To on ngaɗii non, on njanataa.

Kuuɗe Lilaaɓe 14:22

E ɓe cembiɗina ɓerɗe tokkuɓe Yeesu, e ɓe mbagginaɓe ɓe ndaroo e sembe nder tokkuki Yeesu. Ɓe mbi'iɓe, “Sey e torraaji ɗuɗɗi keɓeten nattuki Laamu Allah.”

Yahaya 16:33

Mi wi'u'on ɗu'um ngam keɓon belɗum ɓernde barka sumpootirki e am. Nder duuniyaaru ndu'u on njaray torra. Ammaa to' on ngannu, mi heɓii jaalorgal dow duuniyaaru.”

Luka 6:47

Neɗɗo fuu garɗo to am nani boliiɗe am waɗi ko mbiimi, mi hollay'on ko o nandi.

Luka 6:49

Ammaa nanɗo boliiɗe am, nden waɗaayi ko mbiimi e nandi e neɗɗo mahuɗo wuro dow njaareendi. Nde caangol falƴi fiyingo, ɗon e ɗon ngo yani ngo fuu!”