Luka 4:23 - Fulfulde Nigeria

²³ O wi'iɓe, “Walaa seko on mbi'ayyam haala ka'a, ‘Nyawndoowo, yamɗin hoore maaɗa! Ko min nani a waɗii nder Kafarnahum, waɗu ɗum ɗo'o nder gariiri maaɗa.’ ”

Luka 4:23 ပူးပေါင်းရင်းမြစ်များ

Markus 6:1

Sey Yeesu ali wigeere nden so''ii gariiri to mawni, tokkuɓemo njaadi e maako.

Maatiyu 4:13

O ali gariiri Najarat, o yahi o jooɗii gariiri Kafarnahum ngondi haade mbeela nder leydi Jabaluuna e Naftaali.

2 Korintiyanko'en 5:16

Ngam non, daga jooni min koccataa goɗɗo no yimɓe duuniyaaru koccirimo. Koo nde ndenno min koccii Almasiihu no yimɓe duuniyaaru koccirimo, jooni naa' non min koccirimo.

Yahaya 4:28

Sey debbo on ali ƴoogirde muuɗum, so''ii gariiri wi'i yimɓe,

Luka 6:42

No waɗata mbi'aa bandiraawo maaɗa, ‘Bandiraawo, al mi ittanmaa geenel nder hitere maaɗa,’ nden an e hoore maaɗa a yi'aayi legga wonga nder hitere maaɗa? An munaafukiijo, artu ittuki legga wonga nder hitere maaɗa, nden ngi'aa boɗɗum keɓaa no ittiraa geenel gongel nder hitere bandiraawo maaɗa.

Luka 4:16

Yeesu yahi Najarat, gariiri to mawni. Nyalnde Siwtaare, o natti suudu do'aare no o woowi waɗuki. Sey o ummii o darii ngam o janga Deftere Ceniinde.

Maatiyu 13:54

O yahi gariiri to o mawni, o fuɗɗi ekkitinki yimɓe nder suudu do'aare maɓɓe haa ɓe kayɗini, ɓe mbi'i, “Toye neɗɗo o'o heɓi faamu ɗu'um e bawɗe waɗuki kuuɗe kayɗiniiɗe ɗe'e?

Maatiyu 4:23

Yeesu yahi koo toye nder leydi Galiili, e mo ekkitina nder cuuɗi do'aare maɓɓe, e mo wa'ajina Habaru Belɗum dow Laamu Allah, nden e mo yamɗitina koo iri ɗume nyawu e ciya njamu nder yimɓe.

Luka 2:39

Nde Yusufu e Maryaama njottini koo ɗume ko Attawra wi'i ɗum waɗa, ɓe co''ii gariiri maɓɓe Najarat nder leydi Galiili.

Luka 2:51

Sey Yeesu so''odii e maɓɓe Najarat, e mo waɗa ko ɓe mbi'imo fuu. Maduujo maako jogii fii ɗu'um fuu nder ɓernde muuɗum.

Luka 4:31

Sey Yeesu yahi gariiri Kafarnahum nder leydi Galiili, e mo ekkitinaɓe nder suudu do'aare Nyalnde Siwtaare.

Luka 4:35

Yeesu haɓaningol wi'i, “De''utu! Wurta nder maako!” Sey ginnol ngol do''i neɗɗo on yeeso maɓɓe, ngol wurtii ngol nawnaayimo.