Luka 5:24 - Fulfulde Nigeria

²⁴ Ammaa e mi yiɗi andon Ɓii Neɗɗo e woodi laamu nder duuniyaaru yaafoo hakke.” Sey o wi'i jaraaɗo on, “E mi wi'imaa, umma, koccaa daago maaɗa, kootaa wuro!”

Luka 5:24 ပူးပေါင်းရင်းမြစ်များ

Wahayu Yahaya 1:13

Caka fitilaaji ɗin boo mi yi'i goɗɗo bo Ɓii Neɗɗo e mo ɓornii kolte haa koyɗe, e mo taadii taadorde jiinaari to gabaare maako.

Kuuɗe Lilaaɓe 14:10

Sey o wi'i e sembe, “Umma ndaroɗaa!” Ɗon e ɗon neɗɗo on ummii fuɗɗi yaadu.

Kuuɗe Lilaaɓe 9:40

Sey Biiturus wurtini yimɓe fuu nder suudu ndun, o diccii o waɗi do'aare. Gaɗa maajum o waylitii o raari ɓandu ndun, o wi'i, “Tabiita, umma!” Sey Tabiita feeri gite muuɗum. Nde o yi'i Biiturus boo, o ummii o jooɗii.

Kuuɗe Lilaaɓe 9:34

Biiturus wi'imo, “Iniyas, Yeesu Almasiihu yamɗitiniima! Umma taggu mbe''itaari maaɗa!” Ɗon e ɗon o ummii.

Kuuɗe Lilaaɓe 5:31

Allah hokkiimo mangu, jo''iniimo e jungo muuɗum nyaamo, wartiriimo laamiiɗo e kisnoowo, ngam yimɓe Israa'iila tuuba, ɓe keɓa yaafaneeki hakke maɓɓe.

Yahaya 17:2

Ngam a hokkiimo laamu dow yimɓe fuu, ngam o hokka fuu ɓe kokkuɗaamo yonki ki re'ataa.

Yahaya 11:43

Gaɗa o wi'ii non, o noddi e sembe, “Li'aajaru, wurtoya!”

Yahaya 5:27

Kadin o hokkii Ɓiɗɗo on laamu taƴuki kiita, ngam o Ɓii Neɗɗo.

Yahaya 3:13

Walaa meeɗuɗo yaaki dow sey ni on ɗon ƴiwoyɗo daga dow, waato Ɓii Neɗɗo.

Luka 8:54

Ammaa Yeesu jogii jungo mayɗo on, noddimo, wi'i, “Surbaajo, umma!”

Luka 7:14

O ɓaddii, o meemi koccirɗum mayɗo on. Sey koccuɓemo ɓen ndarii. O wi'i, “Suka, e mi wi'umaa, umma.”

Luka 5:13

Sey Yeesu forti jungo muuɗum, meemimo, wi'i, “Mi jaɓii. Yamɗutu!” Ɗon e ɗon o yamɗiti, nyawu ngun alimo.

Maatiyu 28:18

Sey Yeesu ɓaddii haade maɓɓe, wi'iɓe, “Ɗum hokkiiyam fuu laamu dow e ley.

Maatiyu 26:64

Yeesu nootii, wi'i, “Ee, ɗum non no mbiiɗaa. Ammaa e mi wi'a'on, yeeso ɗo'o on ngi'ay Ɓii Neɗɗo e jooɗii to jungo nyaamo ngo Joomu Bawɗe e mo waroya nder duule.”

Maatiyu 25:31

“To Ɓii Neɗɗo warii nder teddungal muuɗum e malaa'ika'en fuu, o jooɗoto dow jooɗorgal laamu maako ɗum teddungal.

Maatiyu 16:13

Nde Yeesu wari leydi Kaysaariya Filibi, sey o ƴami tokkuɓemo, o wi'i, “Moye yimɓe mbi'ata Ɓii Neɗɗo woni?”

Maatiyu 9:6

Ammaa e mi yiɗi andon Ɓii Neɗɗo e woodi laamu nder duuniyaaru yaafoo hakke.” Sey o wi'i jaraaɗo on, “Umma koccaa daago maaɗa, kootaa wuro.”

Maatiyu 4:24

Habaru maako sankiti koo toye nder leydi Siiriya. Yimɓe ngaddanimo fuu nyawɓe, piidooɓe e nyawuuji feere‑feere, e piidooɓe e nawɗum ɓalli, e gooduɓe ginni, e gooduɓe paɗɗe, e jaraaɓe, o yamɗitiniɓe.

Luka 5:18

Sey woɓɓe ngaddi goɗɗo jaraaɗo dow daago, ɓe ɗaɓɓiti ɗatal ngal ɓe nattinirtamo nder wuro ngon, ɓe pukkinamo yeeso Yeesu.

Luka 5:23

Ko ɓuri hoyki, ɗum wi'a, ‘A yaafanaama hakke maaɗa,’ koo ɗum wi'a, ‘Umma yaaɓu?’