Luka 6:27 - Fulfulde Nigeria

²⁷ “Ammaa e mi wi'a'on onon nanooɓe ko mbi'aymi: Ngiɗee ganyooɓe mooɗon, ngaɗanee wanyuɓe'on ko wooɗi,

Luka 6:27 ပူးပေါင်းရင်းမြစ်များ

1 Tasaloonikanko'en 5:15

Tabbitinee to' goɗɗo waato halleende e halleende. Ammaa koo ndeye ɗaɓɓitee waɗuki ko wooɗi hakkunde mooɗon. Ngaɗanee koo moye non.

Luka 6:35

Ammaa ngiɗee ganyooɓe mooɗon, ngaɗaneeɓe boɗɗum, kokkeeɓe nyamaande, to' on kammoo hokkiteeki. To on ngaɗii non, on keɓay barka ɗuɗɗum, on ngartay ɓiɓɓe Allah Joomu Mangu. Ngam Allah e yurminana ɓe ngettataa e kalluɓe.

Galaatiyanko'en 6:10

Ngam maajum fuu carel ngel keɓɗen, en ngaɗan koo moye ko wooɗi, ko ɓuri maa woni ɓen ɗon tokkuɓe Yeesu bandiraaɓe meeɗen.

Markus 4:24

O fuɗɗiti o wi'iɓe, “Paamee boɗɗum e ko nanoton! E poondirgel ngel poondirton, e maagel ɗum foondiranta'on haa maa ɗum ɓeydana'on.

Kuuɗe Lilaaɓe 10:38

On andi no Allah suɓiri Yeesu Najarankeejo, e no o hokkirimo bawɗe Ruuhu maako. On andi no Yeesu yiilorii nder gariije fuu e mo huwa kuuɗe boɗɗe, e mo yamɗitina ɓe Ceyɗan torrata fuu ngam Allah e wondi e maako.

Kuuɗe Lilaaɓe 7:60

Nden o diccii, o wulli e sembe e mo wi'a, “Yaa Joomiraawo, taa' yowanɓe ɗu'um hakke!” Nde o wi'i non, o maayi.

Luka 23:34

Yeesu wi'i, “Nyaako am Mo Dow, yaafana barooɓeyam ngam ɓe andaa ko ɓe ngaɗata.” Ammaa sooji'en Rooma ngaɗi caaca ngam ɓe cenda kolte maako.

Luka 8:18

“Ngam non paamee boɗɗum no nanirton. Ngam fuu gooduɗo faamu dow Laamu Allah ɗum ɓeydanaymo. Ammaa mo walaa faamu dow Laamu Allah, haa ko o nyumata e mo woodi ɗum jaɓayɗum.”

Luka 8:15

Ammaa awdi janundi dow leydi mbondi woni nanuɓe Wolde Allah, ɓe njogoonde ɓernde go'o, nder munyal ɓe tokkande haa ɓe ngaɗa ko Allah yiɗi.

Luka 8:8

Ammaa wondi awdi yani dow leydi mbondi, ndi mawni, ndi waɗi cammeeje. Gabbel go'o fuu waɗi ngabboy 100.” Nde Yeesu heenyi hokkukiɓe misaalu ɗu'um, o noddi e sembe, o wi'i, “Gooduɗo noppi nanuki fuu nana!”

Luka 6:22

“On barkiɗinaaɓe to yimɓe nganyii'on, ndiiwii'on, kuɗii'on, mbonnii inɗe mooɗon ngam Ɓii Neɗɗo.

3 Yahaya 1:11

Higo am Gaayus mo ngiɗumi, taa' ekkita halleende, ammaa ekkita ngikku boɗɗum. Koo moye gaɗoowo ko wooɗi o ɓiɗɗo Allah. Koo moye gaɗoowo ko halli o andaa Allah koo seɗɗa.

Kuuɗe Lilaaɓe 16:28

Sey Bulus noddi e sembe, wi'i, “Taa' waru hoore maaɗa. Min fuu e min ɗon!”